JEMESI 2:1-26 TON1884 - Bible AI

¹1 Oku ikai ke tāu moe lotu a Kalaisi ke filifilimanako ki he ma‘umea, kae jiaki ae kaiga majiva: 13 ka tau ofa mo fai manavaofa: 14 bea ke oua naa bole ki he tui tae hano gaahi gaue, 17 koe tui mate ia, 19 bea koe tui ae kau tevolo, 21 nae ikai behe ae tui a Ebalahame, 25 moe tui a Lehabi. E HOKU kaiga, oua naa mou ma‘u i he filifilimanako ki he kakai, ae tui a ho tau Eiki nāunāuia ko Jisu Kalaisi.

²He kabau e hu mai ki ho mou fale lotu ha taha oku ai ha mama koula i hono nima, bea ai moe kofu lelei, bea hu mai foki mo ha taha majiva moe kofu kovi;

³Bea mou tokaga‘i ia oku ne ai ae kofu lelei, mo behe kiate ia, Nofo koe ki heni i he botu lelei; kae behe ki he majiva, Tuu koe ki hena, be, Nofo heni i lalo hoku tuugava‘e:

⁴Ikai oku mou filifilimanako iate kimoutolu bea hoko ai koe kau fakamāu mahalo kovi?

⁵Fanogo, e hoku kaiga ofeina, Ikai kuo fili e he Otua ae majiva oe mamani ke koloaia i he tui, bea koe kau hoko ki he buleaga aia kuo ne talaofa ki ai kiate kinautolu oku ofa kiate ia?

⁶Ka kuo mou fakamamahi‘i ae majiva. Ikai oku fakamalohi‘i akimoutolu e he kakai koloaia, bea fetoho akimoutolu ki he gaahi fakamāuaga?

⁷Ikai oku nau lauikovi ae huafa lelei koia, aia kuo ui aki akimoutolu?

⁸Koeni, kabau te mou fakamooni ki he fono fakaeiki, o fakatatau ki he tohi, Ke ke ofa ki ho kaugaabi o hage be ko koe, oku mou fai lelei ai:

⁹Ka oka mou ka filifilimanako ki he kakai, oku mou fai agahala ai, bea oku fakahalaia akimoutolu e he fono koe kau talagataa.

¹⁰He ko ia te ne fai kotoabe ae fono, kae hala i hono mea e taha, oku halaia ia i hono mea kotoabe.

¹¹He ko ia ia nae behe, Oua naa ke tono fefine, nae behe foki eia, Oua naa ke fakabo. Koeni, kabau e ikai te ke tono fefine, ka ke fakabo, kuo ke hoko koe maumau fono.

¹²Ke behe be hoo mou lea, bea behe mo hoo mou gaue, o tāu mo kinautolu e fakamāu aki ae fono oe tauataina.

¹³He ko ia nae ikai ke fakaha ae ofa, e ma‘u eia ae fakamāu tae ha ofa; bea oku fiefia ae ofa ki he fakamāu.

¹⁴E hoku kaiga, ne ogo oku behe e ha taha oku iate ia ae tui, ka oku ikai i ai moe gaahi gaue, koeha hono aoga? e fakamoui ia e he tui be?

¹⁵Kabau e telefua bea fiekaia i he aho kotoabe ha tokoua be koe tuofefine,

¹⁶Bea behe e ho mou toko taha ki ai, Alu o ke fiemalie, bea ke mafana, bea ke makona: kae ikai jii te mou atu ki ai ae gaahi mea oku aoga ki he jino; koeha hono aoga?

¹⁷Oku behe foki ae tui, kabau oku ikai i ai ae gaahi gaue, oku mate ia, bea oku tuu taha be ia.

¹⁸Io, e behe nai e ha taha, Oku iate koe ae tui, bea oku iate au ae gaahi gaue: fakaha mai kiate au hoo tui tae ha gaahi gaue, bea teu fakaha kiate koe a eku tui aki eku gaahi gaue.

¹⁹Oku ke tui oku ai ae Otua be taha; ko hoo fai lelei ia: oku tui foki ae kau tevolo, bea nau tetetete.

²⁰Ka oku ke loto ke ke ilo, e tagata vale, koe tui tae i ai ae gaahi gaue, oku mate ia?

²¹Ikai nae fakatonuhia‘i e he gaahi gaue ae tau tamai ko Ebalahame, i he ene o hake a Aisake ko hono foha i he fuga ejifeilaulau?

²²Oku ke mamata ki he gaue oe tui i he ene gaahi gaue, bea nae fakahaohaoa ae tui e he gaahi gaue?

²³Bea nae fakamooni ae tohi aia oku behe, Nae tui a Ebalahame ki he Otua, bea nae lau ia kiate ia koe maonioni: bea nae ui ia koe Kaiga oe Otua.

²⁴Koeni, oku mou mamata oku fakatonuhia ae tagata e he gaahi gaue, kae ikai i he tui be.

²⁵Ikai nae fakatonuhia behe foki a Lehabi koe fefine feauaki e he gaahi gaue, i he ene tali bea ne fekau ae kau mataki i he hala kehe?

²⁶He oku hage oku mate ae jino tae i ai ae laumalie, oku behe ae tui tae i ai ae gaahi gaue, oku mate foki ia.