JEMESI 3:1-18 TON1884 - Bible AI

¹1 Ke oua naa tau valoki taetotonu ki ha niihi: 5 kae lelei e tau taofi ki he elelo, koe kubu jii, ka koe mea oku fai aki ae lelei lahi, moe kovi lahi. 13 Ko kinautolu oku boto mooni oku nau aga-malu, mo aga fakamelino, o taemeheka, mo taefekeikei. E HOKU kaiga, ke oua naa akonaki ae toko lahi, he oku mou ilo e ajili ai ae tautea kiate kitautolu.

²He oku tau tūkia kotoabe i he gaahi mea kehekehe. Kabau e ikai tūkia ha taha i he lea, koe tagata haohaoa ia, bea oku faa fai eia ke taofi ki he jino kotoa.

³Vakai, oku tau ai ae mea taofi ki he gutu oe faga hose, koeuhi ke nau baogo-fua kiate kitautolu; bea oku tau bule‘i aki ia ho nau jino kotoa.

⁴Vakai foki ki he gaahi vaka, he ne ogo oku lalahi, bea fakagaholo e he gaahi matagi malohi, ka oku faa feliliuaki ia ae foheuli jii, o faiteliha ae tagata oku fakauli.

⁵Oku behe foki ki he elelo, koe kubu jii, ka oku ne bolebole ki he gaahi mea lahi. Vakai ki hono lahi oe vao akau kuo tutu aki ae afi jii!

⁶Bea koe afi ae elelo, koe mama agahala: oku behe ae elelo i he ene i ho tau gaahi kubu‘i jino, oku ne uli‘i ae jino kotoa, oku ne fakavela ae aga fakakakano; bea kuo tutu ia mei heli.

⁷He nae fakalalata i mu‘a, bea oku kei fakalalata e he kakai, ae manu fekai kehekehe kotoabe, moe faga manu buna, moe gaahi mea totolo, bea moe gaahi mea i he tahi:

⁸Ka oku ikai faa fakalalata e ha tagata ae elelo; koe kovi tae faa taofia ia, oku bito i he kona fakamate.

⁹Koia oku tau fakafetai aki ki he Otua koe Tamai; bea koia oku kabe aki ae kakai, aia nae gaohi i he tatau oe Otua.

¹⁰Oku mei he gutu be taha ae tabuaki moe kabekabe. E hoku kaiga, e ikai jii lelei ke behe ae gaahi mea ni.

¹¹He oku buna mai mei ha matavai be taha ae vai melie moe vai kona?

¹²E hoku kaiga, e faa tubu i he fiki ae fua oe olive? be i he vaine ae fua oe fiki? bea behe, oku ikai ha matavai e buna mei ai ae vai kona moe vai melie.

¹³Kohai ha taha oku boto mo ilo lahi iate kimoutolu? ke fakaha eia i he ulugaaga lelei a ene gaahi gaue i he agavaivai moe boto.

¹⁴Bea kabau oku i ho mou loto ae feiga kovi moe fekeikei, oua naa mou bolebole ai, mo lohiaki‘i ae mooni.

¹⁵Oku ikai alu hifo mei oluga ae boto ni, ka oku fakamama, mo fakakakano, bea fakatevolo.

¹⁶He koia oku i ai ae meheka moe fekeikei, oku i ai ae maveuveu moe gaue kovi kotoabe.

¹⁷Ka koe boto oku mei oluga oku fuofua maa, bea fakamelino, bea agavaivai, bea ogogofua ki he kole, oku bito i he aloofa moe gaahi fua lelei, oku ikai filifilimanako, oku ikai ke malualoi.

¹⁸Bea kuo tūtūi ae fua oe maonioni i he melino maa nautolu oku faa fakalelei.