JEMESI 4:1-17 TON1884 - Bible AI

¹1 Ke tau taofi laki ki ke manumanu, 4 ki ke aga fakamama, 5 ki ke laukau, 11 ki he lauikovi moe fakamāua ae kakai: 13 bea ke oua naa tau falala malohi e lelei ka gaue fakamama, kae manatu‘i ae fuonounou oe moui ni, bea tuku akitautolu moe tau mea kotoabe ki he bule ae Otua. OKU meife ae gaahi tau moe fekeikei oku iate kimoutolu? ikai oku mei hoo mou gaahi holi kovi ia aia oku tau i ho mou gaahi kubu?

²Oku mou holi, kae ikai ma‘u: oku mou tamate‘i, mo feiga ke ma‘u, kae ikai faa lava‘i: oku mou fekeikei mo tau, kae ikai te mou ma‘u, koeuhi oku ikai te mou kole.

³Oku mou kole, bea ikai ma‘u, koeuhi oku mou kole kovi, koeuhi ke mou fakaoji ia ki hoo mou gaahi holi.

⁴Ae kau tono fefine moe kau tono tagata, ikai te mou ilo koe feofoofani mo mamani koe taufehia ia ki he Otua? bea ko ia ia oku loto ke kaiga mo mamani koe fili ia oe Otua.

⁵He oku mou mahalo oku behe noabe ae lea i he tohi tabu; Oku holi ki he meheka ae laumalie oku nofoia akitautolu?

⁶Ka oku ne foaki ae ofa lahi hake. Koia oku behe eia, Oku teke‘i e he Otua ae laukau ka oku ne foaki ae ofa ki he agavaivai.

⁷Koia mou fakavaivai‘i akimoutolu ki he Otua. Teke‘i ae tevolo, bea e buna atu ia meiate kimoutolu.

⁸Unuunu atu ki he Otua, bea e unuunu mai ia kiate kimoutolu. Fakamaa ho mou nima, ae kau agahala; bea fakamaa mo ho mou loto, ae kau lotolotoua.

⁹Mou mamahiia, bea to‘eto‘e, mo tagi: ke liliu hoo mou kata koe to‘eto‘e, bea ko hoo mou fiefia koe māfajia.

¹⁰Fakavaivai‘i akimoutolu i he ao oe Eiki, bea e hakeaki‘i eia akimoutolu.

¹¹E kaiga, oua naa feleakoviaki akimoutolu kiate kimoutolu. Ko ia oku lauikovi hono tokoua, bea fakamāu‘i hono tokoua, oku ne lauikovi ae fono, bea fakamāu‘i ae fono: bea kabau oku ke fakamaū‘i ae fono, oku ikai te ke fai koe ki he fono, ka koe fakamāu.

¹²Oku ai ae toko taha oku ne fokotuu ae fono, oku faa fai eia ke fakamoui bea ke fakaauha: kohai koe oku ke fakamāu‘i ae toko taha?

¹³Vakai mai, akimoutolu oku behe, Koe aho ni be koe abogibogi te tau o ki ha kolo e taha, o nofo ai i he ta‘u e taha, o fefakatauaki, o ma‘u ai ae koloa:

¹⁴Ka oku ikai te mou ilo aia e hoko abogibogi. He koeha hoo mou moui? He koe mao ia, oku ha mai o fuoloa jii be, bea mole atu leva.

¹⁵Kae totonu hoo mou behe, Kabau koe finagalo oe Eiki ke moui akitautolu, te tau fai eni, be ko ena.

¹⁶Ka koeni, oku mou fiefia i hoo mou faa bolebole: ka oku kovi ae fiefia behe kotoabe.

¹⁷Ko ia ia oku ne ilo ke fai lelei, ka oku ikai ke fai, koe agahala ia kiate ia.