JEMESI 5:1-20 TON1884 - Bible AI

¹1 Ke manavahe ki he houhau oe Otua ne kekai koloaia oku fai kovi. 7 Ke tau faa kataki i he gaahi mamahi, o faifaitaki ai ki he kau balofita, bea lahi kia Jobe: 12 ke oua naa fuakava, 12 ke faa lotu i he mamahi, ke faa hiva i he fiemalie: 16 ke feveteaki e tau gaahi kovi, bea fehufekinaaki akitautolu, 19 bea ke fai lahi ke toe omi ki he mooni ha kaiga kuo he. VAKAI mai, akimoutolu oku koloaia, tagi mo fakatagiloloa koeuhi koe gaahi mamahi e hoko kiate kimoutolu.

²Kuo bobo a hoo mou koloa, bea kuo aneanea hoo mou gaahi kofu.

³Kuo umeumea a hoo mou koula moe siliva; bea ko hono umeumea o ia e fakamooni ia kiate kimoutolu, bea e kai eia a ho mou kakano o hage koe afi. Kuo mou fokotuu ae koloa ki he gaahi aho fakamui.

⁴Vakai, koe totogi oe kau gaue, kuo nau tuuji hoo mou gaahi goue, aia kuo mou taofia i he kākā, oku tagi ia: bea koe gaahi tagi o kinautolu kuo fai ae tuuji, kuo hu ki he teliga oe Eiki oe gaahi toko lahi.

⁵Kuo mou moui fakafiemalie kovi, bea holi kovi i mamani; kuo mou faga-beji ho mou loto, o hage koia i he aho oe feilaulau.

⁶Kuo mou fakahalaia mo tamate‘i ae Agatonu; bea oku ikai ke taofi eia kiate kimoutolu.

⁷Koia, e kaiga, ke mou faa kataki, a‘u ki he haele mai oe Eiki. Vakai, oku tatali ae tagata tauhi goue ki he fuo lelei oe kelekele, bea oku tatali fuoloa ia ki ai, kae oua ke ne ma‘u ae uha mu‘a moe uha mui.

⁸Ke faa kataki foki akimoutolu; ke fakamalohi ho mou loto: he oku fa-kaaau o ofi ae haele mai oe Eiki.

⁹E kaiga, oua naa felāugaaki akimoutolu, telia naa mou malaia: vakai, oku tuu i he mataba ae fakamāu.

¹⁰E hoku kaiga, tokaga ki he kau balofita, kuo nau lea i he huafa oe Eiki, koe faifaitakiaga oe kataki oe mamahi, moe faa ukuma.

¹¹Vakai, oku tau lau oku monuia akinautolu oku faa kataki. Kuo mou fanogo ki he faa kataki a Jobe, bea kuo mou mamata ki hono gataaga mei he Eiki; he oku aloofa aubito ae Eiki, bea manavaofa ogogofua.

¹²E hoku kaiga, jino oe mea ke oua e fuakava, oua e fai ki he lagi, be ki mamani, be i ha fuakava kehe e taha: ka ke io be, i hoo mou io; mo ikai, i hoo mou ikai; telia naa mou to ki he malaia.

¹³Oku ai ha taha iate kimoutolu oku mamahi? ke lotu ia. Oku ai ha taha oku fiefia? ke hiva aki eia ae gaahi same.

¹⁴Oku ai ha taha iate kimoutolu oku mahaki? ke tala ia ki he kau mātua oe jiaji; bea ke nau lotua ia, o tākai aki ia ae lolo i he huafa oe Eiki:

¹⁵Bea koe lotu i he tui, e fakamoui eia ae mahaki, bea e fokotuu ia e he Eiki; bea kabau nae fai eia ha agahala, e fakamolemolea ia.

¹⁶Ke fetoutou feveteaki hoo mou gaahi agahala kiate kimoutolu, bea felotuaaki akimoutolu, ke mou moui. Koe lotu fakamatoato oe tagata maonioni oku aoga lahi.

¹⁷Ko Ilaija, koe tagata ia nae aga tatau mo kitautolu, bea nae lotu fakamatoato ia, ke oua naa uha: bea nae ikai to ha uha ki he kelekele i he ta‘u e tolu moe mahina e ono.

¹⁸Bea toe lotu ia, bea nae tuku mai e he lagi ae uha, bea tubu ai mei he kelekele a hono fua.

¹⁹E kaiga, kabau e hē ha mou toko taha mei he mooni, bea fakafoki mai ia e ha taha;

²⁰Ke ilo eia, ko ia oku ne fakafoki mai ae agahala mei hono hala hehe, oku ne fakamoui ha laumalie mei he mate, bea oku ne ufiufi foki ae gaahi agahala lahi.