JENESI 22:1-24 TON1884 - Bible AI

¹1 Oku ahiahi‘i a Ebalahame ke ne feilaulau aki a Aisake. 3 Oku ne fakamooni ki he ene tui moe talagofua. 11 Oku taofi ia e he agelo. 13 Oku felogi aki a Aisake ae sibi tagata. 14 Oku fakahigoa ae botu ko Jihova‐jaila. 15 Oku tooe tabuaki a Ebalahame. 20 Ae hako o Nehoa o a‘u kia Lebeka. BEA hili ae gaahi mea ni, nae hoko ae ahiahi mei he Otua kia Ebalahame o ne behe, Ebalahame: bea behe eia, Vakai ko au eni.

²Bea ne behe, Koeni ke ke ave ho foha, ho foha be taha ko Aisake, aia oku ke ofa ki ai, bea ke alu ki he fonua ko Molia: o feilaulau aki ia i ai, koe feilaulau tutu, i he mouga e taha aia teu fakaha kiate koe.

³Bea tuu hegihegi hake a Ebalahame o ne ai hono hekaaga ki he asi, bea ave moia ae talavou e toko ua, bea mo Aisake ko hono foha, bea naa ne ta ae fefie ki he feilaulau tutu, bea nau tutuu hake o fonoga ki he botu nae fakaha e he Otua kiate ia.

⁴Bea haga hake a Ebalahame hono mata i hono aho tolu, bea mamata ia ki he botu mei he mamao.

⁵Bea behe e Ebalahame ki he ene ogo talavou, Mo nofo i heni moe asi: bea te ma o moe tama ki hena o lotu, bea toe ha‘u kiate kimoua.

⁶Bea too mai e Ebalahame ae fefie ki he feilaulau tutu, ke fua ia e hono foha ko Aisake; bea ne too ae afi i hono nima moe hele; bea naa na o fakataha.

⁷Bea nae lea age a Aisake ki he ene tamai ko Ebalahame, o behe, Ko eku tamai; bea ne behe, Hoku foha, ko au eni. Bea behe eia, Vakai, ko eni ae afi, moe fefie; ka koefe ae lami ki he feilaulau?

⁸Bea beheage e Ebalahame, Hoku foha, e tokonaki e he Otua maana ha lami ki he feilaulau tutu; bea ne na o fakataha.

⁹Bea naa na hoko ki he botu nae fakaha e he Otua kiate ia; bea fokotuu ai e Ebalahame ae ejifeilaulau, o ne hili ae fefie ki ai, bea ne ha‘i hono foha ko Aisake, o ne hilifaki ia ki he fefie ki he fuga ejifeilaulau.

¹⁰Bea mafao atu e Ebalahame hono nima, o ne too ae hele ke tamate‘i hono foha.

¹¹Bea nae ui e he agelo a Jihova kiate ia mei he lagi, o behe, Ebalahame, Ebalahame; bea behe eia, Ko au eni;

¹²Bea behe eia, Oua naa ala ho nima ki he tama, be fai ha mea kiate ia; he oku ou ilo eni, oku ke manavahe ki he Otua, koeuhi nae ikai te ke taofi ho foha, ko ho foha be taha meiate au.

¹³Bea haga hake a Ebalahame hono mata o ne jio, bea vakai nae i hono tua ha sibi tagata, kuo efihia i hono nifo i he vao; bea nae alu a Ebalahame o ne too ae sibi tagata, o ne feilaulau aki ia, koe feilaulau tutu, koe fetogi o hono foha.

¹⁴Bea nae ui e Ebalahame ae higoa oe botu koia, ko Jihova‐jaila; hage koia oku lea aki o a‘u ki he aho ni, o behe, I he mouga e afio a Jihova ki ai.

¹⁵Bea nae ui e he agelo a Jihova kia Ebalahame mei he lagi ko hono tuo ua,

¹⁶O ne behe, Oku behe e Jihova, kuou fuakava iate au, koeuhi kuo ke fai ae mea ni, bea nae ikai te ke taofi meiate au ho foha, a ho foha be taha;

¹⁷Koeuhi i he tabuaki, teu tabuaki‘i koe, bea i he fakatokolahi, teu fakatokolahi ho hako ke tatau moe gaahi fetuu oe lagi, moe oneone oku i he matātahi; bea e ma‘u e ho hako ae mataba o ho nau gaahi fili.

¹⁸Bea e monuia i ho hako ae buleaga kotoabe o mamani; koe mea i hoo tuitala ki hoku le‘o.

¹⁹Bea nae toe ha‘u a Ebalahame ki he ene ogo talavou, bea naa nau tutuu ki oluga o nau fonoga fakataha ki Beasiba, bea nae nofo a Ebalahame i Beasiba.

²⁰Bea hili ae gaahi mea ni, nae fakaha kia Ebalahame, o behe, Vakai, kuo fanau‘i foki e Milika ae fānau kia Nehoa, ko ho tokoua.

²¹Ko Husa hono uluaki, mo Busa ko hono tehina, bea mo Kemueli, koe tamai a Elami.

²²Mo Keseti, mo Hesoa, mo Bilitasi, mo Jitilafi, mo Betueli.

²³Bea nae tubu ia Betueli a Lebeka; koe toko valu ni nae fanau‘i e Milika kia Nehoa, koe tehina o Ebalahame.

²⁴Bea ko hono jinifu nae higoa ko Liuma, naa ne fanau‘i foki eia a Teba, mo Kehami, mo Tehasi, mo Meeka.