JENESI 31:1-55 TON1884 - Bible AI

¹1 Oku loto mamahi, bea alu fufu a Jekobe. 19 Oku kaihaa e Lejieli ae gaahi tamabua a ene tamai. 22 Oku tuli ia e Lebani, 26 o ne valoki ia i he kovi kuo ne fai. 34 Koe kākā o Lejieli ke ne fufu ae gaahi tamabua. 36 Koe valoki e Jekobe a Lebani. 43 Koe fuakava a Jekobe mo Lebani i Kaleti. BEA fanogo ia ki he lea ae gaahi foha o Lebani, o behe, Kuo too e Jekobe ae gaahi mea kotoabe ae tau tamai; bea kuo ne ma‘u ae nāunāu ni kotoabe i he mea ae tau tamai.

²Bea nae mamata a Jekobe ki he mata o Lebani, bea vakai, nae ikai lelei ia kiate ia o hage koia i mu‘a.

³Bea behe e Jihova kia Jekobe, Foki atu ki he fonua o hoo gaahi tamai mo ho gaahi kaiga; bea teu iate koe.

⁴Bea alu a Jekobe o ne ui mai a Lejieli mo Lia kiate ia ki he goue, ki he faga manu.

⁵Bea behe eia kiate kinaua, Oku ou jio ki he mata o hoo mo tamai oku ikai kei iate au, o hage koia i mu‘a; ka kuo iate au ae Otua o eku tamai.

⁶Bea oku mo ilo naaku gaue ki hoo mo tamai, aki a eku malohi kotoa.

⁷Bea kuo kākā‘i au e hoo mo tamai, mo ne fakakehe eku totogi o liuga hogofulu; ka nae ikai tuku ia e he Otua keu kovi ai.

⁸Kabau naa ne behe eia, Ke oou ae bulebule ko hoo totogi, bea fanau leva ae faga manu kotoabe koe bulebule: bea kabau naa ne behe, ko hoo totogi ae ilaila; bea fanau leva ae faga manu kotoabe koe ilaila.

⁹Koia kuo too e he Otua ae faga manu a hoo mo tamai o foaki ia kiate au.

¹⁰Bea i he tuituia ae faga manu, naaku haga hake hoku mata, o mamata i he miji, bea vakai, koe faga sibi tagata, nae hobo ki he faga manu nae ilaila moe bulebule moe kelo.

¹¹Bea lea ae agelo ae Otua kiate au i he miji, o behe, Jekobe: bea naaku behe, Ko au eni.

¹²Bea behe eia, Haga hake eni ho mata, o vakai, koe faga sibi tagata oku hobo ki he faga manu, koe ilaila moe bulebule, moe kelo; he kuou mamata ki he mea kotoabe oku fai e Lebani kiate koe.

¹³Ko au koe Otua o Beteli, aia naa ke fakatabu‘i ai ae bou, mo ke fai ae fuakava kiate au; bea koeni, ke ke tuu, bea ke alu i he fonua ni, o toe alu ki he fonua o ho gaahi kaiga.

¹⁴Bea beheage e Lejieli mo Lia kiate ia, He oku kei ai ha inaji be tufakaga kiate kimaua i he fale oe ma tamai?

¹⁵Ikai kuo ne lau akimaua koe ogo muli? he kuo ne fakatau akimaua, bea kuo ne fakaojioji foki e ma baaga.

¹⁶He koe koloa kotoabe kuo too e he Otua mei he e tau tamai oku atautolu ia, bea moe tau fānau: bea koeni, koe mea kotoabe kuo lea aki e he Otua kiate koe, ke ke fai.

¹⁷Bea tuu hake a Jekobe, o ne fakaheka a ene fanau, mo hono gaahi unoho ki he faga kameli;

¹⁸Bea naa ne ave ene faga manu kotoabe, mo ene mea kotoabe aia naa ne ma‘u, ae faga manu nae tubu kiate ia, aia naa ne ma‘u i Betanalami, ke alu ia ki he ene tamai ko Aisake ki he fonua ko Kenani.

¹⁹Bea nae alu a Lebani ke koji ene faga sibi: bea nae kaihaaji e Lejieli ae gaahi tamabua a ene tamai.

²⁰Bea alu fakafufu be a Jekobe mei a Lebani, koe tagata Silia, he nae ikai te ne tala kiate ia ene hola.

²¹Koia nae hola ia mo ene mea kotoabe: bea tuu hake ia o ne laka i he vaitafe, bea haga hono mata ki he mouga ko Kiliate.

²²Bea i hono tolu oe aho, nae fakaha kia Lebani, ae hola a Jekobe.

²³Bea naa ne alu mo hono kaiga tagata, bea nau tuli ia i he aho e fitu; bea naa nau ma‘u ia i he mouga ko Kiliate.

²⁴Bea nae haele mai ae Otua kia Lebani koe tagata Silia, i he miji i he bo, o ne behe kiate ia, Vakai, oua naa ke lea kia Jekobe i he lelei be i he kovi.

²⁵Bea ma‘u e Lebani a Jekobe. He nae fokotuu e Jekobe hono fale fehikitaki i he mouga; bea behe foki a Lebani mo hono kaiga, naa nau fokotuu fale fehikitaki i he mouga ko Kiliate.

²⁶Bea behe e Lebani kia Jekobe, Koeha eni kuo ke fai, koeuhi kuo ke alu fakafokifabe, mo ke ave hoku gaahi ofefine, o hage koe gaahi bobula kuo ma‘u aki ae heleta?

²⁷Koeha kuo ke hola fakafufu ai, hage ha kaihaa meiate au: bea nae ikai te ke tala kiate au, koeuhi keu tuku koe ke alu i he fiefia, moe fai hiva, moe ta ae lali moe haabe?

²⁸Bea nae ikai te ke tuku keu uma ki hoku gaahi foha, mo hoku gaahi ofefine? Kuo ke fai vale i hoo fai behe.

²⁹Oku ai ae malohi i hoku nima ke fai kovi kiate koe: ka koe Otua o hoo tamai naa ne folofola mai kiate au anebo, o behe, Vakai, oua naa ke lea kia Jekobe, i he lelei, be i he kovi.

³⁰Bea koeni, nae totonu hoo holi ke alu, he oku ke holi ki he fale o hoo tamai, ka koeha kuo ke kaihaa ai hoku gaahi otua?

³¹Bea lea a Jekobe, o ne behe kia Lebani, Koeuhi naaku manavahe, he naaku behe, telia naa ke too fakamalohi be, a ho gaahi ofefine iate au.

³²Bea koia te ke ilo ki ai a ho gaahi otua ke oua naa moui ia; i he ao o ho ta kaiga, ke ke vakai ae mea aau, bea ke too ia kiate koe. He nae ikai ilo e Jekobe kuo kaihaaji ia e Lejieli.

³³Bea hu atu a Lebani ki he fale fehikitaki o Jekobe, moe fale fehikitaki o Lia, bea moe fale fehikitaki e ua oe ogo kaunaga; ka nae ikai te ne ilo ia. Bea alu ia mei he fale fehikitaki o Lia, mo ne hu ki he fale fehikitaki o Lejieli.

³⁴Ka kuo too e Lejieli ae gaahi tamabua, o ne ai ia ki he nāunāu oe faga kameli, bea heka ai ia. Bea kumi e Lebani i he botu kotoabe oe fale fehikitaki, ka nae ikai te ne ilo ia.

³⁵Bea behe eia ki he ene tamai. Ke oua naa tubutamaki a eku eiki, koeuhi oku ikai teu faa tuu; he oku iate au ae aga fakafefine. Bea nae kumi ia, ka nae ikai te ne ilo ae gaahi tamabua.

³⁶Bea nae ita a Jekobe o lea lahi kia Lebani: bea lea a Jekobe o behe, kia Lebani, Koeha eku fai kovi? bea koeha eku agahala koeuhi ke ke tuli ai au i he lili ni?

³⁷He kuo ke kumi i he eku mea kotoabe, bea koeha hao mea kuo ke ilo‘i? fokotuu ia i he ao o hoku kaiga, mo ho kaiga, koeuhi ke nau fakamāu kiate kitaua.

³⁸Naaku iate koe i he ta‘u e uofulu ni, nae ikai uhimate a hoo faga sibi fefine, moe faga koji fefine, bea koe sibi tagata o hoo faga manu, nae ikai teu kai.

³⁹Koia nae kai e he manu fekai nae ikai teu omi kiate koe: naaku totogi ia; naa ke ma‘u ae totogi oia i hoku nima, kabau nae kaihaa ia i he aho, be i he bo.

⁴⁰Naaku behe au, bea nae fakavaivai au e he bubuha i he aho, moe momoko i he bo; bea mahui ae mohe mei hoku mata.

⁴¹Kuou behe ni i he ta‘u e uofulu i ho fale; naaku tauhi koe i he ta‘u e hogofulu ma fa, koeuhi ko ho ogo ofefine, moe ta‘u e ono ki hoo faga manu; bea kuo ke fakakehe eku totogi o liuga hogofulu.

⁴²Ka ne ikai iate au ae Otua o eku tamai, koe Otua o Ebalahame, moe manavahe kia Aisake, behe kuo ke fekau au keu alu tae haaku mea. Kuo afio‘i e he Otua hoku tautea, moe gaue a hoku nima, bea ne valoki koe anebo.

⁴³Bea behe mai a Lebani kia Jekobe, Koe gaahi ofefine ni, ko hoku gaahi ofefine, bea koe tamaiki ni, ko eku fānau, bea koe faga manu ni, ko eku faga manu, bea koe mea kotoabe oku ke mamata ki ai oku aaku ia: bea koeha nai teu fai he aho ni, ki hoku ogo ofefine ni, moe na fānau, kuo na fanau‘i

⁴⁴Koeni ke ke ha‘u, ke ta fai ae fuakava, akoe mo au; bea tuku ia koe fakamooni kiate kitaua.

⁴⁵Bea too e Jekobe ae maka, o ne fokotuu ia koe bou.

⁴⁶Bea behe e Jekobe ki hono kaiga, Tanaki ae gaahi maka; bea naa nau too ae gaahi maka o fokotuu; bea naa nau kai i ai, i he faga maka.

⁴⁷Bea ui ia e Lebani, ko Jekaa‐satuta; ka nae ui ia e Jekobe, ko Kaleti.

⁴⁸Bea behe e Lebani, Koe fokotuuga maka ni, koe fakamooni kiate koe mo au he aho ni. Koia nae ui ai hono higoa ko Kaleti mo Misiba.

⁴⁹He nae behe eia, Ke leohi e Jihova kiate au mo koe, i he e ta mavae.

⁵⁰Kabau te ke fakamamahi hoku ogo ofefine, bea kabau te ke too maau ha unoho kehe, mo hoku ogo ofefine, oku ikai ha tagata i heni; kae vakai, koe fakamooni ae Otua kiate kitaua:

⁵¹Bea behe e Lebani kia Jekobe, Vakai ki he gaahi maka ni, moe bou aia kuo tuku i ho ta vahaa;

⁵²Ke fakamooni e he eji ni, moe bou ni, e ikai teu laka i he botu oe eji ni kiate koe, bea e ikai te ke laka i he eji ni kiate au, ke fai ha kovi.

⁵³Koe Otua o Ebalahame, moe Otua o Nehoa, koe Otua oe na tamai, fakamāu kiate kitaua. Bea nae fuakava a Jekobe, i he manavahe o ene tamai ko Aisake.

⁵⁴Bea feilaulau a Jekobe i he mouga, bea naa ne ui hono kaiga ke nau kai: bea naa nau kai ae ma, bea nau mohe i he mouga i he bo koia.

⁵⁵Bea tuu hegihegi hake be a Lebani, mo ne uma ki hono gaahi foha, mo hono ogo ofefine, o ne tabuaki akinautolu; bea alu a Lebani, o toe foki ki hono botu.