JENESI 33:1-20 TON1884 - Bible AI

¹Koe feofaaki a Jekobe mo Isoa i he e na feiloaki. 17 Koe fonoga a Jekobe ki Sukote. 18 Koe fakatau eia ae goue i Sikemi, bea ne fokotuu ai ae ejifeilaulau, aia nae ui ko Ele‐ilohe‐Isileli. BEA haga hake a Jekobe o jio, bea vakai, nae ha‘u a Isoa, moe kau tagata e toko fageau. Bea vahe‘i eia ae fānau, kia Lia, mo Lejieli, bea moe ogo kaunaga.

²Bea ne fakamuomua ae ogo kaunaga mo ena fānau, bea hoko a Lia mo ene fānau, bea fakamuimui a Lejieli mo Josefa.

³Bea ne muomua ia iate kinautolu, bea bunou hifo ia o tuo fitu ki he kelekele, i he ene unuunu atu ki hono taokote.

⁴Ka nae lele a Isoa ke fakafetaulaki kiate ia, bea ne faofua ia ki hono kia, bea uma kiate ia: bea naa na fetagihi.

⁵Bea haga hake hono mata, o ne jio ki he kau fefine moe tamaiki: bea behe eia, Kohai akinautolu ni oku iate koe? Bea beheage eia, Koe fānau, kuo foaki e he Otua aloofa ki hoo tamaioeiki.

⁶Bea nae toki unuunu mai o ofi, ae ogo kaunaga, akinaua mo ena fānau, bea naa nau bunou.

⁷Bea ha‘u o ofi a Lia foki mo ene fānau, bea bunou akinautolu: bea ha‘u fakamui a Josefa mo Lejieli o ofi, bea bunou akinaua.

⁸Bea behe eia, Koeha hono uhiga oe gaahi faga manu naa mau fehikitaki mo au? Bea behe eia, Koe mea ke ofeina ai au i he ao o hoku eiki.

⁹Bea behe e Isoa, Ko hoku tehina, kuo lahi eku mea; ke iate koe be, aia oku aau.

¹⁰Bea beheage e Jekobe, Oua, koeni, oku ou kole kiate koe, kabau oku ou lelei i ho ao, bea ke ma‘u eku meaofa mei hoku nima; he koia kuou mamata ai ki ho mata, o hage koe fofoga oe Otua, bea kuo ke lelei kiate au.

¹¹Oku ou kole ke ke ma‘u eku tabuaki, aia kuo omi kiate koe; koeuhi kuo fai lelei e he Otua kiate au, bea kuou ma‘u o lahi. Bea naa ne fakaloto‘i ia, bea ne too ia.

¹²Bea behe eia, Ke tau fonoga bea tau o, bea teu muomua iate koe.

¹³Bea beheage eia kiate ia, Oku ilo e hoku eiki oku vaivai ae tamaiki, bea oku iate au ae faga manu feitama: bea kabau e fakateka malohi akinautolu e he kau tagata, i he aho be taha, e mate ai kotoabe.

¹⁴Oku ou kole kiate koe, ke muomua a hoku eiki i he ene tamaioeiki; bea teu muimui atu o fakatuotuai, o fakatatau ki he faa fai e he faga manu, moe tamaiki, ae nau muomua iate au, ke oua keu hoko ki hoku eiki i Seia.

¹⁵Bea talaage e Isoa, Tuku ke nofo kiate koe ha niihi iate kinautolu oku iate au: bea behe eia, Koeha hono aoga? tuku keu lelei i he ao o hoku eiki.

¹⁶Bea tafoki a Isoa i he aho koia ke alu ki Seia.

¹⁷Bea fonoga a Jekobe ki Sukote, bea laga ai hono fale louakau o ne gaohi ai ae gaahi fale louakau ki he ene faga manu: koia oku ui ai ae botu koia ko Sukote.

¹⁸Bea hoko lelei be a Jekobe ki he kolo ko Sikemi, aia oku i he fonua ko Kenani, i he ene ha‘u mei Betanalami; bea naa ne fokotuu hono fale fehikitaki o ofi ki he kolo.

¹⁹Bea ne fakatau ae botu goue, aia ne ne folahi ai hono fale fehikitaki, mei he nima oe fānau a Hemoa koe tamai a Sikemi, aki ae baaga e teau.

²⁰Bea naa ne fokotuu i ai ae ejifeilaulau, o ne ui ia ko Ele‐ilohe‐Isileli.