JENESI 40:1-23 TON1884 - Bible AI

¹1 Kuo i he fale fakabobula ae tagata fua ibu, moe tagata gaohi ma. 4 Oku leohi akinaua e Josefa. 5 Oku fakauhiga eia a ena miji. 20 Kuo hoko o hage ko ene fakamatala. 23 Koe agakovi ae tagata fua ibu. BEA hili ae gaahi mea ni, nae hoko o behe, koe tauhi lahi, moe tagata ta‘o ma ae tu‘i o Ijibite, naa na fakaita‘i ho na eiki koe tu‘i o Ijibite.

²Bea tubutamaki a Felo ki he ene ogo matābule, io, ki he matābule oe kau tauhi, moe matābule oe kau ta‘o ma.

³Bea ne tuku akinaua ke bobula i he fale oe eiki oe kau leo, ki he fale fakabobula, koe botu koia nae nofo ha‘ijia ai a Josefa.

⁴Bea nae tuku akinaua e he matābule oe kau leo, kia Josefa ke ne leohi, bea nae tauhi eia akinaua: bea ne na nofo i he fale fakabobula o fuoloa jii be.

⁵Bea ne na miji fakatouoji ae miji, taki taha ae tagata ene miji i he bo be taha, ae tagata taki taha o fakatatau mo hono uhiga o ene miji, ae tauhi lahi, moe tagata ta‘o ma ae tu‘i o Ijibite, aia nae nofo ha‘ijia i he fale fakabobula.

⁶Bea aluage a Josefa kiate kinaua i he bogibogi, bea jio ia kiate kinaua, bea vakai, naa na matabeko.

⁷Bea fehui ia ki he ogo matābule a Felo, akinaua nae bobula mo ia i he fale o ene eiki, o behe, Koeha oku mo matabeko ai he aho ni?

⁸Bea na behe kiate ia, Kuo ma miji ae miji, bea oku ikai ha toko taha ke fakaha hono uhiga. Bea behe e Josefa kiate kinaua, Ikai oku i he Otua be hono uhiga? oku ou kole mo fakaha mai ia kiate au.

⁹Bea tala e he tauhi lahi ene miji kia Josefa, o ne behe kiate ia; Vakai, i he eku miji, nae i hoku ao ae vaine;

¹⁰Bea nae i he vaine ae vaa e tolu; bea hage nae litolito ia, bea tubu hono fiji; bea nae tubu i hono gaahi fuhi ae kelebi momoho:

¹¹Bea nae i hoku nima ae ibu a Felo; bea naaku too ae gaahi kelebi, o tatau ia ki he ibu a Felo, bea neu atu ae ibu ki he nima o Felo.

¹²Bea beheage e Josefa kiate ia, Ko hono uhiga eni; Koe vaa e tolu, koe aho ia e tolu.

¹³I he heeki oji ae aho e tolu, e hakeaki‘i koe e Felo, o ne toe tuku koe ki hoo gaue: bea te ke atu ae ibu a Felo ki hono nima, o hage koia naa ke fai i hoo kei nofo ko ene tauhi lahi.

¹⁴Ka oka ke ka lelei koe, ke ke manatu‘i au; bea oku ou kole ke ke ofa mai kiate au, o tala au kia Felo, bea fakahao au mei he fale ni;

¹⁵He koe mooni nae kaihaajia au mei he fonua oe kakai Hebelu: bea nae ikai teu fai ha mea i heni foki, koeuhi ke nau tuku au ki he fale fakabobula.

¹⁶Bea kuo mamata e he tagata ta‘o ma, oku lelei hono uhiga, bea behe eia kia Josefa: Naaku miji foki, bea vakai, nae i hoku ulu ae kato hinehina e tolu;

¹⁷Bea nae i he kato i oluga ae gaahi mea kai, kuo ta‘o kia Felo; bea nae kai ia e he faga manu buna mei he kato, i hoku ulu.

¹⁸Bea lea a Josefa, o behe: Ko hono uhiga eni: koe kato e tolu koe aho ia e tolu.

¹⁹Bea i he heeki ke oji ae aho e tolu, e hiki e Felo ho ulu meiate koe, bea te ne tautau koe ki he akau; bea e kai e he faga manu buna, ae kakano meiate koe.

²⁰Bea i he ene hokojia hono aho tolu, koe aho fakamanatu ki he fanau‘i o Felo, naa ne fai ae katoaga ki he ene kau nofoaga kotoabe, bea naa ne lau hake ae tauhi lahi, moe tagata ta‘o ma, i he ene kau nofoaga.

²¹Bea ne toe tuku ki he tauhi lahi a ene gaue: bea toe atu eia ae ibu ki he nima o Felo;

²²Ka naa ne tautau ae tagata ta‘o ma; o hage koe fakamatala a Josefa,

²³Ka nae ikai manatu e he tauhi lahi kia Josefa, ka naa ne fakagalo‘i ia.