JENESI 46:1-34 TON1884 - Bible AI

¹1 Oku fakafiemalie e he Otua kia Jekobe i Beasiba: 5 ko ene fonoga mei ai mo ene fānau ki Ijibite. 8 Hono toko lahi o hono hako nae alu ki Ijibite. 28 Koe feiloaki a Josefa mo Jekobe. 31 Oku ne akonaki‘i a hono kaiga, ke nau tali kia Felo. BEA fonoga a Isileli moe mea kotoabe naa ne ma‘u, bea ha‘u ia ki Beasiba, bea ne atu i ai ae gaahi feilaulau ki he Otua o ene tamai ko Aisake.

²Bea nae folofola ae Otua kia Isileli i he gaahi mea ha mai oe bo, o ne behe, Jekobe, Jekobe; bea behe eia, Ko au eni.

³Bea behe eia, Koe Otua au, koe Otua o hoo tamai: oua naa ke manavahe ke alu hifo ki Ijibite, he teu gaohi aki koe i ai ae buleaga lahi.

⁴Bea teu alu mo koe ki Ijibite; bea koe mooni teu toe omi koe mei ai; bea e ai e Josefa hono nima ki ho mata.

⁵Bea nae tuu hake a Jekobe mei Beasiba: bea koe gaahi foha o Isileli naa nau omi ae nau tamai ko Jekobe, moe nau fānau, mo ho nau gaahi unoho i he gaahi saliote nae fekau e Felo ke fetuku aki akinautolu.

⁶Bea naa nau ave e nau faga manu moe nau koloa, naa nau ma‘u i he fonua ko Kenani, o nau ha‘u ki Ijibite, a Jekobe, mo hono hako kotoabe moia:

⁷Ko hono gaahi foha, moe gaahi foha o hono gaahi foha mo ia, moe gaahi ofefine o hono gaahi foha, mo hono hako kotoabe, nae ha‘u mo ia ki Ijibite.

⁸Bea koe gaahi higoa eni oe fānau a Isileli nae ha‘u ki Ijibite, ko Jekobe mo hono gaahi foha: ko Lubeni koe uluaki o Jekobe.

⁹Bea koe gaahi foha o Lubeni; ko Henoke, mo Falu, mo Hesiloni, mo Kalimi.

¹⁰Bea koe gaahi foha o Simione; ko Jemueli, mo Jamini, mo Ohati, mo Jakini, mo Sohali, mo Saula, koe tama ae fefine Kenani.

¹¹Bea koe gaahi foha o Livai, ko Kesoni, mo Kohate, mo Melali.

¹²Bea koe gaahi foha o Juta; ko Ea, mo Onani, mo Felesi, mo Selaa, ka nae mate a Ea mo Onani i he fonua ko Kenani, bea koe ogo foha o Felesi ko Hesiloni mo Hamuli.

¹³Bea koe gaahi foha o Isaka; ko Tola, mo Fufa, mo Jobe, mo Similoni.

¹⁴Bea koe gaahi foha o Sebuloni; ko Seleti, mo Eloni, mo Jalili.

¹⁵Koe gaahi tama eni a Lia, naa ne faele‘i kia Jekobe i Betanalami, mo hono ofefine ko Taina; koe laumalie o hono gaahi foha mo hono gaahi ofefine nae toko tolugofulu ma toko tolu.

¹⁶Bea koe gaahi foha o Kata; ko Sifioni, mo Haki, mo Suni, mo Esiboni, mo Elai, mo Eloti, mo Alili.

¹⁷Bea koe gaahi foha o Aseli; ko Jimina, mo Isua, mo Isui, mo Belia, mo Sela, ko ho nau tuofefine; bea koe ogo foha o Belia; ko Heba, mo Malikieli.

¹⁸Koe gaahi tama eni a Siliba, aia ne foaki e Lebani ki hono ofefine ko Lia, bea ne fanau‘i akinautolu ni kia Jekobe, koe laumalie e hogofulu ma ono.

¹⁹Bea koe fānau a Lejieli koe unoho o Jekobe; ko Josefa, mo Benijimani.

²⁰Bea nae tubu ia Josefa i he fonua ko Ijibite, a Manase, mo Ifalemi, aia nae fanau‘i kiate ia e Asinate koe ofefine o Botifela koe taulaeiki o Oni.

²¹Bea koe gaahi foha o Benijimani, ko Bela, mo Bekeli, mo Asibeli, mo Kela, mo Neemani, mo Ehi, mo Losi, mo Mubimi, mo Hubimi, mo Aliti.

²²Koe gaahi tama eni a Lejieli, nae tubu kia Jekobe; koe laumalie kotoabe, nae toko hogofulu ma toko fa.

²³Bea koe foha o Tani; ko Husami.

²⁴Bea koe gaahi foha o Nafitali, ko Jaseili, mo Kuni, mo Jeseli, mo Silemi.

²⁵Koe gaahi tama eni a Bila, aia nae foaki e Lebani, ki hono ofefine ko Lejieli, bea ne fanau akinautolu ni kia Jekobe; koe laumalie kotoabe nae toko fitu.

²⁶Koe laumalie kotoabe nae ha‘u mo Jekobe ki Ijibite, aia nae tubu iate ia, ka oku ikai lau ae gaahi unoho oe gaahi foha o Jekobe; koe laumalie e toko onogofulu ma toko ono.

²⁷Bea koe ogo foha o Josefa nae fanau kiate ia i Ijibite, koe laumalie e toko ua: bea koe laumalie kotoabe oe fale o Jekobe, nae ha‘u ki Ijibite, naa nau toko fitugofulu.

²⁸Bea naa ne fekau a Juta ke muomua iate ia, ke fakahinohino ia ki Koseni; bea naa nau hoko ki he fonua ko Koseni.

²⁹Bea teuteu e Josefa hono jaliote, bea alu ia ke fakafetaulaki ki he ene tamai i Koseni, o ne fakaha ia kiate ia: bea ne faufua ia o faaki ki hono kia o tagi fuoloa.

³⁰Bea behe e Isileli kia Josefa, Koeni tuku keu mate, he koeuhi kuou mamata ki ho mata, bea oku ke kei moui.

³¹Bea behe e Josefa ki hono gaahi tokoua moe fale o ene tamai, Teu alu hake o fakaha kia Felo, o tala kiate ia, ko hoku gaahi tokoua, moe fale o eku tamai aia nae i he fonua ko Kenani, kuo nau ha‘u kiate au.

³²Bea koe kau tauhi sibi ae kau tagata, he koe nau gaue koe fafaga ae faga manu; bea kuo nau omi e nau faga manu moe mea kotoabe oku nau ma‘u.

³³Bea e hoko o behe, oka ui a Felo kiate kimoutolu, o ne fehui be koeha a hoo mou faiva;

³⁴Bea te mou behe, Koe gaue a hoo kau tamaioeiki talu e mau kei jii o fai mai ni, io akimautolu moe mau gaahi tamai, koe tauhi manu; koeuhi ke mou nofo i he fonua ko Koseni, he oku fakalielia ki he kakai Ijibite, ae tauhi sibi kotoabe.