JOSIUA 13:1-33 TON1884 - Bible AI

¹1 Ko hono gataaga oe fonua nae teeki ikuna. 8 Koe tofia oe faahiga e ua moe toe. 14 — 33 Ko Jihova moe gaahi feilaulau koe tofia ia o Livai. 15 Ko hono gataaga oe tofia o Lubeni. 22 Kuo teia a Belami. 24 Ko hono gataaga oe tofia a Kata, 29 mo hono vaeuaaga oe faahiga o Manase. BEA koeni, kuo motua a Josiua bea lahi hono ta‘u; bea nae behe e Jihova kiate ia, Kuo ke motua, bea lahi ho ta‘u, bea oku kei toe lahi aubito ae fonua ke ikuna.

²Koe fonua eni oku kei toe; koe gaahi gataaga oe fonua oe kakai Filisitia, mo Kesuli kotoabe,

³Mei Sihoa, aia oku i he mata fonua o Ijibite, io o a‘u atu ki he gaahi gataaga o Ekiloni ki tokelau, aia kuo lau ia ki he kau Kenani: koe eiki e toko nima oe kau Filisitia; koe kakai Kesa, moe kakai Asitoti, moe kakai Esikoli, moe kakai a Kati, moe kakai Ekiloni; bea moe kakai Avi foki:

⁴Mei he botu toga, koe fonua kotoabe oe kau Kenani, mo Meala aia oku i he botu oe kakai Saitoni, o a‘u ki Efeki, ki he gataaga oe kau Amoli:

⁵Bea moe fonua oe kau Kibila, mo Lebanoni kotoabe o haga ki he botu hoboagalaa, mei a Beali‐kata i lalo oe mouga ko Heamoni o a‘u ki he huaga ki Hemati.

⁶Koe kakai kotoabe oe mouga mei Lebanoni o a‘u ki Misilefoti‐meimi, moe kakai Saitoni kotoabe, ko kinautolu teu kabuji kitua mei he ao oe fānau a Isileli: ka ke vahe ia i he talotalo ki he kakai Isileli ko ho nau tofia o hage ko eku fekau kiate koe.

⁷Bea koeni, vahevahe ae fonua ni ki he faahiga e hiva mo hono vaeuaaga oe faahiga o Manase, ko ho nau tofia,

⁸Aia nae ma‘u fakataha moe faahiga o Lubeni mo Kata a ho nau tofia, aia nae atu kiateki nautolu e Mosese i he botu o Joatani ki hahake, io aia nae foaki kiate kinautolu e Mosese koe tamaioeiki a Jihova;

⁹Mei Aloeli aia oku i he tafaaki vaitafe o Alanoni, bea moe kolo aia oku i he loto vaitafe, moe toafa kotoabe o Meteba o a‘u ki Tiboni;

¹⁰Moe gaahi kolo kotoabe o Sihoni koe tu‘i oe kau Amoli, aia nae bule i Hesiboni, o a‘u ki he gataaga oe fānau a Amoni;

¹¹Mo Kiliati, moe gataaga oe kakai Kesuli, mo Meekati, bea moe mouga kotoa o Heamoni, mo Besani kotoabe o a‘u ki Salika;

¹²Koe buleaga kotoabe o Oki i Besani, aia nae bule i Asiteloti, bea i Etilei, akinautolu nae toe i he toega kakai lalahi: he nae ta‘i akinautolu e Mosese, o ne kabuji akinautolu kituaa.

¹³Ka koe mooni nae ikai kabuji e he fānau a Isileli ae kakai o Kesa, moe kakai o Meekati: ka kuo nofo ae kakai Kesa, moe kakai Meekati fakataha moe kakai Isileli o a‘u ki he aho ni.

¹⁴Koe faahiga be o Livai nae ikai atu eia ha tofia ki ai; koe gaahi feilaulau kia Jihova koe Otua o Isileli nae gaohi aki ae afi ko ho nau tofia ia o hage ko ene tala kiate kinautolu.

¹⁵Bea nae foaki e Mosese ki he faahiga oe fānau a Lubeni o fakatatau ki ko nau gaahi faahiga.

¹⁶Bea nae hoko ki Aloeli ho nau gataaga, aia oku i he tafaaki vaitafe o Alanoni, moe kolo oku i he loto vaitafe, bea moe toafa kotoabe o Meteba;

¹⁷Ko Hesiboni, mo hono gaahi kolo kotoabe i he toafa; ko Tiboni, mo Bamoti‐beali, moe Bete‐beali‐mioni,

¹⁸Mo Jehasi, mo Ketimote mo Mefeta,

¹⁹Mo Kejatemi, mo Sibima, mo Seletiseha, i he mouga oe telea,

²⁰Mo Bete‐beoli, mo Asitoti‐bisika, mo Bete‐jesimote,

²¹Bea moe gaahi kolo oe toafa, moe buleaga kotoabe o Sihoni koe tu‘i oe kau Amoli, aia nae bule i Hesiboni, aia nae ta‘i e Mosese moe houeiki o Mitiane, ko Ivi, mo Lekimi, mo Sua, mo Hua, mo Leba, koe houeiki akinautolu mo Sihoni, nae nofo i he fonua.

²²Ko Belami foki koe foha o Beoli koe taulatuki, nae tamate‘i ia e he fānau a Isileli aki ae heleta fakataha mo kinautolu nae teia.

²³Bea koe gataaga fonua oe fānau a Lubeni, ko Joatani, mo hono kau vai. Koe tofia ia oe fānau a Lubeni o fakatatau ki ho nau gaahi faahiga, koe gaahi kolo moe gaahi botu kakai i ai.

²⁴Bea nae foaki e Mosese ki he faahiga o Kata, io ki he fānau a Kata o fakatatau ki ho nau gaahi faahiga.

²⁵Bea ko ho nau gataaga ko Jesa, moe gaahi kolo kotoabe o Kiliati, mo hono vaeuaagamalie oe fonua oe fānau a Amoni, o a‘u ki Aloeli aia oku i he ao o Laba;

²⁶Bea mei Hesiboni o a‘u ki Lama-misiba, mo Betonimi; bea mei Mehanemi o a‘u ki he gataaga o Tiba;

²⁷Bea i he telea, ko Bete‐alami, mo Betenimila, mo Sukote, mo Safoni, ko hono toe oe buleaga o Sihoni koe tu‘i o Hesiboni, ko Joatani mo hono fonua o a‘u ki he matātahi o Kineleti i he kauvai e taha o Joatani ki hahake.

²⁸Koe tofia eni oe fanau a Kata o fakatatau ki ho nau gaahi faahiga, koe gaahi kolo, mo ho nau gaahi botu kakai.

²⁹Bea nae foaki e Mosese ae tofia ki hono vaeuaaga oe faahiga o Manase: bea koe tofia eni o hono vaeuaaga oe fānau a Manase i ho nau gaahi faahiga.

³⁰Bea nae mei Mehanemi ho nau gataaga, ko Besani kotoabe, ae buleaga kotoabe o Oki koe tu‘i o Besani, moe gaahi kolo o Jaili, aia oku i Besani, koe kolo e onogofulu:

³¹Mo hono vaeuaaga o Kiliati, mo Asiteloti, moe Etilei, koe gaahi kolo oe buleaga o Oki i Besani, nae kau ki he fānau a Mekili koe foha o Manase, io o a‘u ki hono vaeuamalieaga oe fānau a Mekili i ho nau gaahi faahiga.

³²Ko eni ia aia nae vahe e Mosese koe gaahi tofia i he gaahi botu tafagafaga o Moabe, i he kauvai e taha o Joatani, i he botu o Jeliko, ki hahake.

³³Ka nae ikai foaki e Mosese ha tofia ki he faahiga o Livai: ko Jihova koe Otua o Isileli ko ho nau tofia, o hage ko ene tala kiate kinautolu.