JOSIUA 14:1-15 TON1884 - Bible AI

¹1 Koe faahiga e hiva moe toe e ma‘u ho nau tofia i he talotalo. 6 Nae ma‘u e Kelebi a Hebeloni hoe mea ofa. BEA koe gaahi fonua eni aia nae ma‘u e he fānau a Isileli i he fonua ko Kenani, aia nae tufaki e Eliesa koe taulaeiki mo Josiua koe foha o Nuni, moe gaahi eiki oe kau mātua i he gaahi faahiga oe fānau a Isileli, koe tofia moo nautolu.

²Nae vahe talotalo be ae tofia oe faahiga e hiva mo hono vaeuaaga oe faahiga e taha, hage koe fekau a Jihova i he nima o Mosese.

³He kuo oji hono foaki e Mosese ae tofia ki he faahiga e ua mo hono vaeuaaga oe faahiga i he kauvai e taha o Joatani: ka nae ikai tuku eia ki he kau Livai ha tofia iate kinautolu.

⁴He koe faahiga e ua oe fānau a Josefa, ko Manase mo Ifalemi: koia nae ikai atu ha vahega ki he kau Livai i he fonua, ka koe gaahi abi ke nau nofo ai, mo ho nau gaahi botu ki he e nau faga manu, moe nau koloa.

⁵Hage koe fekau a Jihova kia Mosese, nae behe be hono fai e he fānau a Isileli, o nau vahe ae fonua.

⁶Bea nae ha‘u ai ae fānau a Juta kia Josiua ki Kilikali: bea ko Kelebi koe foha o Jifune mei he faahiga o Kenasi nae lea kiate ia, Oku ke ilo aia nae folofola aki e Jihova kia Mosese koe tagata ae Otua kiate au mo koe i Ketesi‐bania.

⁷Nae fagofulu ta‘u hoku motua i he fekau‘i au e Mosese koe tamaioeiki a Jihova mei Ketesi‐bania ke mataki‘i ae fonua; bea neu omi kiate ia hono tala o hage koia nae i hoku loto.

⁸Ka ko hoku gaahi kaiga nae alu hake mo au naa nau gaohi ke vai o oji ae loto oe kakai: ka naaku tuli tāubau kia Jihova ko hoku Otua.

⁹Bea nae fuakava e Mosese i he aho koia, o behe, Koe mooni koe fonua aia kuo tuu ki ai ho va‘e koe tofia ia oou, bea ki hoo fānau o taegata, koe mea i hoo tuli tāubau kia Jihova ko ho Otua.

¹⁰Bea koeni, vakai, kuo tauhi eku moui e Jihova, o hage ko ene folofola, i he ta‘u ni e fagofulu ma nima, io talu hono folofola aki e Jihova ae lea ni kia Mosese, i he kei fealuaki fano ae fānau a Isileli i he toafa: bea koeni, vakai, oku kakato a hoku ta‘u e valugofulu ma nima he aho ni.

¹¹Oku ou kei malohi tatau he aho ni mo eku malohi i he aho koia nae fekau e Mosese kiate au: oku tatau be eku malohi ko eni mo eku malohi i he aho koia, ki he tau, ke alu kitua, bea ke hu mai.

¹²Bea koeni, foaki mai kiate au ae mouga ni, aia nae folofola ki ai a Jihova i he aho koia; he naa ke fanogo i he aho koia, koeuhi oku i ai ae kau Anaki, bea koe nau gaahi kolo nae fuu lahi, bea a‘i: kabau e iate au a Jihova, bea teu toki mafai ke kabuji akinautolu, o hage koe folofola a Jihova.

¹³Bea nae tabuaki ia e Josiua, o ne foaki kia Kelebi koe foha o Jifune a Hebeloni ko hono tofia.

¹⁴Koia nae hoko ai a Hebeloni koe tofia o Kelebi koe foha o Jifune koe tagata Kenasi o a‘u ki he aho ni, koe mea i he ene tuli tāubau kia Jihova koe Otua o Isileli.

¹⁵Bea ko hono higoa i mu‘a o Hebeloni ko Keja‐aliba; ko Aliba koia koe tagata lahi i he kau Anaki. Bea nae mālōlō ae fonua mei he tau.