JOSIUA 18:1-28 TON1884 - Bible AI

¹1 Oku fokotuu ae fale fehikitaki i Sailo. 2 Oku fakaha hono toe oe fonua bea vahe fitu ia. 10 Oku vahe fakatalotalo ia e Josiua. 11 Ko hono tofia o Benijimani mo hono gataaga. 21 Koe nau gaahi kolo. BEA koe kakai kotoabe oe fānau a Isileli naa nau fakakatoa akinautolu i Sailo, o nau fokotuu i ai ae fale fehikitaki oe kakai. Bea nae fakavaivai ae fonua i ho nau ao.

²Bea nae kei toe i he fānau a Isileli ae faahiga e fitu, oku teeki ma‘u ho nau tofia.

³Bea nae behe e Josiua ki he fānau a Isileli, E tuku afe hoo mou fakatuai o ikai alu ke ma‘u ae fonua, aia kuo foaki kiate kimoutolu e Jihova koe Otua o hoo mou gaahi tamai?

⁴Fili meiate kimoutolu ha tagata e toko tolu mei he faahiga kotoabe: bea teu fekau‘i akinautolu, bea ke nau tuu hake o alu o aji i he fonua, ke fakaha ia o fakatatau ki ho nau tofia; bea te nau toe ha‘u kiate au.

⁵Bea ke nau vahe ia ki he vahega e fitu: e nofo a Juta i ho nau tofia i he botu toga, bea ke nofo mau ae fale o Josefa i ho nau tofia i he tokelau.

⁶Koia ke mou fakaajiaji ae fonua o vahe fitu, bea omi kiate au hono tohi fakailoga ki heni, koeuhi keu fai ae talotalo kiate kimoutolu i heni i he ao o Jihova ko ho mou Otua.

⁷Ka koe kau Livai oku ikai ha nau tofia iate kimoutolu; he koe gaue ae taulaeiki o Jihova ko ho nau tofia: bea ko Kata mo Lubeni, mo hono vaeuaaga oe faahiga o Manase, kuo nau ma‘u ho nau tofia i tua Joatani i he botu hahake, aia nae foaki e Mosese koe tamaioeiki a Jihova kiate kinautolu.

⁸Bea nae tuu hake ae kau tagata, o alu atu; bea nae fekau e Josiua kiate kinautolu nae alu ke tohitohi ae fonua, o behe, Alu o ojiki ae fonua, bea tohi ia, bea toe ha‘u kiate au, koeuhi keu fai ae talotalo kiate kimoutolu i he ao o Jihova i Sailo.

⁹Bea nae alu ae kau tagata o mole o aji i he fonua, o tohi vahevahe ia i he tohi koe vahe fitu, o nau toe ha‘u kia Josiua ki he fakataha ki Sailo.

¹⁰Bea nae fai e Josiua ae talotalo moo nautolu i he ao o Jihova i Sailo: bea nae vahevahe i ai e Josiua ae fonua ki he fānau a Isileli o fakatatau ki ho nau gaahi vahevahe.

¹¹Bea koe tofia oe faahiga o Benijimani nae alu hake o fakatatau ki ho nau gaahi faahiga: bea koe gataaga o ho nau tofia nae hoko atu i he vahaa oe fānau a Juta moe fānau a Josefa.

¹²Bea ko ho nau gataaga, i he botu tokelau nae fai mei Joatani; bea nae alu hake ae matafonua ki he botu o Jeliko i he botu tokelau, bea alu o mole i he gaahi mouga i he botu luluga: bea ko hono gaahi aluaga kituaa nae i he toafa o Bete‐aveni.

¹³Bea mole hono gataaga mei ai o haga ki Lusa, ki he botu o Lusa aia ko Beteli i he botu toga; bea alu hifo ai hono gataaga ki Ataloti‐ata, o ofi ki he mouga oku tuu i he botu toga ki Bete‐holoni i lalo.

¹⁴Bea nae fai atu mei ai ae gataaga, o ne alu fakatakatakamilo ki he botu tahi o haga ki toga, mei he mouga oku tuu i he ao o Bete‐holoni, ki toga; bea nae a‘u atu hono gataaga ki Keja‐beali aia ko Keja‐jialimi, koe kolo ae fānau a Juta: ko hono botu luluga ia.

¹⁵Bea ko hono gataaga ki toga, nae fai mei he botu a Keja‐jialimi, bea alu atu kitua i he botu luluga, o mole atu ki he vai o Nefitoa:

¹⁶Bea nae alu hifo hono gataaga ki he muileleu oe mouga aia oku tuu i he ao oe telea oe foha o Henomi, aia koe telea oe kakai lalahi i he botu tokelau, bea alu hifo ki he telea o Henomi, ki he botu o Jebusi i he botu toga, bea alu hifo ki Eni‐lokeli.

¹⁷Bea nae fai atu mei he tokelau, o alu atu ki Eni‐semesi, bea alu atu o haga ki Kililote, aia oku hagatonu atu ki he hakeaga ki Atumima, bea nae alu hifo ki he maka o Bohani koe foha o Lubeni,

¹⁸Bea alu ai be o haga ki he botu oku hagatonu atu ki Alaba ki tokelau, bea alu hifo ki Alaba:

¹⁹Bea nae alu ai be ae gataaga ki he botu o Bete‐hokila ki tokelau; bea ko hono gataaga oe matafonua, nae i he botu koko fakatokelau oe Tahi Kona i he botu fakatoga o Joatani: ko hono gataaga eni oe botu ki toga.

²⁰Bea ko hono gataaga o ia i he botu hahake ko Joatani. Ko eni ae tofia oe fānau a Benijimani, i hono gataaga fakatakamilo, o fakatatau ki ho nau gaahi faahiga.

²¹Bea koeni, koe gaahi kolo oe faahiga oe fānau a Benijimani o fakatatau ki ho nau gaahi faahiga, ko Jeliko, mo Bete‐hokila, moe telea ko Kesisi,

²²Mo Bete‐alaba, mo Semaleimi, mo Beteli,

²³Mo Avimi, mo Bala, mo Ofili,

²⁴Mo Kifa‐oe‐fānau‐o‐Amoni, mo Ofini, mo Keba; koe kolo e hogofulu ma ua, mo ho nau gaahi botu kakai:

²⁵Ko Kibione, mo Lama, mo Biheloti,

²⁶Mo Misiba, mo Kifila, mo Mosa,

²⁷Mo Lekimi, mo Ilibeli, mo Talela.

²⁸Mo Sela, mo Elefi, mo Jebusi, aia ko Jelusalema, mo Kibea, mo Keaja; koe kolo e hogofulu ma fa, mo ho nau gaahi botu kakai. Ko eni ae tofia oe fānau a Benijimani o fakatatau ki ho nau gaahi faahiga.