1
2Bea nae behe e Josiua ki he kakai kotoabe, Oku behe e Jihova koe Otua o Isileli, Nae nofo hoo mou gaahi tamai i mu‘a i he kauvai e taha oe vai lahi, io, a Tela, koe tamai a Ebalahame moe tamai a Nehoa: bea naa nau tauhi ae gaahi otua kehe.
3Bea naaku omi hoo mou tamai ko Ebalahame mei he botu e taha oe vai lahi, o tataki ia i he fonua ko Kenani, beau fakatokolahi hono hako, o foaki kiate ia a Aisake.
4Bea nae foaki kia Aisake a Jekobe mo Isoa: beau foaki kia Isoa ae mouga ko Seia, ke ne ma‘u ia; ka ko Jekobe mo ene fānau naa nau alu hifo ki Ijibite.
5Bea naaku fekau a Mosese mo Elone foki, beau fakamamahi‘i a Ijibite, o fakatatau mo ia aia naaku fai iate kinautolu: bea hili ia naaku fakahaofi akimoutolu.
6Bea naaku omi hoo mou gaahi tamai mei Ijibite: bea naa mou ha‘u ki he tahi: bea nae tuli hoo mou gaahi tamai e he kakai Ijibite aki ae gaahi jaliote moe kau tagata heka hose o a‘u ki he Tahi Kulokula.
7Bea i he e nau tagi kia Jihova, naa ne ai ae bouli i ho mou vahaa moe kakai Ijibite, bea naa ne omi ae tahi kiate kinautolu o lomaki aki akinautolu; bea nae mamata e ho mou mata ki he mea naaku fai i Ijibite: bea ne mou nofo i he toafa o fuoloa.
8Bea neu omi akimoutolu ki he fonua oe kau Amoli, aia nae nofo i he kauvai e taha o Joatani; bea naa nau tau‘i akimoutolu: bea neu tuku akinautolu ki ho mou nima, koeuhi ke mou ma‘u ho nau fonua, bea neu fakaauha akinautolu mei ho mou ao.
9Bea nae tuu hake a Belaki koe foha o Siboa, koe tu‘i o Moabe, o ne tau‘i a Isileli, o ne fekau ke ui a Belami koe foha o Beoli ke ha‘u o fakamalaia‘i akimoutolu:
10Ka nae ikai teu tokaga kia Belami; koia naa ne tabuaki‘i be akimoutolu; bea neu fakamoui akimoutolu mei hono nima,
11Bea ne mou alu atu ki he kauvai e taha o Joatani, o hoko ki Jeliko: bea nae tau‘i akimoutolu e he kau tagata o Jeliko; koe kau Amoli, moe kau Belesi, moe kau Kenani, moe kau Heti, moe kau Keakasa, moe kau Hevi, moe kau Jebusi; bea naaku tukuage akinautolu ki ho mou nima.
12Bea naaku fekau ae faga lagomu ke muomua iate kimoutolu, aia nae kabuji akinautolu mei ho mou ao, io ae tu‘i e ua oe kau Amoli; ka nae ikai fai ia aki hoo heleta be ko hoo kaufana aau.
13Bea kuou foaki kiate kimoutolu ae fonua aia nae ikai te mou gaue ke ma‘u, moe gaahi kolo nae ikai te mou laga, bea oku mou nofo i ai; koe gaahi goue vaine, moe gaahi goue olive aia nae ikai te mou to oku mou kai mei ai.
14Bea koeni, mou manavahe kia Jihova, bea tauhi ia i he agatonu moe mooni; bea tukuage iate kimoutolu ae gaahi otua nae tauhi e hoo mou gaahi tamai i he kauvai e taha oe vai lahi, bea mo Ijibite: bea mou tauhi a Jihova.
15Bea kabau oku matamata kovi kiate kimoutolu ke tauhi a Jihova, mou fili he aho ni aia te mou tahi; be koe gaahi otua aia nae tauhi e hoo mou gaahi tamai, aia nae i he kauvai e taha oe vai lahi, be ki he gaahi otua oe kau Amoli, ae fonua onautolu oku mou nofo ai: ka ko au mo hoku fale te mau tauhi a Jihova.
16Bea nae lea ae kakai o behe, Ke taofi e he Otua ke oua aubito naa mau liaki a Jihova, ke tauhi ae gaahi otua kehe;
17He ko Jihova ko ho tau Otua, koia ia kuo ne omi akitautolu moe tau gaahi tamai mei he fonua ko Ijibite, mei he fale fakabobula, bea ko ia naa ne fai ae gaahi mea fakailoga lahi i ho tau ao, o ne fakamoui akitautolu i he hala kotoabe aia naa tau alu ai, bea i he lotolotoga oe kakai kotoabe aia naa tau alu ai:
18Bea nae kabuji e Jihova mei ho tau ao ae kakai kotoabe, io ae kau Amoli aia nae nofo i he fonua: koia foki te mau tauhi a Jihova; he ko ho mau Otua ia.
19Bea nae behe e Josiua ki he kakai, Oku ikai te mou faa tauhi a Jihova; he koe Otua maonioni ia; koe Otua fuaa ia; e ikai te ne fakamolemole hoo mou gaahi talagataa mo hoo mou gaahi agahala.
20Kabau oku mou liaki a Jihova, bea tauhi ae gaahi otua kehe, te ne foki mai o tautea akimoutolu, o fakaauha akimoutolu, hili a ene fai lelei kiate kimoutolu.
21Bea naa nau tala kia Josiua, E ikai; ka te mau tauhi a Jihova.
22Bea nae behe e Josiua ki he kakai, Koe kau fakamooni akimoutolu kiate kimoutolu kuo mou fili a Jihova mou moutolu ke tauhi ia. Bea naa nau behe, Koe kau fakamooni akimautolu.
23Bea nae behe eia, Bea koeni, tukuage ae gaahi otua kehe oku iate kimoutolu, bea mou fakatokaga‘i ho mou loto kia Jihova koe Otua o Isileli.
24Bea nae behe e he kakai kia Josiua, Te mau tauhi a Jihova ko ho mau Otua, bea te mau fai talagofua ki hono le‘o.
25Koia nae fai ai e Josiua ae fuakava moe kakai i he aho koia, o ne fokotuu ae fekau maa nautolu moe tuutuuni i Sikemi.
26Bea nae tohi e Josiua ae gaahi lea ni i he tohi oe fono ae Otua, o ne omi ae fuu maka lahi o fokotuu ia i he lolo oke, aia nae ofi ki he fale tabu o Jihova.
27Bea nae behe e Josiua ki he kakai kotoabe, Vakai, koe fakamooni ae maka ni kiate kitautolu; he kuo ne fanogo ki he lea kotoabe a Jihova aia kuo ne folofola aki kiate kitautolu: koia e iate kimoutolu ia koe fakamooni, telia naa mou fakafijiga‘i ho mou Otua.
28Bea nae tukuage e Josiua ae kakai ke nau alu, taki taha ae tagata ki hono tofia.
29Bea hili ae gaahi mea ni, bea hoko o behe, nae bekia a Josiua koe foha o Nuni, koe tamaioeiki a Jihova, ka kuo teau ta‘u moe ta‘u e hogofulu hono motua.
30Bea naa nau fai hono butu i he vee tofia oona i Timinate‐sela, aia oku i he mouga ko Ifalemi, i he botu tokelau oe mouga ko Keasi.
31Bea nae tauhi e Isileli a Jihova i he aho kotoabe o Josiua, moe aho kotoabe oe kau mātua naa nau moui kimui ia Josiua, akinautolu naa nau ilo ae gaahi gaue kotoabe a Jihova, aia naa ne fai maa Isileli.
32Bea koe hui o Josefa aia nae hikitaga e he fānau a Isileli mei Ijibite, naa nau tanu i Sikemi, i he koga fonua nae fakatau e Jekobe mei he gaahi foha o Hemoa koe tamai a Sikemi aki ae koga siliva e teau: bea nae hoko ia koe tofia oe fānau a Josefa.
33Bea nae bekia a Eliesa koe foha o Elone; bea naa nau fai hono butu i he mouga nae o Finiasi ko hono foha, aia nae foaki kiate ia i he mouga ko Ifalemi.