JUTE 1:1-25 TON1884 - Bible AI

¹Oku ne eginaki akinautolu ke tuu mau i he fai oe lotu mooni. 4 Kuo fetōlofi ae kau akonaki kākā ke fakahala i akinautolu: kuo ai ae tautea fakailifia kiate kinautolu oku a nautolu ae gaahi ako moe aga ke eni: 20 kae tubulekina ae kakai lotu mooni i ke ofa koe mea i he tokoni akinautolu e he Laumalie Maonioni, moe nau faa lotu ki he Otua, koia te nau fakakukafi ai, mo tauhi‘i akinautolu mei ke kovi, bea kaofia moe niihi kehe mei he gaahi taukele ae kau kākā koia. KO AU JUTE, ko tamaioeiki a Jisu Kalaisi, moe tokoua o Jemesi, kiate kinautolu kuo fakamaonioni‘i e he Otua ko Tamai, bea kuo fakamoui e Jisu Kalaisi, ke uiui‘i:

²Ke tubulekina be kiate kimoutolu ae ofa mataataatā be, moe melino, moe ofa.

³E kaiga ofeina, i he eku fai takatootoo aubito ke tohi atu kiate kimoutolu ki he fakamoui lahi, nae totonu keu tohi kiate kimoutolu, mo eginaki ke mou fekuki fakamatoato koeuhi koe tui nae atu i mu‘a ki he kaiga maonioni.

⁴He oku ai ae kau tagata kuo nau fetōlofi fakaboloto, akinautolu nae tohi i mu‘a ki he malaia ni, koe kau tagata taelotu, o nau liliu ae ofa a ho tau Otua koe faiaga agahala, o fakafijiga i he Eiki be taha koe Otua ko ho tau Eiki ko Jisu Kalaisi.

⁵Koia oku ou loto ke fakamanatu‘i akimoutolu, ka naa mou ilo mu‘a ae mea ni, koeuhi i he hili hono fakamoui e he Eiki ae kakai mei he fonua ko Ijibite, bea ne toki fakaauha akinautolu nae ikai ke tui.

⁶Bea koe kau agelo nae ikai ke tuu mau i ho nau muaki aluga, ka naa nau tukuage ho nau nofoaga, kuo ne tuku ke moua akinautolu ki he gaahi ha‘i taegata oe fakabouli o a‘u ki he fakamāu oe aho lahi.

⁷O hage foki ko Sotoma mo Komola, moe gaahi kolo naa nau vaofi mo fai tatau, o nau tuku akinautolu ki he feauaki, moe muimui ki he feholikoviaki, kuo fokotuu koe fakailoga, o nau moua i he totogi oe afi taegata.

⁸Oku behe foki akinautolu ni, ae kau miji kovi, oku nau uli‘i ae jino, o manuki‘i ae bule, mo lauikovi ae kau bule.

⁹Ka i he alea a Maikeli koe agelo lahi moe tevolo, nae fakakikihi ia ki he jino o Mosese, ka nae ikai te ne tali aki ia ha lea manuki, ka naa ne behe, Ke lomia koe e he Eiki.

¹⁰Ka oku lea kovi akinautolu ni ki he gaahi mea oku ikai te nau ilo‘i: ka koe gaahi mea oku nau ilo fakakakano be fakataha moe faga manu taeloto, koe gaahi mea koia oku nau uli‘i ai akinautolu.

¹¹E malaia akinautolu! he kuo nau alu i he hala o Keini, o tafea atu ki he he a Belami koeuhi koe totogi, bea nau auha i he agatuu a Kola.

¹²Koe gaahi ila akinautolu ni i hoo mou gaahi katoaga ofa, i he e nau keinagaaga mo kimoutolu, o nau kai fekinaki mo taemanavahe: koe gaahi ao tae ai ha vai, oku viligia fano e he gaahi matagi; koe gaahi akau fua mate, taefua, o mate agaua, kuo taaki fuu hake;

¹³Koe gaahi beau lili oe tahi. oku nau koa atu e nau fakama; koe gaahi fetuu he fano be, bea kuo tuku moo nautolu ae uliuli oe fakabouli taegata.

¹⁴Bea nae kikite kiate kinautolu ni foki e Inoke, ko hono toko fitu mei a Atama, o behe, Vakai, oku haele mai ae Eiki moe gaahi toko mano o ene kakai maonioni.

¹⁵Ke fai ae fakamāu ki he kakai kotoabe, mo fakamooni ki he kakai taelotu kotoabe ae nau gaahi gaue fakataelotu kotoabe aia kuo nau fai i he aga fakataelotu, bea moe gaahi mea fakamamahi kotoabe aia kuo lea aki e he kau agahala taelotu kiate ia.

¹⁶Koe kau lāuga mo hanu akinautolu ni, oku nau agimui ki he gaahi holi kovi a nautolu; bea oku lea fakabuhobuha a ho nau gutu, o nau filifilimanako ki he kakai koeuhi koe koloa.

¹⁷Kae manatu‘i ekimoutolu, koe ofeina, ki he gaahi lea nae lea aki i mu‘a e he kau abosetolo a ho tau Eiki ko Jisu Kalaisi;

¹⁸He naa nau fakaha kiate kimoutolu e ai ae kau manuki i he kuoga ki mui, bea te nau agimui ki he gaahi holi fakataelotu a nautolu.

¹⁹Ko kinautolu ni oku nau mavahe‘i akinautolu, oku fakakakano, o taema‘u ae Laumalie.

²⁰Ka ko kimoutolu, koe ofeina, ke laga aki hake akimoutolu ki hoo mou tui fugani maonioni, bea lotu i he Laumalie Maonioni,

²¹O tauhi‘i akimoutolu i he ofa ae Otua, mo amanaki ki he ofa mataataatā be a ho tau Eiki ko Jisu Kalaisi ki he moui taegata.

²²Bea ke manavaofa ki he niihi, o fai kehekehe.

²³Bea koe niihi, ke fakamoui aki ae fakamanavahe, o hamuji mei he afi; ka mou fehia be ki he kofu kuo uli‘i e he kakano.

²⁴Bea koeni, ke iate ia oku faa fai ke taofi akimoutolu ke oua naa mou higa, bea ke atu akimoutolu taehalaia i he ao o hono nāunāu moe fiefia lahi aubito,

²⁵Ke i he Otua boto taha be ko ho tau Fakamoui, ae nāunāu, moe ogoogolelei moe bule, moe malohi, i heni mo taegata. Emeni.