KAKAI EFESO 1:1-23 TON1884 - Bible AI

¹1 Hili ae fetaba a Baula, 3 moe fakafetai koeuhi koe kau lotu i Efeso, 4 bea ne lea ki hono fili akitautolu, 6 moe ohi akitautolu i he ofa, 11 aia koe tuuga mooni mo totonu oe moui ki he tagata. 13 Bea koeuhi oku ikai ke faa tatae hono maoluga oe mae fufu ni, 16 oku ne hu ke nau lava’i 18 hono ilo mooni, 20 mo hono ma’u lelei o ia ia Kalaisi. KO AU BAULA, koe abosetolo a Jisu Kalaisi i he finagalo oe Otua, ki he kaiga maonioni oku i Efeso, bea ki he kakai tui ia Kalaisi Jisu:

²Ke iate kimoutolu ae aloofa, moe monuia, mei he Otua koe tau Tamai, bea mei he Eiki ko Jisu Kalaisi.

³Fakafetai ki he Otua koe Tamai a ho tau Eiki ko Jisu Kalaisi, aia kuo ne tabuaki aki akitautolu ae gaahi tabuaki fakalaumalie kotoabe i he gaahi botu fakalagi ia Kalaisi:

⁴O fakatatau ki he ene fili akitautolu iate ia i he teeki ai fakatubu a mamani, koeuhi ke tau maonioni mo taehalaia i hono ao i he ofa:

⁵Aia naa ne tuutuuni akitautolu ki he ohia oe fānau kiate ia ia Jisu Kalaisi, o fakatatau ki he agaofa o hono finagalo,

⁶Ke ai ha fakafetai i he ene ofa ogoogo lelei, aia kuo ne ma’u ai akitautolu i he Ofeina.

⁷Aia oku tau ma’u ai ae huhui i hono taataa, koe fakamolemole oe gaahi agahala, o fakatatau mo hono lahi aubito o ene ofa;

⁸Aia kuo ne fonu lahi aubito ai kiate kitautolu, i he boto kotoabe moe ilo-ilo;

⁹I he fakailo kiate kitautolu ae mea fakalilolilo o hono finagalo, o fakatatau moe agaofa aana, aia naa ne tuutuuni iate ia be:

¹⁰Koeuhi i he kakato oe gaahi kuoga naa ne tuutuuni, ke ne fakakatoa fakataha ae mea kotoabe ia Kalaisi, ae mea oku i he lagi, mo ia oku i mamani; io, iate ia:

¹¹Aia kuo mau ma’u ai foki ae tofia, he kuo ne tuutuuni akimautolu o fakatatau ki he faiteliha o ia oku fai ae gaahi mea kotoabe o fakatatau ki he boto o hono finagalo.

¹²Koeuhi ke ogoogo lelei ene agalelei iate kimautolu nae tomua falala kia Kalaisi,

¹³Mo kimoutolu foki, i he hili hoo mou fanogo ki he folofola oe mooni, koe ogoogolelei o ho mou fakamoui: aia foki i hoo mou tui, nae fakailoga aki akimoutolu ae Laumalie Maonioni oe talaofa,

¹⁴Aia koe fakamooni ia o ho tau tofia, kae oua ke huhui ae tofia kuo fakatau, ke fakaogolelei ai ene agalelei.

¹⁵Bea ko au foki, hili eku fanogo ki hoo mou tui ki he Eiki ko Jisu, moe ofa ki he kaiga maonioni kotoabe,

¹⁶Oku ikai tuku eku atu ae fakafetai koeuhi ko kimoutolu, o takua akimoutolu i he eku gaahi lotu;

¹⁷Koeuhi ke tuku kiate kimoutolu e he Otua o ho tau Eiki ko Jisu Kalaisi, koe Tamai oe nāunāu, ae laumalie oe boto moe fakaha i he faa ilo’i ia;

¹⁸I he fakamāma ae mata o ho mou loto; koeuhi ke mou ilo ai, be koeha ae amanaki lelei o ene ui, bea koeha ae koloa oe lelei o hono tofia i he kaiga maonioni,

¹⁹Bea koeha hono lahi fakamanavahe o ene malohi kiate kitautolu oku tui, o fakatatau ki he gaue a hono mafimafi lahi aubito,

²⁰Aia naa ne fai kia Kalaisi, i he ene fokotuu hake ia mei he bekia, o ne fakanofo ia ki hono nima toomatau i he gaahi botu fakalagi,

²¹O maoluga lahi aubito i he gaahi bule kotoabe, moe malohi, moe mafimafi, moe eikiaga moe higoa kotoabe oku ui aki, ikai i he mamani be, ka i he mama koia foki e hoko:

²²Bea kuo tuku eia ae gaahi mea kotoabe ki hono lalo va’e, bea fakanofo ia koe ulu ki he gaahi mea kotoabe ki hono jiaji,

²³Aia ko hono jino, koe fonu o ia oku ne fakafonu kotoabe i he mea kotoabe.