KAKAI EFESO 2:1-22 TON1884 - Bible AI

¹1 Oku ne fakatatau e tau motua aga, mo la kuo tau ma’u i he aloofa: 10 oku ne fakaha ae fakatubu foou akitautolu ki he gaahi gaue telei: 13 i he omi akitautolu ke ofi ia Kalaisi, ke oua naa tau moui o hage koe kakai Jenitaile, moe kakai muli i he gaahi aho kuo hili. 19 He koe kauga kolo moe kakai maonioni, ae fānau ae Otua. BEA ko kimoutolu, naa mou mate i he gaahi talagataa moe agahala;

²Aia naa mou aeva ai i mu’a o fakatatau ki he aluga oe mamani, o tāu moe eiki oe malohi oe atā, ae laumalie oku gaue ni i he fānau talagataa:

³Aia naa tau fai fakataha ai kotoabe i mu’a, i he gaahi holi kovi a ho tau kakano, o fai ki he gaahi holi oe kakano moe loto; bea i he ulugaaga koe fānau oe houhau, o hage koe kakai kotoabe.

⁴Ka koe Otua, aia oku mohu aloofa, i he ene ofa lahi naa ne ofeina ai akitautolu,

⁵Io, lolotoga e tau mate i he gaahi agahala, kuo ne fakamoui akitautolu fakataha mo Kalaisi, (kuo mou moui i he ofa;)

⁶Bea kuo ne fokotuu hake fakataha, o ne fakanofo akitautolu i he gaahi botu fakalagi ia Kalaisi Jisu:

⁷Koeuhi i he gaahi kuoga e ha’u ke ne fakaha hono lahi aubito aubito o ene ofa i he ene agalelei kiate kitautolu ia Kalaisi Jisu.

⁸He oku mou moui i he ofa be i he tui; bea oku ikai meiate kimoutolu ia: ka koe foaki ae Otua:

⁹Oku ikai i he gaahi gaue, telia naa bolebole ai ha tagata.

¹⁰He ko ene gaue akitautolu, kuo fakatubu ia Kalaisi Jisu ki he gaahi gaue lelei, aia kuo tomua tuutuunie he Otua ke aeva ai akitautolu.

¹¹Koia manatu, koe Jenitaile fakakakano akimoutolu i mu’a, nai ui ki Taekamu eia oku ui koe Kamu, i he kakano, nae fai e he nima;

¹²Koeuhi i he kuoga koia naa mou majiva Kalaisi ai, koe āuhe akimoutolu mei he buleaga o Isileli, moe kau muli ki he gaahi fuakava oe talaofa, o tae ha amanaki lelei, bea taema’u ae Otua i mamani

¹³Ka koeni, koe mea ia Kalaisi Jisu, ko kimoutolu nae mamao atu i mu’a, kuo fakaofi i he taataa o Kalaisi.

¹⁴He ko ho tau melinoaga ia, aia kuo ne gaohi ae ua ke taha be, bea kuo ne holoki hifo ae a vahevahe i loto;

¹⁵Bea kuo ne ikuna i hono jino ae taufehia, io, ae fono oe gaahi fekau nae tuu i he gaahi tuutuuni; ke ne fakatubu iate ia i he ua ae tagata foou be taha, bea fakamelino ai;

¹⁶Bea koeuhi ke fakalelei fakatouoji be ki he Otua i he jino be taha i he akau, kuo oji ene tamate’i aki ia ae taufehia:

¹⁷Bea ha’u o malaga aki ae melino kiate kimoutolu nae mamao atu, bea kiate kinautolu nae ofi.

¹⁸He koe mea iate ia oku tau ma’u fakatouoji ae hokoaga i he Laumalie be taha ki he Tamai.

¹⁹Bea koeni, oku ikai ai koe kau muli moe kau aunofo akimoutolu, ka koe kauga kolo moe kaiga maonioni, bea moe fale oe Otua.

²⁰Bea kuo fokotuu ki he tuuga ae kau abosetolo moe kau balofita, ko hono fuu maka tuliki a Jisu Kalaisi oe;

²¹Aia oku fehokotaki lelei ai ae fale kotoa, bea tubu ia koe fale maonioni ki he Eiki:

²²Aia kuo laga fakataha ai foki akimoutolu, koe nofoaga oe Otua i he Laumalie.