KAKAI EFESO 3:1-21 TON1884 - Bible AI

¹5 Koe mea fakalilolio, 6 ata koe behe e fakamoui ae kakai Jenitaile, 3 nae fakailo ia kia Baula i he fakaha: 8 bea ne foaki kiate ia ae ofa, ke ne malaga aki ia. 13 Oku ne tala ke oua le nau vaivai koeuhi ko ene mamahi aana, 14 bea oku ne hu ke nau ilo ae ofa lahi a Kalaisi kiate kinautolu. BEA koeuhi koe mea ni, ko au Baula, koe bobula a Jisu Kalaisi koeuhi ko kimoutolu Jenitaile,

²(He kuo mou fanogo ki he lakaga i he ofa ae Otua, aia kuo foaki kiate au koeuhi ko kimoutolu:

³Koeuhi nae fakailo eia i he fakaha kiate au ae mea fakalilolilo; o hage koia neu tohi jii ki ai i mu‘a,

⁴Aia, oka mou ka lau, te mou ilo eku boto i he mea fakalilolilo a Kalaisi)

⁵Aia nae ikai fakailo i he gaahi kuoga i mu‘a ki he gaahi foha oe tagata, o hage ko hono fakaha eni e he Laumalie ki he ene kau abosetolo maonioni moe kau balofita;

⁶Koeuhi ke kauga hoko ae kakai Jenitaile, bea i he jino be taha, bea kau i he ene talaofa ia Kalaisi i he ogoogolelei:

⁷Aia nae fakanofo au koe faifekau o ia, o fakatatau ki he foaki ofa ae Otua, nae foaki kiate au i he gaue malohi o ene mafimafi.

⁸Koe jii hifo taha be au i he kaiga maonioni kotoabe oku jii, ka kuo foaki ae ofa ni kiate au, koeuhi keu malaga aki ki he gaahi Jenitaile ae koloa tae faa hakule a Kalaisi;

⁹Bea ke fakailo ki he kakai kotoabe, ae feohi oe mea fakalilolilo, aia nae lilo i he Otua, aia naa ne fakatubu ae mea kotoabe ia Jisu Kalaisi, talu mei he kamataaga o mamani:

¹⁰Koeuhi ke fakaha atu eni e he jiaji, i he gaahi mea kehekehe, ae boto oe Otua ki he gaahi bule moe gaahi malohi i he gaahi botu fakalagi,

¹¹O fakatatau ki he tuutuuni i mu‘a i mu‘a, aia naa ne tuutuuni ia Kalaisi Jisu ko ho tau Eiki:

¹²Aia oku abaabagofua ai e tau hu malohi atu i he tui kiate ia.

¹³Koia oku ou holi ke oua naa mou loto foi i he eku gaahi mamahi koeuhi ko kimoutolu, aia ko ho mou fiefiaaga.

¹⁴Koe mea koia oku ou beluki ai hoku tui ki he Tamai a ho tau Eiki ko Jisu Kalaisi,

¹⁵Aia oku ui mei ai ae fānau kotoabe i he lagi mo mamani,

¹⁶Koeuhi ke ne foaki kiate kimoutolu, o fakatatau mo hono lahi aubito o ene lelei, ke fakamalohi akimoutolu aki ae malohi i hono Laumalie i he tagata i loto;

¹⁷Koeuhi ke nofoia ho mou loto e Kalaisi i he tui; kae aka akimoutolu mo tuu mau i he ofa,

¹⁸Ke mou mafai ke ilo fakataha moe kaiga maonioni kotoabe, hono māukubu, mo hono loloa, mo hono loloto, mo hono maoluga;

¹⁹Bea ke ilo ae ofa a Kalaisi, aia oku lahi hake i he faa ilo, bea ke fakafonu akimoutolu aki ae fonu kotoabe oe Otua.

²⁰Bea koeni, ke iate ia aia oku mafai ke fai lahi hake aubito aubito i he mea kotoabe te tau kolea be mahalo ki ai, o fakatatau ki he malohi aia oku gaue iate kitautolu

²¹Ke iate ia ae ogoogo lelei i he jiaji ia Kalaisi Jisu, i he gaahi kuoga kotoabe, o taegata bea taegata. Emeni.