KAKAI EFESO 4:1-32 TON1884 - Bible AI

¹1 Oku ne ako ke nau uouaga taha, 7 bea ne fakaha oku foaki ai e he Otua ae gaahi foaki kehekehe, 13 ke laga aki hake hono jiaji, bea tubu hake kia Kalaisi. 18 Oku ne valoki‘i akinautolu mei he gaue uli ae kakai Jenitaile, 24 bea ke ai ae tagata foou, 25 ke liaki ae loi, bea moe lea uli kotoabe. BEA koeni, ko au koe bobula ae Eiki, oku ou kole kiate kimoutolu, ke mou aeva a tāu moe ui aia kuo uiui‘i aki akimoutolu,

²I he agavaivai kotoabe moe aga-malu, moe kataki fuoloa, o fekatakiaki i he ofa;

³O ahiahi lahi ke tauhi ae feofoofani oe Laumalie i he noo oe melino.

⁴Oku taha be ae jino bea taha ae Laumalie, io, o hage kuo ui akimoutolu ki he amanaki lelei be taha o ho mou uiui‘ui;

⁵Koe Eiki be taha, koe tui be taha, koe babitaiso be taha,

⁶Koe Otua be taha moe Tamai a tautolu kotoabe, aia oku maoluga he mea kotoabe, bea i he mea kotoabe, bea oku nofoia akimoutolu kotoabe.

⁷Ka kuo foaki kiate kitautolu taki taha kotoabe ae ofa, o fakatatau ki hono Iahi oe foaki a Kalaisi.

⁸Koia oku ne behe ai, I he ene alu hake ki oluga, naa ne taki bobula ae fakabobula, o ne atu ae gaahi foaki ki he kakai.

⁹(Bea ko ene alu hake, koeha ia ka koeuhi nae tomua alu hifo ia ki he gaahi botu i mama ki lalo ni?

¹⁰Ko ia naa ne alu hifo, ko ia ia foki naa ne alu hake o maoluga lahi aubito i he gaahi lagi kotoabe, koeuhi ke ne fakafonu ae gaahi mea kotoabe.)

¹¹Bea naa ne foaki ae niihi, koe kau abosetolo; moe niihi, koe kau balofita; moe niihi, koe kau evagelio; moe niihi, koe kau faifekau moe kau akonaki;

¹²Ko hono fakahaohaoa oe kakai maonioni, moe gaue fakafaifekau, ke laga hake ae jino o Kalaisi:

¹³Kae oua ke tau hoko kotoabe ki he fakataha i he tui, bea moe ilo‘i oe Alo oe Otua, ki he tagata haohaoa, ki he fuofua o hono lahi oe fonu o Kalaisi:

¹⁴Koeuhi ke oua naa tau kei fakatamaiki, o feliliaki, mo feaveaki fano e he matagi oe akonaki kotoabe, i he boto kākā oe tagata, moe boto i he fiemua, aia oku nau toka tatao ai ke kākā‘i;

¹⁵Kae lea aki ae mooni i he ofa, bea tubu hake iate ia, aia ko Kalaisi koe ulu, i he mea kotoabe:

¹⁶Aia oku fakahokohoko ai ae jino kotoa, bea fakataha i he mea oku tokoni aki e he kubu kotoabe, o fakatatau ki hono faa fai i he fua oe botu kotoabe, oku tubulaki ai ae jino, bea laga hake ia i he ofa.

¹⁷Bea koe mea ni, oku ou tala mo fakababau i he Eiki, ke oua te mou kei aeva o hage koe aeva ae Jenitaile kehe, i he vale o ho nau loto,

¹⁸Kuo fakabouli ho nau loto, kuo fakamavahe‘i mei he moui faka‐Otua, i he vale oku iate kinautolu, koe mea i he fefeka o ho nau loto:

¹⁹Akinautolu oku taemagoi, kuo nau tukuage akinautolu ki he aga fakalielia, ke fai ae gaahi mea uli kotoabe i he fiefie fai.

²⁰Ka kuo ikai behe hono akonekina akimoutolu mei a Kalaisi;

²¹He kuo fanogo akimoutolu kiate ia, bea kuo akonekina akimoutolu meiate ia, o fakatatau ki he mooni oku ia Jisu:

²²Bea koe mea i he ulugaaga motua, ke mou jiaki ae tagata motua, aia oku fakalielia, bea tatau moe gaahi holi kovi fakakākā;

²³Bea ke fakafoou akimoutolu i he tefito o ho mou loto;

²⁴Bea ke ai ekimoutolu ae tagata foou, aia oku fakatubu ke tatau moe Otua i he agatonu moe maonioni mooni.

²⁵Koia ke liaki ae loi, kae taki taha lea aki ae mooni ki hono kaugaabi: he oku tau fekubuaki akitautolu.

²⁶Ke mou ita, kae oua naa fai agahala ai: oua naa tuku ke alu hifo ae laa mo hoo mou ita:

²⁷Bea oua naa fakaataatā ki he tevolo.

²⁸Ko ia ia nae kaihaa, ke oua e toe kaihaa: ka ne gaue mu‘a, o fai aki hono nima ae mea oku lelei, koeuhi ke ne ma‘u ke foaki kiate ia oku majiva.

²⁹Ke oua naa ha‘u ha talanoa uli mei ho mou gutu, ka koia oku lelei o aoga ke laga aki hake, koeuhi ke tubu ai ae tokoni ki he kau fanogo.

³⁰Bea oua naa fakamamahi ki he Laumalie Maonioni oe Otua, aia kuo fakailoga aki akimoutolu ki he aho oe huhui.

³¹Tuku ke mamao iate kimoutolu ae loto kovi kotoabe, moe ita, moe lili, moe feiohoaki, moe lea fakakovi, moe fakafajifaji kotoabe:

³²Kae feagaleleiaki akimoutolu kiate kimoutolu, o manavaofa, o fefakamolemoleaki akimoutolu, o hage koe fakamolemolea akimoutolu e he Otua koeuhi ko Kalaisi.