KAKAI KALETIA 1:1-24 TON1884 - Bible AI

¹6 Oku ofo a Baula i he a nau hiki vave meiate ia moe ogoogolelei, 8 bea ne tuku ke malaia akinautolu oku malaga aki ha ogoogolelei kehe. 11 Nae akonekina a Baula i he ogoogolelei kae ikai mei ke tagata, ka mei he Otua: 14 bea ne fakaha ene aga aana i he heeki ai ui ia, 17 bea mo ia naa ne fai ai leva. KO AU BAULA, koe abosetolo, (ikai mei he kau tagata, be i ha tagata, kae mei a Jisu Kalaisi, moe Otua koe Tamai, aia naa ne fokotuu hake ia mei he bekia;)

²Bea moe gaahi kaiga kotoabe oku iate au, ki he gaahi jiaji i Kaletia:

³Ke iate kimoutolu ae ofa moe melino mei he Otua koe Tamai, bea mo ho tau Eiki ko Jisu Kalaisi,

⁴Aia naa ne foaki ia koeuhi koe tau gaahi agahala, koeuhi ke ne fakamoui akitautolu mei he mama kovi ni, o fakatatau ki he finagalo oe Otua koe tau Tamai:

⁵Ke iate ia be ae fakafetai ke taegata bea taegata. Emeni.

⁶Oku ou ofo i hoo mou hiki vave behe meiate ia naa ne uiui‘i akimoutolu i he ofa a Kalaisi, ki he ogoogolelei e taha:

⁷Aia oku ikai koe taha kehe mooni; ka oku ai ae niihi oku fakamamahi akimoutolu, bea ko ho nau loto ke fakakehe ae ogoogolelei a Kalaisi.

⁸Kabau e malaga aki ekimautolu, be ha agelo mei he lagi, ha ogoogolelei kehe kiate kimoutolu, ka oku ikai koia naa mau malaga aki kiate kimoutolu, ke malaia be ia.

⁹O hage koia naa mau tomua lea aki, beau toe lea aki eni, Kabau e malaga aki e ha taha ha ogoogolelei kehe kiate kimoutolu, kae ikai koia kuo mou ma‘u, ke malaia be ia.

¹⁰He oku ou fai ni koe fakafiemalie‘i ki he tagata, be koe Otua? be ko eku fai ni ke lelei be ki he tagata? he kabau oku ou kei fai ke lelei ki he tagata, oku ikai koe tamaioeiki au a Kalaisi.

¹¹Bea oku ou fakababau atu kiate kimoutolu, e kaiga, koe ogoogolelei naaku malaga aki, oku ikai mei he tagata ia.

¹²He nae ikai teu ma’u ia mei ha tagata, bea nae ikai ako ia kiate au, ka i hono fakaha mai e Jisu Kalaisi.

¹³He kuo mou fanogo ki he eku ulugaaga i mu‘a i he lotu faka‐Jiu, he naaku fakataga o lahi hake aubito ae jiaji oe Otua, o maumau‘i ia:

¹⁴Mo eku fai lahi ki he lotu faka‐Jiu o lahi hake i he toko lahi naa mau toutagata i hoku fonua, he naaku fai feiga o lahi hake aubito ki he gaahi talatubua a eku gaahi tamai.

¹⁵Ka i he finagalo lelei oe Otua, aia naa ne fakamavae au mei he manāva o eku fa‘e, o ne ui au i he ene agaofa,

¹⁶Ke fakaha hono Alo iate au, koeuhi keu malaga aki ia i he gaahi Jenitaile; nae ikai leva teu fakakaukau moe kakano moe toto:

¹⁷Bea nae ikai teu alu hake ki Jelusalema kiate kinautolu nae abosetolo i mu‘a iate au; ka naaku alu ki Alebea, beau toe liu mai ki Tamasikusi.

¹⁸Bea hili ae ta’u e tolu, neu alu hake ki Jelusalema, ke feiloaki mo Bita, beau nofo mo ia i he aho e hogofulu ma nima.

¹⁹Ka nae ikai teu mamata ki ha niihi oe kau abosetolo, ka ko Jemesi, koe tokoua oe Eiki.

²⁰Bea koeni, koe gaahi mea oku ou tohi kiate kimoutolu, vakai, i he ao oe Otua, oku ikai teu loi.

²¹Hili ia, naaku ha‘u ki he gaahi botu o Silia mo Silisia;

²²Bea nae ikai iloa hoku mata e he gaahi jiaji o Jutea aia nae ia Kalaisi:

²³Kae gata be i he e nau fanogo, Ko ia ia naa ne fakataga‘i akitautolu i mu‘a, oku ne malaga aki ni ae tui aia naa ne tomua maumau‘i.

²⁴Bea naa nau fakaogoogolelei‘i ae Otua koeuhi ko au.