KAKAI KALETIA 5:1-26 TON1884 - Bible AI

¹1 Oku ne tokoni ke nau tuu mau i he e nau tauataina, 3 bea oua te nau fai ae kamu: 13 kae ofa mu‘a, aia koe lahi ia oe fono. 19 Oku ne lau fakalautelau ae gaahi gaue oe kakano, 22 moe gaahi fua oe Laumalie Maonioni, 25 bea ne eginaki ke nau aeva i he Laumalie. KOIA, tuu mau i he tauataina aia kuo fakatauataina ai akitautolu e Kalaisi, bea oua naa toe efihia i he haamoga oe bobula.

²Vakai, ko au Baula, oku ou tala kiate kimoutolu, kabau te mou kamu, e ikai aoga jii a Kalaisi kiate kimoutolu.

³He oku ou toe fakababau ki he tagata kotoabe kuo kamu, oku totonu ke ne fai ae fono kotoabe.

⁴Kuo fakataeaoga a Kalaisi kiate kimoutolu, akimoutolu kotoabe kuo fakatonuhia e he fono; kuo higa akimoutolu mei he ofa.

⁵He oku tau tatali i he Laumalie ki he amanaki lelei oe fakatonuhia i he tui.

⁶He oku ikai aoga jii ia Kalaisi Jisu ae kamu, be ae taekamu; ka koe tui oku gaue i he ofa.

⁷Naa mou lele lelei; kohai naa ne taofi akimoutolu ke oua naa mou talagofua ki he mooni?

⁸Oku ikai meiate ia naa ne ui akimoutolu ae tui gofua ni.

⁹Koe mea jii fakatubu oku ne fakatubu ae takaoga kotoa.

¹⁰Oku ou falala atu kiate kimoutolu i he Eiki, ke oua te mou loto kehe: ka ko ia oku ne veuveuki akimoutolu, e fua be eia hono tautea, ne ogo be kohai ia.

¹¹Bea ko au, e kaiga, kabau oku eu kei malaga aki ae kamu, koeha oku kei fakataga ai au? ka koia, bea ta kuo gata hono ogokovi oe akau e Kalaisi.

¹²Amujiaage eau kuo tuuji akinautolu oku veuveuki akimoutolu.

¹³He kuo ui akimoutolu, e kaiga, ki he tauataina; kae oua naa mea gaue aki ae tauataina ke fai fakakakano, kae fetauhiaki akimoutolu i he ofa.

¹⁴He oku fakamooni ae fono kotoabe i he lea ko eni e taha, Ke ke ofa ki ho kaugaabi o hage be ko koe.

¹⁵Ka mou ka fetoutou feuujiaki, mo fetoutou fefoloaki akimoutolu, vakai telia naa mou fetoutou fefakaauhaaki be akimoutolu.

¹⁶Ka oku ou behe, Mou aeva i he Laumalie, bea e ikai te mou fai ai ki he holi oe kakano.

¹⁷He oku holi tuu ae kakano ki he Laumalie, moe Laumalie ki he kakano: bea oku fai kehekehe akinaua ni, koe taha ki he taha: koia oku ikai ai te mou faa fai aia oku mou loto ki ai.

¹⁸Kabau oku takiekina akimoutolu e he Laumalie, oku ikai te mou moulaloa ki he fono.

¹⁹Bea oku ha mai ae gaahi gaue ae kakano, ko eni ia; Koe tono fefine, moe feauaki, moe taemaa, moe fakalielia,

²⁰Moe tauhi tamabua, moe fie mana, moe taufehia, moe fekeikei, moe fefie-lahiaki, moe lili, moe feiteitani, moe mavahevahe, moe gaahi he,

²¹Moe femehekaaki, moe fefaka-boaki, moe faa kona, moe gaahi katoaga kai, moe gaahi mea behe ni: aia oku ou tomua tala ni kiate kimoutolu, o hage ko eku tala i he kuoga kuo hili, ko kinautolu oku fai ae gaahi mea behe, e ikai te nau lava‘i ae buleaga oe Otua.

²²Ka koe fua oe Laumalie, koe ofa, moe fiefia, moe melino, moe kataki fuoloa, moe agavaivai, moe agalelei, moe tui,

²³Moe agamalu, moe taekona: bea oku ikai ha fono ke taofi eni.

²⁴Bea ko kinautolu oku a Kalaisi, kuo nau tutuki ki he akau ae kakano mo hono gaahi ofa mo hono gaahi holi.

²⁵Kabau oku tau moui i he Laumalie, ke tau aeva foki i he Laumalie.

²⁶Oua naa tau holi ki he fakamalo launoa, o fefakalotokoviaki be akitautolu, o femehekataki be akitautolu.