KAKAI KALETIA 6:1-18 TON1884 - Bible AI

¹1 Oku ne ako ke nau ofa ki he kaiga kuo hekea, 2 bea nau fetoutou fefuaaki ho nau gaahi kavega: 6 ke nau ofa ki ho nau kau tauhi, 9 bea oua naa fiu i he fai lelei. 12 Oku ne fakaha ae loto o kinautolu oku malaga aki ae kamu. 14 Oku ikai bolebole a Baula i ha mea e taha, kae i he akau o Kalaisi. E KAIGA, kabau e moua ha tagata i ha kovi, kokimoutolu oku fakalaumalie, fakamoui ia i he loto agavaivai; mo ke tokaga‘i koe, telia naa fakatauvele‘i koe foki.

²Mou fetoutou fefuaaki hoo mou kavega, bea fakamooni ai ki he fono a Kalaisi.

³He kabau oku mahalo e ha taha ko ha mea ia, ka oku ikai, oku ne kākā‘i eia ia.

⁴Kae tuku ke ahiahi e he tagata taki taha ene gaue aana, bea te ne toki ma‘u ai ae fiefia iate ia be, kae ikai i ha taha kehe.

⁵Koeuhi e taki taha fua ene kavega aana.

⁶Ko ia kuo akonekina i he folofola, ke ne foaki ae mea aoga kotoabe kiate ia oku akonaki.

⁷Oua naa kākā‘i akimoutolu; oku ikai faa kākā‘i ae Otua: he koia oku tūtūi e he tagata, koia te ne utu foki.

⁸He ko ia oku tūtūi ki hono kakano, te ne utu i he kakano ae auha; ka ko ia oku tūtūi ki he Laumalie, te ne utu i he Laumalie ae moui taegata.

⁹Bea ke oua naa tau fiu i he fai lelei: he te tau utu i hono faahita‘u totonu, o kabau e ikai te tau vaivai.

¹⁰Koia, bea i he e tau ma‘u ha faiga-malie, ke tau fai lelei ki he kakai kotoabe, kae ajili be kiate kinautolu oku i he fale oe tui.

¹¹Oku mou mamata ki he tohi lahi kuou tohi atu kiate kimoutolu aki hoku nima ooku.

¹²Ko kinautolu oku holi ke matamata lelei fakakakano be, oku nau fakaloto‘i akimoutolu ke mou kamu; telia naa fakataga‘i akinautolu koeuhi koe akau o Kalaisi.

¹³He ko kinautolu kuo kamu, oku ikai te nau fai ki he fono; ka oku nau holi ke mou kamu, koeuhi ke nau bolebole ai i ho mou kakano.

¹⁴Kae mamao mo au ae bolebole, ka i he akau be o ho tau Eiki ko Jisu Kalaisi, aia kuo tutuki ai ke mate a mamani kiate au, mo au ki mamani.

¹⁵He oku ikai aoga jii ia Kalaisi Jisu ae kamu, be ae taekamu, ka koe faka-foou.

¹⁶Bea ko kinautolu oku aeva o tāu moe mea fua ni, ke iate kinautolu ae monuia, moe aloofa, bea ki he Isileli oe Otua.

¹⁷Ke gata mei heni, ke oua naa fakamamahi‘i au e ha taha: he oku ou fua i hoku jino ae gaahi fakailoga oe Eiki ko Jisu.

¹⁸E kaiga, ke i ho mou laumalie ae ofa a ho tau Eiki ko Jisu Kalaisi. Emeni.