KOE GAAHI LEA FAKATĀTĀ 10:1-32 TON1884 - Bible AI

¹1 Oku tuu ae gaahi fakamatala i he vahe ni ki he fai lelei moe fai kovi i he gaahi mea kehekehe, o a‘u ki hono uofolu ma nima oe vahe. KOE gaahi lea fakatātā a Solomone. Oku fakafiefia‘i ae tamai e he foha oku boto: ka koe tama vale koe fakaogojia ia ki he ene fa‘e.

²Oku ikai aoga ae koloa oe agahala: ka oku fakamoui mei he mate e he maonioni.

³E ikai tuku e Jihova ke fiekaia ae laumalie oe maonioni: ka oku liaki eia ae koloa ae agahala.

⁴Koia oku fai aki ae nima vaivai e fakaaau ia ke majiva: ka oku fakakoloaia e he nima oku faa gaue.

⁵Koe foha boto ia aia oku utu mai i he faahita‘u mafana: ka koia oku mohe i he lolotoga ae ututa‘u koe foha ia oku tau ma ai.

⁶Oku hilifaki ae gaahi tabuaki ki he ulu oe agatonu: ka oku tabuni aki ae fakamalohi ae gutu oe agakovi.

⁷Oku monuia ae fakamanatu ki he agatonu: ka e bobo ae higoa oe agahala.

⁸E ma‘u ae gaahi fekau ekinautolu oku loto boto: ka e higa ae vale oku faa lau.

⁹Oku alu malohi ia aia oku eveeva i he agatonu: ka koia oku femioaki hono gaahi hala e iloa ia.

¹⁰Oku tubu ae mamahi iate ia oku kakamo aki hono mata: bea e higa ae vale oku faa lau.

¹¹Koe gutu oe tagata maonioni koe matavai oe moui: ka oku tabuni aki ae fakamalohi ae gutu oe agakovi.

¹²Oku tubu mei he fehia ae fekeikei: ka oku ufiufi e he ofa ae agahala kotoabe.

¹³Oku ilo ae boto i he lougutu oona oku faa ilo: ka koe mea ta ki he tua oona oku majiva fakakaukau.

¹⁴Oku tokonaki e he kakai boto ae ilo: ka oku ofi ae gutu oe vale ki he fakaauha.

¹⁵Koe kolo malohi oe tagata koloaia ko ene koloa: ka e auha ae majiva koe nau majiva.

¹⁶Oku tautonu ki he moui ae gaue ae maonioni: ka koe fua oe kakai agakovi ki he agahala.

¹⁷Koia oku ne ma‘u ae tala fakaboto oku i he hala ki he moui: ka koia oku liaki ae valoki oku he ia.

¹⁸Koia oku fufu ene fehia aki ae lougutu loi, mo ia oku leaaki ae mea fakakovi‘i, oku fakatou vale.

¹⁹I he lahi oe lea oku ikai ke majiva ia i he agahala: ka koe boto ia aia oku taofi ki hono lougutu.

²⁰Oku tatau moe siliva lelei ae elelo oe agatonu: ka oku tae aoga ae loto oe agahala.

²¹Oku fafaga‘i ae toko lahi e he lougutu oe maonioni: ka oku mate ae kakai vale koe mea i he e nau majiva boto.

²²Koe tabuaki mei a Jihova, oku ne fakama‘umea‘i, bea oku ikai te ne omi mo ia ha mamahi.

²³Oku hage koe mea vaiga ki he vale a ene fai kovi: ka oku i he tagata faa fakakaukau ae boto.

²⁴E hoko mai be ki he agahala a ene manavahe: ka e foaki ki he maonioni ae mea oku ne holi ki ai.

²⁵O hage koe mole atu ae ahiohio, oku behe ae agahala: ka oku i he maonioni ae tuuga taegata.

²⁶O hage koe vaimahi ki he nifo, moe ohuafi ki he mata, oku behe ae fakabikobiko kiate kinautolu oku nau fekaua ia.

²⁷Oku fakalahi ae gaahi aho e he manavahe kia Jihova: ka e fakanounou ae gaahi ta‘u oe agahala.

²⁸Koe amanaki lelei oe maonioni koe fiefia ia: ka e auha ae amanaki oe agahala.

²⁹Koe hala o Jihova koe malohi ia ki he agatonu: ka e hoko ae fakaauha kiate kinautolu oku gaue i he agahala.

³⁰E ikai aubito faa ue‘i ae maonioni o taegata: bea e ikai nofo i mamani ae kakai agahala.

³¹Oku omi mei he gutu oe agatonu ae boto: ka e motuhi ae elelo oe talagataa.

³²Oku ilo e he lougutu oe maonioni ae mea oku lelei: ka oku leaaki ae kovi e he gutu oe agahala.