1KOE fai kākā i he fakamamafa mea koe fakalielia kia Jihova: ka oku ne leleiia i he fakamamafa totonu.
2Oka hoko ae fielahi, oku hoko foki moe ma: ka oku i he agavaivai ae boto.
3E fakahinohino‘i ae agatonu e he e nau fai totonu: ka e fakaauha ae agahala e he e nau talagataa.
4Oku ikai aoga ae koloa i he aho oe houhau: ka oku fakahaofi mei he mate ae maonioni.
5E fakatonutonu ae hala oe haohaoa i he ene maonioni: ka e higa ae agahala i he ene agahala aana.
6E fakamoui ae maonioni i he e nau agatonu: ka e moua ae agahala i ha e nau kovi anautolu.
7Oka mate ae tagata agahala, e auha ai ene amanaki: bea oku auha moe amanaki oe tae agatonu.
8Oku fakamoui ae maonioni mei he mamahi, bea kuo togia ia e he tagata agahala.
9Oku fakamalaia e he tagata kākā a hono kaiga aki hono gutu: ka koe mea i he ilo e fakamoui ae agatonu.
10Oku fiefia ae kolo i he monuia ae maonioni: bea i he mate ae agahala oku ai ae mavava.
11Oku hakeaki‘i ae kolo i he tabuaki oe agatonu: ka oku holoki hifo ia e he gutu oe agahala.
12Koia oku majiva boto oku ne fehia ki hono kaugaabi: ka oku fakalogobe ae tagata boto.
13Oku fakaha ae gaahi tala fufu eia oku fakalaga lau: ka koia oku lote totonu oku ne ufiufi ae mea.
14I he ikai ha faa fakakaukau oku higa ae kakai: ka oku ai ae malu‘i i he fakakaukau ae toko lahi.
15Koia oku ne togia ha taha foou e mamahi ai ia: bea koia oku fehia ke fai ae fetogi e tuutuumalie ia.
16Oku mau i he fefine agalelei ae ogoogolelei: bea oku mau be ki he kakai malohi e nau koloa.
17Oku fai lelei e he tagata agaofa ki hono laumalie oona: ka koia oku aga fakamalohi oku ne fakamamahi‘i hono kakano oona.
18Oku fai e he agahala ae gaue fakakākā‘i: ka e ma‘u ae totogi mooni eia oku tutu‘i ae maonioni.
19O hage oku fakatau ae maonioni ki he moui: oku behe, koia oku tulituli bau ki he kovi oku ne fai ia ke ne mate ai ia.
20Ko kinautolu oku loto bikobiko oku fakalielia kia Jihova: ka oku fiemalie ia iate kinautolu oku totonu ho nau hala.
21Ne ogo ae febukeaki ae nima oe kakai agahala e ikai tae tautea akinautolu: ka e fakamoui ae hako oe maonioni.
22O hage koe mama koula i he ihu oe buaka, oku behe ae fefine hoihoifua oku ikai ke aga fakabotoboto.
23Oku lelei mau be ae holi ae kakai maonioni: ka koe houhau oku amanaki ki ai ae agahala.
24Oku ai aia oku faa foaki, kae ma‘u ai o lahi: bea oku ai oku taofi i he mea oku totonu ke fai, ka oku tubu ai a ene majiva.
25E fakama‘umea‘i ae loto oku faa ofa: bea koia oku faa fakaviviku e fakaviviku ia foki.
26E fakamalaia ia e he kakai aia oku taofi ae mea kai: ka e hilifaki ae monuia ki hono ulu aia oku faa fakatau ia.
27Oku ma‘u ae ogoogolelei eia oku kumi fakamatoato ki he lelei: ka koia oku kumi ki he kovi, e hoko mai be ia kiate ia.
28E higa ia aia oku falala ki he ene koloa: ka e tubu ae maonioni o hage koe vaa.
29Koia oku faa fakafiu‘i a hono fale oona, e ma‘u be eia ae matagi: bea e hoko ae vale koe tamaioeiki kiate ia oku boto hono loto.
30Koe fua oe maonioni oku hage koe akau oe moui; bea koia oku lava‘i ae gaahi laumalie oku boto ia.
31Vakai, e ma‘u totogi ae maonioni i he mamani: ka e lahi hake ene ma‘u totogi e he agakovi moe agahala.