1KOIA oku manako ki he ako oku manako ki he boto: ka koia oku fehia ki he valoki oku aga fakamanu ia.
2Oku finagalo lelei a Jihova ki he tagata agalelei: ka e fakamāu eia ae tagata oku filioi kovi.
3E ikai fokotuu mau ha tagata e he agahala: ka e ikai gau‘e ae aka oe maonioni.
4Koe fefine agalelei koe tatā ia ki hono unoho: ka koia oku fakama oku hage ia koe bobo ki hono gaahi hui.
5Oku totonu ae gaahi mahalo ae maonioni: ka koe gaahi fakakaukau ae agahala koe kākā ia.
6Oku alea ae agahala ke tatali toitoi ke liligi toto: ka oku fakamoui akinautolu e he gutu oe agatonu.
7Oku tulaki hifo ae agahala, bea ikai akinautolu: ka e tuu mau ae fale oe maonioni.
8E fakamaloia ae tagata o fakatatau ki he ene boto: ka e manuki‘i ia aia oku loto talagataa.
9Koia oku fehianekina, ka oku tauhi ia eia be, oku lelei lahi hake ia iate ia oku fakaogoogolelei ia eia be, kae majiva mea kai.
10Oku tokaga‘i e he tagata maonioni ae moui a ene manu: ka koe manavaofa ae agahala koe fakamalohi be ia.
11Koia oku faa keli hono botu kelekele e makona ia i he mea kai: ka koia oku muimui ki he kakai vale oku majiva ia i he ilo.
12Oku manako ae agahala ki he kolo ae kakai agakovi: ka oku tubu ae fua mei he aka oe maonioni.
13Oku tauhele‘i ae agahala e he talagataa a hono lougutu: ka e hao mai ae agatonu mei he kovi.
14E fakamakona ae tagata aki ae lelei i he fua o hono gutu: bea e omi ki he tagata ae tubu oe gaue a hono nima.
15Oku totonu ae hala oe vale i hono mata oona: ka koia oku ogo‘i ae akonaki oku boto ia.
16Oku ilo leva ae ita oe vale: ka oku ufiufi e he tagata fakamakukaga ae fakama.
17Koia oku lea aki ae mooni oku fakaha eia ae maonioni: ka oku fakaha ae kākā e he fakamooni loi.
18Oku ai aia oka lea oku hage koe tui aki ha heleta: ka koe mea fakamoui ae elelo oe boto.
19E fokotuu mau o taegata ae lougutu oku lea aki ae mooni: ka oku oji i he kemo be taha ae elelo oku loi.
20Oku ai ae kākā i he loto onautolu oku filioi kovi: ka oku ai ae fiefia kiate kinautolu oku alea ki he melino.
21Oku ikai ha kovi e hoko ki he agatonu: ka e fakafonu aki ae kovi ae agahala.
22Koe mea fakalielia kia Jihova ae lougutu faa loi: ka oku fiefia ia iate kinautolu oku fai fakamoomooni.
23Oku fakafufu e he tagata fakamakukaga a ene ilo: ka oku fakaha e he loto oe vale ae vale.
24E ma‘u ae bule e he nima oe faa gaue: ka e moulaloa ki he tukuhau aia oku fakabikobiko.
25Koe māfajia i he loto oe tagata oku mabelu ai ia: ka oku fakafiefia‘i ia e he lea lelei.
26Oku lelei hake ae maonioni i hono kaugaabi: ka oku kākāia ae agahala e ho nau hala.
27Oku ikai ke ta‘o e he tagata faka bikobiko ae mea naa ne ma‘u i he ene tuli: ka oku mahuiga ae koloa oe tagata faa gaue.
28Oku ai ae moui i he hala oe maonioni, bea i hono aluga oku ikai ai ha mate.