1OKU teke‘i atu ae houhau e he tali fakavaivai: ka oku fakatubu ae ita i he lea fakamamahi.
2Oku gaue totonu aki ae ilo e he elelo oe boto: ka oku maligi ae vale mei he gutu oe vale.
3Oku i he botu kotoabe ae fofoga o Jihova, o ne afio‘i ae kovi moe lelei.
4Koe elelo fakamoui koe akau ia oe moui: bea ka talagataa ia koe maumau ia oe laumalie.
5Oku fehia ae vale ki he akonaki a ene tamai: ka oku fakabotoboto ia aia oku tokaga ki he valoki.
6Oku ai ae koloa lahi i he fale oe maonioni: ka oku ai ae mamahi i he koloa ae agahala.
7Oku tufa atu ae boto e he lougutu oe boto: ka oku ikai ke fai behe e he loto oe vale.
8Koe mea fakalielia kia Jihova ae feilaulau ae agahala: ka koe lotu ae agatonu oku ne fiemalie ai.
9Koe mea fakalielia kia Jihova ae hala oe agakovi: ka oku ne ofa kiate ia oku muimui ki he maonioni.
10Koe mea fakamamahi ae tautea kiate ia kuo liaki ae hala: bea koia oku fehia ki he valoki e mate ia.
11Oku i he ao o Jihova a hetesi bea moe fakaauha: kae mua hake ae loto oe fānau ae tagata!
12Oku ikai ofa ae tagata manuki kiate ia oku valoki‘i ia: bea oku ikai fie alu atu ia ki he boto.
13Oku fakafiefia‘i ae mata e he loto oku fiemalie: ka oku maumau‘i ae laumalie e he mamahi oe loto.
14Oku kumi ki he boto e he loto oona oku faa ilo: ka oku kai ae vale e he gutu oe kakai vale.
15Oku kovi ae aho kotoabe onautolu oku mamahi: ka oku fai katoaga mau ai be ia aia oku loto fiemalie.
16Oku lelei lahi hake ae mea jii moe manavahe kia Jihova, i he koloa lahi oku ma‘u moe kovi.
17Oku lelei hake ae mea kai aki ae lou akau bea ai moe ofa, i he kai ha bulu kuo fafaga, kae ma‘u moe fehia.
18Oku fakatubu e he tagata faa ita ae feiteitani: ka oku lolomi ae feiteitani eia oku fakatotoka ki he ita.
19Oku tatau ae hala oe tagata fakabikobiko moe a akau talatala: ka oku haga malie ae hala oe maonioni.
20Oku fakafiefia‘i ae tamai e he foha oku boto: ka oku fehia ae tagata vale ki he ene fa‘e.
21Koe vale koe fakafiefia ia kiate ia oku tae ma‘u ae boto: ka oku eveeva i he agatonu ae tagata oku faa ilo.
22Oku ikai hoko ae gaahi mea kuo tuutuuni, koe mea i he majiva fakakaukau: ka i he toko lahi hono kau fakakaukau‘i oku toki mau ai ia.
23Oku ma‘u e he tagata ae fiefia i he lea a hono gutu: bea koe lea oku fai i hono kuoga totonu, hono ikai lelei fau ia!
24Oku maoluga ae hala oe moui kiate kinautolu oku boto, koeuhi ke nau hao mei heli oku i lalo.
25E fakaauha e Jihova ae fale oe fielahi: ka e fokotuu mau eia ae kau hala oe fefine kuo mate hono unoho.
26Koe mea fakalielia kia Jihova ae gaahi mahalo ae agakovi: ka koe gaahi lea ae maonioni koe gaahi lea ia oku lelei.
27Koia oku manumanu ki he koloa oku fakafiu‘i eia hono fale oona; ka koia oku fehia ki he gaahi mea foaki e moui ia.
28Oku fakakaukau e he loto oe maonioni ae lea te ne tali aki: ka oku maligi mei he gutu oe agahala ae gaahi mea kovi.
29Oku mamao aubito a Jihova mei he agahala: ka oku ne ogo‘i ae lotu ae maonioni.
30Oku fiefia ae loto i he māma oe mata: bea oku tubu i he ogoogolelei ae huhua oe hui.
31Koe teliga oku fakafanogo ki he valoki fakamoui e nofo mau ia i he haohaoga oe boto.
32Koia oku manuki ki he akonaki oku ne fehia ki hono laumalie oona: ka koia oku fanogo ki he valoki oku ma‘u eia ae loto boto.
33Koe manavahe kia Jihova, koe akonaki ia oe boto; bea oku muomua ae agavaivai i he hakeaki‘i.