1OKU lelei hake ae kihi‘i mea kai jii oku momoa, moe fakalogologo, i he fale oku fonu i he mea kai lelei, ka oku i ai moe feiteitani.
2E bule ae tamaioeiki oku boto ki he foha oku fai fakama; bea e ma‘u eia ha tofia fakataha moe fānau.
3Koe kulo ahiahi‘i koe mea ia ki he siliva, bea koe mea ki he koula ae afi kakaha: ka oku ahiahi‘i ae loto kotoabe e Jihova.
4Oku tokaga ae tagata fai kovi ki he lougutu oku loi; bea oku tokaga eia oku loi ki he elelo oku kovi.
5Koia oku manuki ki he majiva oku valoki eia a hono Tubuaga: bea e ikai fakatonuhia‘i ae tagata koia oku fiefia i he hoko ae gaahi kovi.
6Koe fānau ae fānau koe tatā ia oe kau mātua: bea koe lelei oe fānau ae nau gaahi tamai.
7Oku ikai gali moe vale ae lea lelei: bea oku tae gali aubito mo ha eiki ae lougutu oku loi.
8Oku tatau ha mea foaki moe maka mahuiga ki he mata oona oku ne ma‘u ia: he oku lelei be ia i he botu kotoabe oku tafoki ia ki ai.
9Oku ofeina ia oku faa ufiufi ae fai hala: ka koia oku toe lea aki ha mea, koe fakamavae ia oe kaumea feofoofani.
10Oku ogogofua ae valoki ki he loto oe tagata boto i he kauimaea ke liuga teau ki he vale.
11Oku fie talagataa be ae tagata agakovi; bea koia e fekau atu ai kiate ia ha taha oku agamalohi.
12Oku lelei hake ke fakafetaulaki ha tagata mo ha beaa kuo kaihaaji mei ai a hono uhiki, i he fetaulaki mo ha vale i he ene vale.
13Koia oku ne totogi aki ae kovi ki he lelei, e ikai mavahe ae kovi mei hono fale.
14Koe kāmataga oe feiteitani oku hage koe fakaba mai o ha vai: koia ke tukuā ae fekeikei i he heeki ai hoko ha mea.
15Oku fakatou fakalielia kia Jihova aia oku ne fakatonuhia‘i ae halaia, mo ia oku ne talatalaaki‘i ae maonioni.
16Koeha eni kuo ai ae totogi ki he nima oe vale ke ne ma‘u ai ae boto, ka oku ikai te ne ma‘u ha loto ki ai?
17Oku ofa mau ai be ae kaiga mooni, bea kuo fanau‘i ho tokoua ke talifaki ae aho oe kovi.
18Koe tagata oku majiva boto, oku buke eia ae nima, o ne fai ae fakamooni totogi i he ao o hono kaiga.
19Koia oku manako ki he feiteitani oku ofa ia ki he kovi: bea koia oku hiki hake hono mataba oku kumi eia ki he fakaauha.
20Oku ikai ilo ha lelei jii eia oku loto talagataa: bea oku to hifo ki he kovi aia oku ma‘u ae elelo kovi.
21Koia oku ne fakatubu ha vale oku ne fai ke ne mamahi ai ia: bea oku ikai ma‘u ha fiefia e he tamai ae tagata vale.
22Oku tubu ae lelei o hage ha faitoo mei he loto oku fiefia: ka oku fakamomoa ae hui e he laumalie kuo mafeji.
23Oku too mai e he agakovi ha mea foaki mei he fatafata, ke ne taki kehe ae hala oe fakamāu.
24Oku i he ao oe tagata oku faa fakakaukau ae boto: ka oku i he gaahi gataaga o mamani ae mata oe vale.
25Koe foha oku vale koe fakamamahi ia ki he ene tamai, moe ogojia kiate ia nae faele‘i ia.
26Oku ikai lelei ke tautea ae agatonu: be koe ta‘i oe houeiki i he e nau fai totonu.
27Koia oku ne ma‘u ae boto oku ne taofi ki he ene lea: bea oku loto lelei ae tagata koia oku faa fakakaukau.
28Naa moe vale oku lau ia koe boto, oka fakalogo be ia: bea oku lau koe tagata faa ilo aia oku mabuni hono lougutu.