1KOE mea i he holi ki ai ae tagata, oku ne vahe‘i ia ke ne kumi mo kau i he boto kotoabe.
2Oku ikai fiefia ae vale i he ilo, ka koeuhi ke fakaha aki ia hono loto.
3Oka hoko mai ae agahala oku ha‘u mo ia ae manukia, bea moe ogoogokovi moe valokia.
4Oku hage koe gaahi vai loloto ae gaahi lea mei he gutu oe tagata, bea oku tatau ae matavai oe boto moe ba ae vaitafe.
5Oku ikai lelei ia ke fili ki he tagata oku agahala, kae fakahiga ai ae maonioni i he fakamāu.
6Oku kau ae lougutu oe vale i he ke, bea oku ui mai hono gutu ke ta‘i ia.
7Koe auhaaga oe vale a hono gutu, bea koe tauhele ki hono laumalie a hono lougutu.
8Koe gaahi lea ae tagata faa fafana oku hage ia koe gaahi makafokafo, bea oku aji mai ia ki he kakano oe loto.
9Koia oku fakabikobiko i he ene gaue koe tokoua ia oona oku faa maumau mea.
10Koe fale maoluga mo malohi ae huafa o Jihova: oku hola ki ai ae maonioni, o ne moui ai.
11Koe kolo malohi ae tagata koloaia ko ene koloa, bea oku tatau ia i he ene mahalo aana moe fuu a maoluga.
12Oku muomua i he fakaauha ae fielahi i he loto ae tagata, bea oku muomua ae agavaivai i he hakeaki‘i.
13Ko ia oku kau ke lea i ha mea i he heeki te ne fanogo ki ai, koe vale moe fakama ia kiate ia.
14E faa kataki‘i e he laumalie oe tagata haane vaivai; ka kohai oku faa kataki‘i ae laumalie kuo lavea?
15Oku ma‘u e he loto oe fakamakukaga ae boto: bea oku kumi ki he ilo e he teliga oe boto.
16Oku fakaataatā ae hala oe tagata oku faa foaki, bea oku omi ai ia ki he ao oe houeiki.
17Ko ia oku muomua i he ene mea aana oku matamata totonu: ka i he ha‘u a hono kaugaabi oku ne ahiahi‘i ia.
18Oku fakagatagata i he fai oe talotalo ae fakakikihi, o ne vahevahe ki he kakai malohi.
19Oka koviia ae loto oe tokoua o ha taha, oku faigataa lahi hake ia i ha kolo oku malohi: bea koe na fekeikei oku hage ia koe gaahi sogo oe kolo.
20E fakamakona ae kete oe tagata aki ae fua o hono gutu: bea e fakafonu ia aki aia oku tubu mei hono lougutu.
21Oku i he elelo ae bule ki he mate moe moui: bea ko kinautolu oku ofa ki ai te nau kai a hono fua.
22Koe tagata oku ne ma‘u hono unoho oku ma‘u eia ae lelei, oka ne ma‘u ai ae lelei i he ao o Jihova.
23Oku fakakolekole e he majiva; ka oku tali fakamalohi e he koloaia.
24Koe tagata oku ai hono gaahi kaiga oku gali ke ne fai fakakaiga eia; bea oku ai ae takaga oku bikitai malohi hake i ha tokoua.