KOE GAAHI LEA FAKATĀTĀ 2:1-22 TON1884 - Bible AI

¹1 Oku fakaha e he boto e ma‘u ae maonioni e he ene fānau, 10 moe malu‘i mei he kakai agakovi, 20 moe fakahinohino ki he gaahi hala lelei. E HOKU foha, kabau te ke ma‘u a eku gaahi lea, mo fakafufu iate koe a eku gaahi fekau;

²Koeuhi ke fakatokaga‘i ho teliga ki he boto, bea ke tokaga ai ho loto ki he faa fakakaukau;

³Io, kabau te ke tagi ki he ilo, bea ke hiki hake ho le‘o ke ma‘u ae fakakaukau:

⁴Kabau te ke kumi ki ai o hage koe siliva, bea hakule ki ai o hage koe koloa kuo fufu;

⁵Te ke toki ilo ai ae manavahe kia Jihova, bea ma‘u ae ilo‘i oe Otua.

⁶He oku foaki e Jihova ae boto: oku ha‘u mei hono fofoga ae ilo moe fakakaukau.

⁷Oku tokonaki eia ae boto aoga ma ae kakai maonioni: koe fakaū ia kiate kinautolu oku aeva i he agatonu.

⁸Oku ne tauhi ae hala oe fakamāu; bea oku ne malu‘i ae hala o ene kakai maonioni.

⁹Bea te ke toki ilo ai ae maonioni, moe fakamāu, moe fai totonu; io, ae hala lelei kotoabe.

¹⁰Oka hu ae boto ki ho loto, bea malie ae ilo ki ho laumalie;

¹¹E fakamoui koe e he faa fakakaukau, bea e tauhi koe e he boto:

¹²Ke fakamoui koe mei he hala oe tagata kovi, mei he tagata oku lea aki ae gaahi mea kovi;

¹³Aia oku liaki ae hala oe maonioni, kae alu i he gaahi hala oe fakabouli;

¹⁴Aia oku fiefia ke fai kovi, bea oku fiemalie i he talagataa ae agahala;

¹⁵Bea oku bikobiko hono gaahi hala, bea kovi a hono gaahi aluaga:

¹⁶Ke fakamoui koe mei he fefine muli, io, mei he muli oku lea fakaoloolo;

¹⁷Aia kuo ne liaki ae fakahinohino i he ene kei jii, bea kuo ne fakagalogalo‘i ae fuakava a hono Otua.

¹⁸He oku tahifohifo hono fale ki he mate, bea mo hono aluga ki he kakai mate.

¹⁹Oku ikai toe foki mai ha taha oku alu atu kiate ia, bea oku ikai ke buke ekinautolu ki he gaahi hala oe moui.

²⁰Koeuhi ke ke eveeva koe i he hala oe kakai agalelei, bea ke ma‘u ae gaahi aluaga oe maonioni.

²¹Koeuhi e nofo ae agatonu i he fonua, bea e nofo mau i ai ae haohaoa.

²²Ka e motuhi atu ae agahala mei he mamani, bea e taaki fuu hake mei ai ae fai kovi.