KOE GAAHI LEA FAKATĀTĀ 25:1-28 TON1884 - Bible AI

¹1 Koe gaahi lea oku kau ki he gaahi tu‘i, 8 bea ke oua e kau i he gaahi fekeikei moe mea oku tubu ai ia. KO eni foki ae gaahi lea fakatātā a Solomone, aia nae hiki e he kau tagata a Hesekaia koe tu‘i o Juta.

²Koe nāunāu ia oe Otua ke fakafufu ha mea: ka koe mea e ogoogolelei ai ae gaahi tu‘i ke kumi ke ilo ae gaahi mea.

³Koe lagi i hono maoluga, moe mamani i hono taumamao, moe loto oe gaahi tu‘i, oku tae faa ilo‘i.

⁴Ke too atu ae uli mei he siliva, bea e gaohi mei ai ha ibu eia oku ne fakamaa siliva.

⁵Ke ave ae agahala mei he ao oe tu‘i, bea e fokotuu mau ai hono nofoa fakaeieiki i he maonioni.

⁶Oua naa ke hiki hake koe i he ao oe tu‘i, bea oua naa ke tuu i he botu oe kakai maoluga.

⁷He oku lelei hake ke lea o behe kiate koe, Alu hake koe ki heni; i he tuku koe o fakamāulalo i he ao oe tu‘i kuo ke mamata ki ai.

⁸Oua naa ke alu fakavave atu ke fakakikihi, telia naa e ikai te ke ilo ae mea ke fai oka oji ia, oka fakama‘i koe e ho kaugaabi.

⁹Ke mo fai tokoua be hoo mo fakakikihi mo ho kaugaabi; bea oua naa fakaha ha tala fakalilolilo ki ha taha kehe:

¹⁰Telia naa fakama‘i koe eia oku fanogo ki ai, bea ikai toe foki meiate koe ho ogoogokovi.

¹¹Koe lea oku gali mo totonu hono lea aki oku hage ia koe abeli koula i ha ibu siliva.

¹²O hage koe hau koula moe teuga oe koula lelei, oku behe ia aia oku valoki fakabotoboto kiate ia oku teliga ogo.

¹³O hage koe momoko oe uha hinehina i he lolotoga ae ututa‘u, oku behe ae talafekau totonu kiate kinautolu oku nau fekau‘i ia: he oku ne fakafiemalie eia ki he loto o ene houeiki.

¹⁴Koia ia oku bolebole i ha foaki loi oku hage ia koe gaahi ao moe matagi tae hano uha.

¹⁵Oku fakaloto‘i ae tu‘i i he fai fakakukafi, bea oku feji‘i ae hui e he elelo molu.

¹⁶Kuo ke ilo ha honi? kai ai koe ke makona lelei be, telia naa ke fatufaia ai, bea lua aki.

¹⁷Ke taofi ho va‘e mei he fale o he kaugaabi; telia naa fiu ia kiate koe, bea fehia ai kiate koe.

¹⁸Koe tagata oku fakamooni loi ki hono kaugaabi, oku hage ia koe akai fakabo, moe heleta, bea moe gahau majila.

¹⁹Koe falala i he tuutamaki ki ha tagata tae agatonu, oku hage ia koe nifo bobo, be koe va‘e kuo tabeva.

²⁰Oku hage koe tagata oku too o ave ha kofu i he faahita‘u momoko, bea hage koe fefiofi ae vaimahi moe naita, oku behe aia oku hiva aki ae gaahi faji ki he loto māfajia.

²¹Kabau oku fiekaia ho fili, foaki ki ai ae ma ke ne kai; bea kabau oku fieinua, foaki kiate ia ae vai ke inu:

²²He te ke hilifaki ai ae malala‘i afi ki hono ulu, bea e totogi lelei e Jihova kiate koe.

²³Oku tubu ae uha mei he matagi tokelau; oku behe foki oku tubu ae matalili mei he elelo oe fakakovi.

²⁴Oku lelei hake ae nofo i he tuliki i he tua fale, i he nofo mo ha fefine faa ke i ha fale oku fuu atā.

²⁵Oku hage koe vai momoko kiate ia oku fieinua, oku behe ae ogoogolelei mei he fonua mamao.

²⁶Koe higa ae tagata maonioni i he ao oe kau agahala, oku hage ia koe matavai kuo fakagau‘eu‘e, moe vaitafe kuo fakauli‘i.

²⁷Oku ikai lelei ke kai lahi i he honi: bea behe, koe kumi e he kakai ho nau ogoogolelei onautolu be oku ikai koe ogoogolelei ia.

²⁸Koia ia oku ikai faa bule‘i hono laumalie oona oku tatau ia moe kolo kuo holoki hifo, bea oku ikai hano a.