KOE GAAHI LEA FAKATĀTĀ 26:1-28 TON1884 - Bible AI

¹1 Koe gaahi lea oku kau ki he kakai vale, 13 moe kakai fakabikobiko, 17 moe kakai oku fakakikihi mo kau noa. OKU hage koe uha hinehina i he faahita‘u mafana, moe uha i he lolotoga oe ututa‘u, oku behe hono tae tāu ae ogoogolelei mo ha vale.

²Hage koe manu buna oku hehe, bea moe bekebeka i he ene buna, oku behe, e ikai hoko mai ae fakamalaia tae hano uhiga.

³Koe mea kiniji ki he hose, moe mea taofi ki he asi, bea moe mea ta ki he tua oe vale.

⁴Oua naa tali aki ae vale a ene vale, telia naa ke hoko o tatau be mo ia.

⁵Ke talia ae vale o fakatatau mo ene vale, telia naa boto ia i hono mata oona.

⁶Ko ia oku ne ave ha fekau i he nima o ha taha oku vale oku ne tuuji ae va‘e, mo inu i he fakamamahi.

⁷Oku ikai tatau ae va‘e oe tagata ketu: oku behe foki ae lea fakatātā i he gutu oe kakai vale.

⁸Oku hage ha taha oku ne ai ae maka i he makatā, oku behe be ia aia oku fakaogoogolelei‘i ae vale.

⁹Oku hage koe tau ae tala‘i akau i he nima oe tagata kona, oku behe be ae lea fakatātā i he gutu oe kakai vale.

¹⁰Koe Otua aia nae gaohi ae mea kotoabe oku ne fakatou atu ae totogi ki he vale, bea moe kau fai kovi.

¹¹Hage koe tafoki mai ae kuli ki he ene lua, oku behe ae toe fai e he vale a ene vale.

¹²Oku ke mamata ki ha tagata oku ne mahalo kiate ia koe boto ia? oku tau amanaki lelei hake ki he vale iate ia.

¹³Oku behe e he tagata fakabikobiko, oku ai ae laione i he hala: oku i he hala oe kolo ae laione.

¹⁴Hage koe fealuaki ae mataba i hono mea tautau, oku behe aia oku fakabikobiko i hono mohega.

¹⁵Oku fakafufu e he fakabikobiko a hono nima i hono fatafata; bea oku mamahi ia i he ene toe omi ia ki hono gutu.

¹⁶Oku boto hake ae fakabikobiko i he ene mahalo aana, i he kau tagata e toko fitu oku faa tali aki ae lea oku totonu.

¹⁷Ko ia oku aluage, bea ne kau noa i ha fakakikihi nae ikai kau ai ia, oku tatau ia mo ha taha oku buke ha kuli i hono teliga.

¹⁸Hage ha tagata faha oku li fano eia ae afi, moe gaahi gahau, moe mate,

¹⁹Oku behe be ae tagata oku ne kākā‘i hono kaugaabi, o ne behe, Ikai ko eku fakava be?

²⁰I he ikai ha fefie oku mate ae afi: bea behe, i he ikai ha fakakovi kuo logo leva ae fakakikihi.

²¹Hage koe malamala ki he malala vela, moe fefie ki he afi; oku behe ae tagata faa fakakikihi ke fakatubu ae ke.

²²Koe gaahi lea ae tagata faa fafana oku hage ia koe gaahi makafokafo, bea oku aji mai ia ki he kakano oe loto.

²³Koe lougutu labu moe loto kovi oku tatau mo ha koga ibu maumau kuo ufiufi aki ae siliva.

²⁴Ko ia oku taufehia, oku labu aki eia a hono lougutu, ka oku nofo i hono loto ae kākā;

²⁵Oka matamata lelei ene lea, oua naa ke tui kiate ia: he oku fitu ae mea fakalielia i hono loto.

²⁶Koia oku ne fakafufu ene fehia aki a ene fai kākā, e fakaha a ene fai kovi i he ao oe fakataha kotoabe.

²⁷Ko ia oku keli ae luo e to ia ki ai: bea ko ia oku teka‘i ae maka e toe oho mai ia kiate ia.

²⁸Oku fehia ae elelo loi kiate kinautolu oku mamahi ai; bea oku tubu ae malaia mei he gutu oku labu.