KOE GAAHI LEA FAKATĀTĀ 29:1-27 TON1884 - Bible AI

¹1 Koe lea oku kau ki he bule fakamama, 15 moe bule ki he fānau. 22 Koe lea ki he ita, moe fielahi, moe kaihaa, moe foi, moe fai kākā. KO ia kuo liuga lahi hono valoki‘i kae fakakekeva eia hono kia, e fakaauha fakafokifa ia, bea e ikai ha fakamoui ki ai.

²Oka bule ae maonioni oku fiefia ai ae kakai: ka oka ma‘u ae bule e he agahala oku mamahi ai ae kakai.

³Ko ia oku manako ki he boto oku ne fakafiefia‘i a ene tamai: ka oku maumau‘i ene koloa eia oku kaumea moe kau faa feauaki.

⁴Koe mea i he fakamāu totonu ae tu‘i oku fokotuu mau ai ae fonua: ka ko ia oku ne faa ma‘u ae gaahi foaki oku ne fakamalaia ia.

⁵Koe tagata koia oku lea labu ki hono kaugaabi oku aau eia ae kubega ki hono va‘e.

⁶Koe fai agahala ae tagata agakovi koe tauhele ia: ka oku hiva mo fiefia ae maonioni.

⁷Oku tokaga ae maonioni ki he majiva: ka oku ikai tokaga ae agakovi ke ilo‘i ia.

⁸Oku tutu ae kolo e he kau tagata manuki; ka oku taofi atu ae houhau e he kakai boto.

⁹Kabau oku fakakikihi ae tagata boto mo ha tagata vale, ne ogo ene lili be kata, e ikai ha fiemalie e tubu ai.

¹⁰Oku fehia ki he agatonu aia oku fieinu ki he toto: ka oku kumi hono laumalie e he maonioni.

¹¹Oku fakaha e he vale a hono loto kotoabe: ka oku fakalaulau loto e he boto ki he amui:

¹²Kabau oku faa tokaga aia oku bule ki he gaahi loi, e hoko o kovi a ene kau tamaioeiki kotoabe.

¹³Oku faa fakataha be ae majiva bea moe kākā: bea oku fakatou māmagia ho na mata mei a Jihova.

¹⁴E fokotuu mau ke taegata ae nofoa fakaeieiki oe tu‘i koia oku fai totonu ae fakamāu ki he majiva.

¹⁵Oku tubu ae boto mei he mea ta moe valoki: ka koe tamajii oku tuku be ki he ene faiteliha oku ne fakama‘i a ene fa‘e.

¹⁶Oka tubu o toko lahi ae kakai agahala oku tubu moe fai kovi: ka e mamata ae maonioni ki he e nau higa.

¹⁷Ke ke taute‘i ho foha, bea te ke fiemalie iate ia: io, te ne fakafiefia‘i ho laumalie.

¹⁸Oka ikai i ai ha kikite oku malaia ae kakai; ka oku monuia ia aia oku fai ki he fono.

¹⁹E ikai boto ae tamaioeiki i ha lea valoki: he naa mo ene ilo‘i e ikai te ne talagofua.

²⁰Oku ke mamata ki ha tagata oku faa lea vave? oku tau amanaki lelei hake ki he vale iate ia.

²¹Ko ia oku fakahikihiki a ene tamaioeiki talu ene kei tamajii, e faifai bea hoko ia amui ko hono foha.

²²Oku fakatubu ae fekeikei e he tagata faa ita, bea oku lahi ae fai hala ae tagata loto lili.

²³Koe fielahi ae tagata e fakahifo ai ia ki lalo; ka e boubou hake ae laumalie oe agavaivai aki ae ogoogolelei.

²⁴Ko ia oku kaumea moe kaihaa oku fehia ia ki hono laumalie oona: bea oku fanogo eia ki he kabe, ka e ikai te ne fakaha ia.

²⁵Koe manavahe ki ha tagata oku hoko ia koe tauhele: ka e moui be ia aia oku falala ki Jihova.

²⁶Oku kumi e he toko lahi ki he loto lelei oia oku bule; ka oku mei a Jihova ae fakamāu ki he tagata taki taha.

²⁷Koe tagata tae fai totonu oku fakalielia ia ki he agatonu: bea ko ia oku fai totonu i hono hala oku fakalielia ia ki he agahala.