KOE GAAHI LEA FAKATĀTĀ 3:1-35 TON1884 - Bible AI

¹1 Koe eginaki ki he talagofua, 5 ki he tui, 7 ki he agavaivai, 9 ki he faa fai lelei, 11 moe faa kataki. 13 Koe koloa lahi ae boto. 19 Koe malohi, 21 bea moe lelei lahi oe boto. 27 Koe eginaki ki he faa agaofa, 30 moe agalelei, 31 moe nofo fiemalie. 33 Koe malaia oku i he kakai agakovi. E HOKU foha, oua naa fakagalo‘i a eku fono; ka ke tauhi e ho loto a eku gaahi fekau:

²He koeuhi e fakalahi aki ia kiate koe ae gaahi aho loloa, moe moui fuoloa, bea moe melino.

³Ke oua naa mahui iate koe ae manavaofa moe mooni: nonoo ia ki ho kia; tohi ia ki he kakano o ho loto:

⁴Koia te ke ilo ai ae lelei, bea e tabuekina koe i he ao oe Otua moe tagata.

⁵Falala kia Jihova aki ho loto kotoa; bea oua naa ke faaki ki ho boto oou.

⁶Ke ke fakaogoogo kiate ia i ho hala kotoabe, bea e fakatonutonu eia ho gaahi aluaga.

⁷Oua naa ke behe i ho mata oou, oku ke boto: ka ke manavahe kia Jihova, bea tafoki mei he kovi.

⁸E hoko ia koe moui ki ho bito, moe uho ki ho gaahi hui.

⁹Fakaabaaba kia Jihova aki hoo koloa, bea moe uluaki fua o hoo mea kotoabe kuo tubu:

¹⁰Koia e fonu ai ho gaahi feleoko i he mahu, bea e ba ae uaine foou mei hoo gaahi tataoaga.

¹¹E hoku foha, oua naa ke manuki‘i ae tautea mei a Jihova; bea oua naa ke fiu i he ene valoki:

¹²He koia oku ofa ki ai a Jihova oku ne tautea; o hage be koe tamai ki he foha oku ne fiemalie ai.

¹³Oku monuia ae tagata koia oku ne ma‘u ae boto, moe tagata oku ne lava‘i ae ilo.

¹⁴He oku maogooga hake ia i he fakatau oe siliva, mo hono mahuiga i he koula lelei.

¹⁵Oku mahuiga hake ia i he gaahi maka koloa: bea oku ikai tatau mo ia ae gaahi mea kotoabe oku ke faa holi ki ai.

¹⁶Oku i hono nima toomatau ae gaahi aho loloa; bea oku i hono nima toohema ae koloa moe ogoogolelei.

¹⁷Ko hono gaahi hala koe hala oe fiemalie, bea oku melino a hono gaahi aluaga kotoabe.

¹⁸Koe akau ia oe moui kiate kinautolu oku buke kiate ia: bea oku monuia akinautolu kotoabe oku kuku ia ke mau.

¹⁹Kuo fokotuu e Jihova ae tuuga e mamani i he boto; bea i he ilo kuo ne teuteu ai ae gaahi lagi.

²⁰Koe mea i he ene faa ilo oku mabunobuna hake ai ae gaahi loloto, bea oku to‘i ae hahau mei he gaahi ao.

²¹E hoku foha, oua naa ke tuku ke mole atu ia mei ho ao: tauhi ke mau ae boto mooni moe iloilo.

²²Bea e hoko ai ia koe moui ki he laumalie, moe teuga lelei ki ho kia.

²³Bea te ke toki alu lelei i ho hala, bea e ikai tūkia ho va‘e.

²⁴Oka ke ka tokoto ki lalo, e ikai te ke manavahe: io, te ke tokoto hifo, bea e melie hoo mohe kiate koe.

²⁵Oua naa ke manavahe ki ha mea fakailifia, oku fakafokifa mai, be ki he fakaauha oe agahala, oka hoko mai ia.

²⁶He ko ho falalaaga a Jihova, bea e fakahaofi eia ho va‘e ke oua naa efihia.

²⁷Oua naa taofi ae lelei mei ate kinautolu oku totonu ke atu ia ki ai, o kabau oku i ho nima hono mafai.

²⁸Oua naa ke behe ki ho kaugaabi, Alu, bea ke toe ha‘u, bea teu foaki ia kiate koe abogibogi; kae oji oku ke ma‘u be ae mea iate koe.

²⁹Oua naa ke filioi kovi ki ho kaugaabi, he oku ne nofo falala be kiate koe.

³⁰Oua naa fekuki mo ha taha tae hano uhiga, o kabau kuo ikai ke fai eia ha kovi kiate koe.

³¹Oua naa ke meheka ki he tagata fakamalohi, bea oua naa ke fili ki hono gaahi hala oona.

³²He koe agahala oku fakalielia ia kia Jihova: ka oku i he maonioni a hono finagalo fufu.

³³Oku i he fale oe agahala ae fakamalaia mei a Jihova: ka oku ne tabuaki‘i ae nofoaga oe agatonu.

³⁴Koe mooni oku ne manuki‘i ae kau manuki: ka oku foaki eia ae lelei ki he agavaivai.

³⁵E ma‘u e he boto ae ogoogolelei: ka koe hakeaki‘i oe vale koe ma