KOE GAAHI LEA FAKATĀTĀ 31:1-31 TON1884 - Bible AI

¹1 Koe eginaki a Limueli ki he fai maonioni moe taofi ki he faa inu ke kona. 6 Ke malu‘i mo fakafiemalie ae kakai mamahiia. 11 Koe ogoogolelei moe aoga ae fefine alafia agalelei. KOE gaahi lea ae tu‘i ko Limueli, koe tala nae akonaki aki ia e he ene fa‘e.

²Koeha, eku tama? bea koeha, ae tama o hoku manāva? bea koeha, ae tama a eku gaahi fuakava?

³Oua naa tuku ho malohi ki he kakai fefine, be ko ho gaahi hala ki he mea oku auha ai ae gaahi tu‘i.

⁴Oku ikai tāu moe gaahi tu‘i, E Limueli, oku ikai tāu moe gaahi tu‘i ke faa inu kava; be ke inu e he houeiki ae kava kona:

⁵Telia naa nau inu, bea galo ai ae fono, bea tae totonu ai ae fakamāu ki he kakai oku mamahi.

⁶Atu ae kava malohi kiate ia oku meimei mate, moe uaine kiate kinautolu oku māfajia ho nau loto.

⁷Tuku ke ne inu ke galo ai ene majiva, bea oua naa toe manatu ki he ene mamahi.

⁸Ke matoo ho gutu koeuhi koe noa i he mea anautolu kotoabe kuo fakamāu ki he mate.

⁹Matoo ho gutu, bea ke fakamāu maonioni, bea ke lagomaki‘i ae majiva, bea moe baea i he ene mea.

¹⁰Kohai oku faa ma‘u ae fefine fai lelei? he oku maogooga ia i he gaahi maka koloa.

¹¹Oku falala fakamoomooni kiate ia ae loto o hono unoho, bea e ikai aoga kiate ia ha mea oku ma‘u i he fakamalohi.

¹²E fai lelei ia kiate ia ka e ikai ha kovi i he aho kotoabe o ene moui.

¹³Oku ne kumi ae fulufulu‘i sibi, moe louakau, o ne gaue fiefia aki a hono nima.

¹⁴Oku ne hage koe gaahi vaka oe kau fakatau, he oku ne omi ene mea kai mei he mamao.

¹⁵Oku ne tuu hake foki i he kei bouli, o ne tufaki ae mea kai ki he ene kau nofoaga, moe inaji o ene kau kaunaga.

¹⁶Oku ne manako ki ha goue, bea ne fakatau ia: bea oku ne to ae goue vaine mei he fua o hono nima.

¹⁷Oku nonoo aki ae malohi a hono kogaloto, oku ne fakamalohi hono nima.

¹⁸Oku ne ilo oku lelei ae mea oku ne fakatau aki: oku ikai ke mate ene māma i he bo.

¹⁹Oku ne ai hono nima ki he mea oku fiaki ae filo, bea oku buke i hono nima ae aiaga filo.

²⁰Oku mafao atu hono nima ki he majiva, io, oku mafao atu hono nima kiate kinautolu oku baea.

²¹Oku ikai manavahe ia ki he to mai ae uha hinehina ki he ene kau nofoaga: he oku louua ae kofu o ene kau nofoaga kotoabe.

²²Oku ne gaohi kiate ia ae gaahi kofu aki ae tubenu kuo tuitui fakasanisani: ko hono gaahi kofu koe silika moe mea kulaahoaho.

²³Oku ogoogoa hono unoho i he gaahi mataba, oka nofo hifo ia moe kau mātua oe fonua.

²⁴Oku gaohi eia ae tubenu tuovalevale lelei, o ne fakatau aki: bea oku atu a hono gaahi noo ki he kau fakatau.

²⁵Ko hono kofu koe malohi moe ogoogolelei; bea e fiefia ia i he gaahi aho kimui.

²⁶Oku matoo hono gutu i he boto; bea oku i hono elelo ae fono oe ofa.

²⁷Oku ne tokaga lahi ki he aga o hono fale, bea oku ikai ke kai eia ae ma ae fakabikobiko.

²⁸Oku tubu hake ene fānau, o nau ui ia koe monuia; bea oku fakaogoogolelei‘i ia e hono unoho foki.

²⁹Kuo fai lelei e he kau ofefine toko lahi, ka oku ke lelei hake koe iate kinautolu kotoabe.

³⁰Koe mea kākā ae matamatalelei, bea koe vaiga ae hoihoifua: ka koe fefine oku manavahe kia Jihova e fakaogoogolelei‘i ia.

³¹Foaki kiate ia mei he fua o hono nima: bea tuku be ke fakaogoogolelei‘i ia i he gaahi mataba e he ene gaahi gaue aana.