KOE GAAHI LEA FAKATĀTĀ 4:1-27 TON1884 - Bible AI

¹1 Oku fakaha e Solomone ae ako nae fai e he ene mātua kiate ia, 5 ke tokaga ki he boto, 14 bea ke fehia ki he hala oe kakai fai kovi. 20 Oku ne eginaki ki he tui, 23 bea moe maonioni. AE fānau, mou fanogo ki he akonaki ae tamai, bea tokaga ke ilo ae boto.

²He oku ou foaki ae akonaki lelei kiate kimoutolu, bea oua naa mou liaki a eku fono.

³He koe foha au o eku tamai, koe bele moe ofeina taha be au i he ao o eku fa‘e.

⁴Naa ne akonaki‘i foki au, o ne behe mai, Tuku ke ma‘u i ho loto a eku gaahi lea: tauhi a eku gaahi fekau, ka ke moui.

⁵Ke ke ma‘u ae boto, bea ma‘u moe ilo: oua naa galo ia; bea oua naa ke fakaholomui mei he gaahi lea a hoku gutu.

⁶Oua naa liaki ia, bea te ne fakamoui koe: ke ke ofa kiate ia, bea te ne tauhi kiate koe.

⁷Koe boto koe mea oku fugani hake ia; koia ke ke ma‘u ae boto: bea i he mea kotoabe oku ke ma‘u, ke ke ma‘u moe ilo.

⁸Fakahikihiki‘i ia, bea te ne hakeaki‘i koe: bea i hoo fāufua kiate ia, te ne fakaogoogolelei koe.

⁹E ai eia ae teuga matamatalelei ki ho ulu: koe tatā oe nāunāu te ne foaki kiate koe.

¹⁰E hoku foha, fanogo, bea ke ma‘u a eku gaahi tala, bea e hoko ai o lahi ae gaahi ta‘u o hoo moui.

¹¹Kuou akonaki‘i koe i he hala oe boto; bea kuou tataki koe i he gaahi aluaga totonu.

¹²Oka ke ka eveeva e ikai efihia ho va‘e; bea oka ke ka lele e ikai te ke higa.

¹³Buke ke mau ae akonaki; oua naa tukuage ia: kuku mau ia; he ko hoo moui ia.

¹⁴Oua naa ke alu atu ki he hala oe agahala, bea oua naa eveeva i he aluaga oe kakai agakovi.

¹⁵Fakaehiehi mei ai, oua naa ke ofi ki ai, tafoki mei ai, bea alu atu be.

¹⁶He oku ikai te nau mohe, ka i he e nau lava‘i ae kovi; bea i he ikai te nau fakahiga ha niihi oku ikai ai te nau faa mohe.

¹⁷He oku nau kai ae ma oe fai kovi, e nau inu i he uaine oe fakamalohi.

¹⁸Ka koe hala oe agatonu oku tatau ia moe ulo oe māma, aia oku ajili be ene ulo o a‘u ki he haohaoa oe aho.

¹⁹Oku tatau moe bouli ae hala oe agahala: oku ikai te nau ilo aia oku nau tūkia ai.

²⁰E hoku foha, tokaga ki he eku gaahi lea; fakatokaga‘i ho teliga ki he eku gaahi tala.

²¹Ke oua naa mole atu ia mei ho mata; ke ma‘u ia i he kakano o ho loto.

²²He koe moui ia kiate kinautolu oku ma‘u ia, bea koe faitoo ki ho nau kakano.

²³Ke ke tauhi fakamatoato ki ho loto; he oku tubu mei ai ae ikuaga oe moui.

²⁴Ke liaki ke mamao iate koe ae gutu oku kovi, moe lougutu baogataa.

²⁵Ke jio totonu atu be ho mata, bea ke hagatonu ki mua ho laumata iate koe.

²⁶Fakakaukau ki he aluga o ho va‘e bea e fakatonutonu ai ho gaahi hala kotoabe.

²⁷Oua naa afe ki he nima toomatau be ki he toohema: ka ke fakatafoki ho va‘e mei he kovi.