KOE GAAHI LEA FAKATĀTĀ 5:1-23 TON1884 - Bible AI

¹1 Oku eginaki e Solomone ke tokaga ki he boto. 3 Oku ne fakaha hono kovi oe feauaki moe fakamaveuveu. 15 Oku ne eginaki ki he aganofo, moe faa foaki, bea moe fai maonioni. 22 Oku moua ae agahala i he e nau kovi anautolu be. E HOKU foha, tokaga ki he eku boto, bea ke fakaogo ho teliga ki he eku ilo:

²Koeuhi ke ke tokaga‘i ae fakabotoboto, bea ke ma‘u be i ho lougutu ae ilo.

³He oku to‘i ae lougutu oe fefine muli o hage koe geeji oe honi, bea oku molemole lahi hake i he lolo a hono gutu:

⁴Ka oku tatau moe kona ii a hono ikuaga, o majila o hage ha heleta fakatoumata.

⁵Oku alu hifo hono va‘e ki he mate, oku fakatau atu a ene gaahi laka ki heli.

⁶Bea telia naa ke fakakaukau ki he hala oe moui, oku fakafihi eia hono gaahi aluaga, ke oua naa ke ilo‘i ia.

⁷Koia ae fānau, ke mou fanogo kiate au, bea oua naa mou he mei he gaahi lea a hoku gutu.

⁸Ke fakamamao aubito ho hala meiate ia, bea oua naa ke ofi ki he mataba o hono fale:

⁹Telia naa ke foaki ho ogolelei ki ha kakai kehe, bea mo ho gaahi ta‘u ki he kakai loto fakafajifaji:

¹⁰Telia naa bito ae kau muli i ho malohi; bea e i he fale oe muli hoo gaahi gaue;

¹¹Bea ke tagi mamahi amui, oka kai o oji ho kakano mo ho jino,

¹²O ke behe ai, Oiaue, nae lahi eku fehia ki he akonaki, bea nae manuki‘i e hoku loto ae valoki;

¹³Bea nae ikai teu talagofua ki he le‘o o hoku kau akonaki, be fakatokaga‘i hoku teliga kiate kinautolu naa nau ako kiate au!

¹⁴Naaku meimei kau i he kovi kotoabe i he lotolotoga oe haohaoga moe fakatahaaga.

¹⁵Inu ae vai mei ho leba be oou, moe vaitafe mei he vai keli be oou.

¹⁶Ke tafe atu ho gaahi magamaga‘i vai, moe vaitafe oe gaahi vai ki he gaahi hala.

¹⁷Ke tuku ia ko hoo mea aau be, bea oua naa kau ai mo koe ha muli.

¹⁸Ke monuia ho matavai: bea ke fiefia koe i ho unoho aia naa ke ma‘u i hoo kei talavou.

¹⁹Ke tatau be ia moe hainite ofa moe kaseli fakaofoofa; bea ke fiemalie mau ai be koe i hono fatafata; bea ke fakafiefia‘i koe i he aho kotoabe i he ene ofa.

²⁰E hoku foha, koeha ka ke ka he ai i he fefine muli, bea fāufua ki he fatafata oe muli?

²¹He oku tokaimaanaga i he ao o Jihova ae gaahi hala oe tagata, bea oku vakai eia a hono gaahi aluaga.

²²E moua ae agahala i he ene gaahi hia aana, bea e ha‘ijia aki ia ae afo o ene agahala.

²³E mate tae akonekina ia; bea e he ia koe mea i he lahi o ene vale.