KOE GAAHI LEA FAKATĀTĀ 6:1-35 TON1884 - Bible AI

¹1 Koe taofi ki he fetogi, 5 moe fakabikobiko, 12 moe aga bauu. 16 Koe mea e fitu oku fehia ki ai ae Otua. 20 Koe lelei e tubu i he talagofua. 25 Koe kovi oe feauaki. E HOKU foha, kabau kuo ke hoko koe fetogi ki ho kaiga, kabau kuo ke fekuku nima mo ha muli,

²Ta kuo tauhele‘i koe aki ae gaahi lea mei ho gutu, kuo ke fihia koe i he gaahi lea a ho gutu.

³E hoku foha, ke ke fai eni, koeuhi ke ke hao oka ke ka to ki he nima o he kaiga: alu koe, o fakavaivai koe, koeuhi ke ke lava‘i ai ho kaiga.

⁴Oua naa tuku ke mohe ho mata, be tuku ke tulemohe ho laumata.

⁵Fakamoui koe o hage koe kaseli mei he nima oe tagata tuli manu, bea hage koe manu buna mei he nima oe tagata tauhele.

⁶Akoe koe fakabikobiko, alu ki he lo; tokaga ki he ene aga, bea ke boto ai:

⁷Aia oku ikai hano fakahinohino, be eginaki, be ha bule,

⁸Ka oku ne tokonaki ene mea kai i he faahita‘u mafana, o ne tanaki ene mea kai i he ututa‘u.

⁹Akoe koe fakabikobiko, e fefe hono fuoloa o hoo mohe? te ke toki tuu hake afe mei hoo mohe?

¹⁰E toe jii be ae mohe, e toe jii moe moumohea, e toe jii moe fehulunaki oe nima ke mohe:

¹¹Bea behe, e ha‘u ai hoo majiva o hage ha taha oku fonoga mai, bea mo hoo baea o hage ha tagata oku too mahafu.

¹²Oku alu moe gutu kovi, ae tagata oku agakovi, moe tagata agahala.

¹³Oku kakamo eia aki hono mata, oku lea aki eia hono va‘e, oku ako aki eia hono louhi‘i nima;

¹⁴Oku i hono loto ae kovi, oku ne fakatubu mau ai be ae kovi; oku tūtū‘i eia ae maveuveu.

¹⁵Koia e hoko fakafokifa ai a ene malaia; e maumau fakafokifa ia tae hano fakamoui.

¹⁶Oku fehia a Jihova ki he mea ni e ono: io, koe mea e fitu oku fakalielia i hono ao:

¹⁷Koe mata fielahi, koe elelo oku loi, moe nima oku liligi ae toto oe taehalaia,

¹⁸Koe loto oku fakatubu ae gaahi mahalo kovi, moe va‘e oku vee vave ki he fai kovi,

¹⁹Koe fakamooni loi oku lea aki ae gaahi loi, mo ia oku fakatubu maveuveu i he kaiga.

²⁰E hoku foha, ke ke tauhi ae fekau a hoo tamai, bea oua naa liaki ae fono a hoo fa‘e:

²¹Nonoo mau ai be ia ki ho loto, bea kahoa aki ia i ho kia.

²²Oka ke ka alu, te ne tataki koe; oka ke ka mohe, te ne tauhi koe; bea oka ke ka a, te mo alea mo ia.

²³He koe fekau koe tuuga māma ia: bea koe fono koe māma ia; bea koe valoki fakaboto koe hala ia oe moui:

²⁴Ke fakahaofi koe mei he fefine agahala, mei he lea fakaoloolo ae fefine muli.

²⁵Oua naa ke holi i ho loto ki hono fakaofoofa; bea oua naa tuku ke ne kākā‘i koe aki hono laumata.

²⁶He koe mea i he fefine feauaki oku fakamajiva‘i ae tagata ke toe jii ene koga ma: bea e tuli e he tonotagata ae moui mahuiga.

²⁷E faa ai e ha tagata ae afi ki hono fatafata, bea ikai vela hono gaahi kofu?

²⁸E eveeva ha taha i he fuga maka vela, ka e ikai vela hono va‘e?

²⁹Oku behe aia oku alu atu ki he unoho o hono kaugaabi; e ikai tonuhia ia oku ala ki ai.

³⁰Oku ikai fehia ae kakai ki ha kaihaa, o kabau kuo ne kaihaa ke fakafiemalie hono loto i he ene feiga fiekaia;

³¹Ka oka ilo ia, e totogi eia ke liuga fitu; e atu eia ae mea kotoabe o hono fale.

³²Ka koia oku tonofefine, oku majiva boto: koia oku ne fai ia oku fakaauha eia hono laumalie oona.

³³E lavea ai ia mo ogoogokovi: bea e ikai holoholo‘i a hono manukia.

³⁴He koe fuaa koe fakalili ia oe tagata: koia e ikai te ne toe mamae ai i he aho oe totogi.

³⁵E ikai tokaga‘i eia ha tukugoue; bea e ikai fiemalie ia i hoo foaki lahi.