KOE GAAHI LEA FAKATĀTĀ 7:1-27 TON1884 - Bible AI

¹1 Oku tala e Solomone ke tau kaiga mooni moe boto. Oku ne fakaha ene aga aana, 10 moe kākā oe fefine agahala, 22 moe vale lahi oe tagata oku fai kovi mo ia. 24 Oku ne nainai ke oua naa fai ha mea behe. E HOKU foha, ke ke ma‘u eku gaahi lea, bea ke tanaki kiate koe a eku gaahi fekau.

²Fai ki he eku gaahi fekau bea moui ai; bea tokaga‘i a eku fono o hage ko ho kano‘i mata.

³Nonoo ia ki ho louhi‘i nima, tohi ia ki he kakano o ho loto.

⁴Ke ke lea o behe ki he boto, Ko hoku tokoua koe; bea ke ui ae ilo ko ho kaiga fefine:

⁵Koeuhi ke na fakamoui koe mei he fefine muli, mei he muli oku fakaoloolo aki ene gaahi lea.

⁶He naaku jio atu mei he mataba o hoku fale mei he mataba jioata.

⁷Bea naaku vakai ki he kakai vale, bea neu ilo‘i i he kau talavou ae tagata talavou oku majiva i he boto,

⁸Nae alu atu i he hala o ofi ki hono abi; o ne alu i he hala ki hono fale,

⁹I he efiafi bouli, i he bo uliuli mo fakabouli:

¹⁰Bea vakai, nae fakafetaulaki mai kiate ia ae fefine oku kofu i he kofu oe faa feauaki, o loto kākā.

¹¹(Oku faa logoaa ia mo agamalohi; oku ikai nofo hono va‘e i hono fale:

¹²Ko eni oku i tua, ko ena oku i he gaahi hala, oku ne nofo toitoi i he tuliki kotoabe.)

¹³Bea naa ne buke ia, bea uma ki ai, bea i he mata fiematamua naa ne behe kiate ia,

¹⁴Oku ou ma‘u ae gaahi foaki fakalelei; bea kuou fakamooni ki he eku gaahi fuakava i he aho ni.

¹⁵Koia kuou ha‘u ai ke ta feilogaki mo koe, ke kumi i he feiga ki ho mata, bea koeni kuou ma‘u koe.

¹⁶Kuou teuteu hoku mohega aki ae gaahi buibui matamata lelei, moe togi fakasanisani, moe tubenu lelei mei Ijibite.

¹⁷Kuou fakanamu kakala a hoku mohega aki ae mula, moe alosi, bea moe sinamoni.

¹⁸Ha‘u, ke ta fakafonu akitaua i he ofa o a‘u ki he abogibogi: ke ta fakafiemalie akitaua i he e ta fai ofa.

¹⁹He oku ikai i abi ae tagata eiki, kuo alu ia o fonoga mamao:

²⁰Kuo ne ave mo ia ae kato baaga, bea e ikai ha‘u ia kae oua ke hokojia hono aho kuo ne lea ki ai.

²¹Naa ne fakavaivai‘i ia aki a ene gaahi lea matamata lelei, o ne ma‘u ia i he fakaoloolo a hono gutu.

²²Koia naa ne alu muimui leva iate ia, o hage koe bulu ke tamate‘i, bea hage koe vale ki he tautea oe akau fakamau va‘e;

²³Kae oua ke aji ae gahau ki hono ate; io, o hage koe manu oku oho vave ki he tauhele, o ikai ke ne ilo koe mea ke oji ai ene moui.

²⁴E fānau, ke mou fanogo eni kiate au, bea mou tokaga ki he gaahi lea a hoku gutu.

²⁵Oua naa tuku ke alu atu ho loto ki hono hala, oua naa mou he i hono gaahi aluaga.

²⁶He kuo li hifo eia ae toko lahi kuo lavea; io, kuo tamate‘i eia ae kau tagata malohi toko lahi.

²⁷Ko hono fale koe hala ia ki heli, oku alu hifo ia ki he nofoaga oe mate.