KOE GAAHI LEA FAKATĀTĀ 8:1-36 TON1884 - Bible AI

¹1 Koe ogolelei, 6 moe fakamooni oe boto. 10 Ko hono lelei, 12 mo hono aga, 15 mo hono malohi, 18 mo hono koloaia, 22 bea mo hono taegata oe boto. 32 Oku totonu ke holi ki he boto koeuhi koe lelei oku ha‘u mo ia. IKAI oku kalaga ae boto? bea ai mai e he faa ilo hono le‘o?

²Oku tuu ia i he tumutumu oe gaahi botu maoluga, moe gaahi botu i he gaahi vee hala.

³Oku ne kalaga i he gaahi mataba, moe gaahi matanikolo, i he ava oe gaahi mataba.

⁴Ae kau tagata, oku ou ui kiate kimoutolu; bea oku hiki hake hoku le‘o ki he fānau ae tagata.

⁵Ae kau sesele, mou ilo ae boto: bea ke ma‘u ekimoutolu, koe kau vale, ae loto faa ilo.

⁶Fanogo; he teu lea ki he gaahi mea oku lelei; bea e mafaa hoku lougutu i he gaahi mea totonu.

⁷Bea e lea aki ae mooni e hoku gutu; bea koe mea fakalielia ki hoku lougutu ae kovi.

⁸Oku i he maonioni ae gaahi lea kotoabe a hoku gutu; oku ikai ha bikobiko be ha kākā i ai.

⁹Oku ilogofua kotoabe kiate ia oku boto, bea totonu kiate kinautolu oku ma‘u ae ilo.

¹⁰Ma‘u a eku akonaki, kae jiaki ae siliva; bea ke lelei hake ae ma‘u oe ilo i he koula lelei.

¹¹He oku lelei hake ae boto i he gaahi maka koloa; bea oku ikai faa tatau mo ia ae gaahi mea kotoabe oku ke faa holi ki ai.

¹²Ko au boto oku ma nonofo mo faa filioi, beau ma‘u ae ilo i he fakatubu mea foou.

¹³Koe manavahe kia Jihova, koe fehia ia ki he kovi: koe fielahi, moe fakabuhobuha, moe agakovi moe gutu kovi, oku ou fehia ki ai.

¹⁴Oku aaku ae akonaki, moe boto mooni: ko au koe faa ilo: oku iate au ae malohi.

¹⁵Koe mea iate au oku bule ai ae gaahi tu‘i, bea fai fakamāu e he houeiki.

¹⁶Oku bule ae houeiki iate au, moe kakai eiki, moe kau fakamāu kotoabe o mamani.

¹⁷Oku ou ofa kiate kinautolu oku ofa kiate au; bea e ma‘u au ekinautolu oku kumi tōtōaki kiate au.

¹⁸Oku iate au ae koloa moe ogoogolelei; io, ae koloa tae bobo moe maonioni.

¹⁹Oku lelei hake i he koula a hoku fua io, i he koula lelei; mo eku koloa i he siliva lelei.

²⁰Oku ou takimua i he hala oe maonioni, i he loto hala oe fakamāu:

²¹Koeuhi keu bule ke ma‘u ae koloa mooni ekinautolu oku ofa kiate au; bea teu fakafonu ho nau tukuga koloa.

²²Nae ma‘u au e Jihova i he kamataaga o hono hala, i muaage i he ene gaahi gaue i mua.

²³Nae fokotuu au talu mei mua, mei he kamataaga i he heeki ai a mamani.

²⁴Nae fanau‘i au i he teeki ke ai ha loloto; i he heeki ai ha matavai oku fonu i he vai.

²⁵I he teeki ke tuu mau ae gaahi mouga; nae fanau‘i au i he heeki ai ae gaahi botu maoluga:

²⁶I he teeki ai te ne gaohi a mamani, be koe botu maalaala, be koe botu lahi oe efu o mamani.

²⁷I he ene teuteu ae gaahi lagi, naaku i ai au: bea i he ene tuku ae gataaga oe fuga loloto:

²⁸I he ene fokotuu ae gaahi ao i oluga: i he ene fakamalohi ae gaahi matavai oe loloto:

²⁹I he ene tuku ki he tahi ene fono, ke oua naa laka mai ia i he mea kuo ne fekau: i he ene tuutuuni ae gaahi tuuga o mamani.

³⁰Naaku i ai mo ia, o hage ha taha kuo tubu hake mo ia: ko hono fiefiaaga au i he aho kotoabe, bea naaku fiefia mau ai be i hono ao;

³¹Naaku fiefia i he gaahi botu o mamani oku kakai; bea nae i he fānau ae tagata a eku fiefiaaga.

³²Koia, E fānau, mou fanogo mai kiate au: he oku monuia ia oku tokaga ki hoku gaahi hala.

³³Mou fanogo ki he akonaki, bea mou boto, bea oua naa mou tae tokaga ki ai.

³⁴Oku monuia ae tagata oku fanogo kiate au, o ne tatali i he aho kotoabe i hoku gaahi mataba, o ne nofo i hoku vee mataba.

³⁵He koia oku ne ma‘u au oku ne ma‘u ae moui, bea e iate ia ae ogoogolelei mei a Jihova.

³⁶Ka koia oku fai agahala kiate au, oku ne fai kovi ki hono laumalie oona: oku ofa ki he mate akinautolu kotoabe oku fehia kiate au.