KOE GAAHI LEA FAKATĀTĀ 9:1-18 TON1884 - Bible AI

¹1 Koe gaue, 4 moe akonaki oe boto. 13 Koe aga, 16 moe he oe vale. KUO laga e he boto a hono fale, bea kuo ne ta mai a hono bou e fitu:

²Kuo ne tamate‘i ene faga manu; kuo ne hu‘i ene uaine; kuo ne teuteu foki hono keinagaaga.

³Kuo ne fekau atu ene kau kaunaga; oku kalaga ia mei he gaahi botu maoluga oe kolo,

⁴Kohai ia oku tae boto ke afe mai ia ki heni: bea oku lea ia, o behe, kiate ia oku tae ilo,

⁵Ha‘u, o kai i he eku ma, o inu i he uaine kuou hui‘i e au.

⁶Liaki ae kau vale, ka ke moui; bea ke alu i he hala oe faa ilo.

⁷Koia oku valoki ki he tagata manuki oku fakama ai ia: bea oku bani uli ia aia oku ne valoki‘i ae tagata agakovi.

⁸Oua naa valoki ki he tagata manuki, telia naa ne fehia kiate koe: takitala‘i ae tagata boto, bea e ofa ai ia kiate koe.

⁹Ako ki he tagata boto, bea e ajili ai ene boto: akonaki‘i ae agatonu, bea e tubulekina ai a ene ilo.

¹⁰Koe manavahe kia Jihova koe kamataga ia oe boto: bea koe ilo oe maonioni koe fakakaukau boto ia.

¹¹He koe mea iate au e fakalahi ho gaahi aho, bea e fakalahi moe ta‘u o hoo moui.

¹²Kabau koe boto koe, oku ke boto be maau: ka ke ka taukae, ko koe be te ke ogo‘i ia.

¹³Oku faa logoaa ae fefine vale: oku tae boto ia, oku ikai te ne ilo ha mea.

¹⁴He oku nofo ia i he mataba o hono fale, i he hekaaga i he gaahi botu maoluga oe kolo,

¹⁵Ke ui ki he kakai fonoga, akinautolu oku alu totonu atu i ho nau hala:

¹⁶Kohai ia oku tae boto, ke afe mai ia ki heni: bea oku ne lea, o behe kiate ia, oku tae ilo,

¹⁷Koe vai oku kaihaaji oku melie ia, bea oku ifoifo lelei ae ma oku kai fakafufu.

¹⁸Ka oku ikai ke ne ilo oku i ai ae mate; bea oku i he loloto o heli ae kakai kuo ne fakaafe.