KOE GAAHI SAME 102:1-28 TON1884 - Bible AI

¹1 Oku fakaha e he balofita i he ene lotu a ene mamahi lahi. 12 Ka oku ne fiemalie i he taegata ae Otua mo ene aloofa. 18 Oku lelei ke fakailoga‘i ae gaahi mea ofa ae Otua. 23 Oku ne boubou aki ene vaivai ae tae faa liliu ae Otua. E JIHOVA, fanogo ki he eku lotu, bea tuku ke a‘u atu eku tagi kiate koe.

²Oua naa ke fufu ho fofoga iate au i he aho oku ou mamahi ai; fakatokaga‘i ho fofoga kiate au: i he aho oku ou ui ai ke vave hoo talia au.

³He kuo fakaoji hoku gaahi aho o hage koe kohu, bea kuo vela hoku gaahi hui o hage koe vee tofunaga.

⁴Kuo ta‘i hoku loto, bea kuo mae o hage koe mohuku; koia kuo galo ai iate au ke kai eku ma.

⁵Koeuhi koe le‘o o eku to‘e, koia oku biki ai hoku gaahi hui ki hoku kili.

⁶Oku ou tatau moe belikani oe toafa: oku ou hage koe lulu oe botu lala.

⁷Oku ou leo, beau tatau moe kihi‘i manu buna oku toko taha be i he tuahivi oe fale.

⁸Oku manuki kiate au a hoku gaahi fili i he aho kotoabe; bea ko kinautolu oku mata lili kiate au kuo nau fuakava ke agatuu kiate au.

⁹He kuou kai ae efuefu o hage koe ma, mo hui aki hoku inu ae loimata,

¹⁰Koeuhi ko ho tubutamaki mo ho houhau: he kuo ke hiki hake au, bea li au ki lalo.

¹¹Oku tatau hoku gaahi aho moe ata oku mole atu; bea kuou mae o hage koe mohuku.

¹²Ka ko koe, E Jihova, te ke tologa o taegata; mo hoo fakailoga ki he gaahi toutagata kotoabe.

¹³Te ke tuu hake, mo ke aloofa ki Saione: he koe aho ke tokoni ia, io, koe aho kuo tuutuuni kuo hoko mai.

¹⁴He oku fiemalie a hoo kau tamaioeiki i hono gaahi maka, bea oku nau ofa ki hono efu oona.

¹⁵Koia e manavahe ai ae hiteni ki he huafa o Jihova, bea koe gaahi tu‘i kotoabe o mamani ki ho nāunāu.

¹⁶Oka toe laga hake e Jihova a Saione, e fakaha ia i hono nāunāu.

¹⁷Te ne tokaga ki he lotu ae majiva bea e ikai manuki‘i e nau hu.

¹⁸E tohi eni ma ae toutagata e ha‘u, bea koe kakai e fakatubu te nau fakamalo kia Jihova.

¹⁹He kuo afio hifo ia mei he maoluga o hono fale tabu; nae afio a Jihova mei he lagi ki mamani;

²⁰Ke ne fanogo ki he to‘e oe bobula; ke vete akinautolu kuo tuutuuni ke mate;

²¹Ke fakaha ae huafa o Jihova i Saione, mo ene fakamalo i Jelusalema;

²²Oka fakataha ae kakai, bea moe gaahi buleaga, ke tauhi a Jihova.

²³Naa ne fakavaivai‘i hoku malohi i he hala; naa ne fakanounou hoku gaahi aho.

²⁴Naaku behe, E hoku Otua, oua naa ave au i he lotolotoga o hoku gaahi aho: ko ho gaahi ta‘u oku tologa ki he toutagata kotoabe.

²⁵Naa ke ai i he kamataaga ae tuuga o mamani: bea koe gaahi lagi koe gaue ia i ho nima.

²⁶E auha ia, ka e behe ai be akoe: io, e fakaaau kotoabe ia ke motua o hage koe kofu; bea hage koe bulubulu te ke fatufatu ia, bea e fakakehe ia:

²⁷Ka e behe ai be akoe, bea e ikai hano gataaga o ho gaahi ta‘u.

²⁸E tologa ae fānau a hoo kau tamaioeiki, bea e fokotuu mau ho nau hako i ho ao.