KOE GAAHI SAME 104:1-35 TON1884 - Bible AI

¹1 Koe fakalaulauloto ki he mafimafi oe Otua, 7 mo ene bule fakaofo. 31 Oku taegata ae nāunāu oe Otua. 33 Oku fuakava ae balofita ke ne fakamalo mau ai be ki he Otua. FAKAFETAI kia Jihova, a hoku laumalie. E Jihova ko hoku Otua, oku ke lahi aubito; kuo kofu aki koe ae fakaabaaba moe mafimafi.

²Oku ke ufiufi aki koe ae māma o hage koe kofu: oku ke fofola atu ae gaahi lagi o hage koe buibui:

³Oku ne ai ae gaahi utoboto o hono gaahi fale i he gaahi vai: bea ko ene saliote ae gaahi ao: bea oku haele ia i he gaahi kabakau oe matagi:

⁴Oku ne gaohi ene kau agelo ke hage koe matagi; mo ene kau faifekau koe afi oku ulo:

⁵Naa ne ai ae gaahi tuuga o mamani, ke oua naa ue‘i ia o lauikuoga.

⁶Oku ke ufiufi aki ia ae loloto o hage koe kofu: nae tuu ae gaahi vai o maoluga hake i he gaahi mouga.

⁷I hoo valoki naa nau buna; i he le‘o o hoo fatuliji naa nau hola ai.

⁸Oku nau alu hake i he gaahi mouga; bea nau alu hifo i he gaahi vahaa mouga ki he botu kuo ke teuteu ki ai.

⁹Kuo ke ai hono gataaga ke oua naa alu atu ia i ai; koeuhi ke oua naa toe ha‘u ia ke lofia a mamani.

¹⁰Oku ne fekau atu ae gaahi matavai i he gaahi luo, aia oku tafe i he lotolotoga oe gaahi foi mouga.

¹¹Oku inu mei ai ae faga manu kotoabe oe vao: bea oku inu o fiu ai ae faga asi hehegi.

¹²Oku ma‘u i ai e he manu buna oe atā ho nau nofoaga, oku nau hiva i he gaahi vaa.

¹³Oku ne fakaviviku ae gaahi foi mouga mei hono fale afioaga: oku makona ae kelekele i he fua o hoo gaahi gaue.

¹⁴Oku fakatubu eia ae mohuku ma ae faga manu, moe akau ke aoga ki he tagata: koeuhi ke ne omi ae mea kai mei he kelekele;

¹⁵Moe uaine aia oku fakafiefia‘i ae loto oe tagata, moe lolo ke fakagigila hono mata, moe ma ke fakamalohi ae loto oe tagata.

¹⁶Oku fonu i he huhua ae gaahi akau o Jihova; koe gaahi sita o Lebanoni, aia kuo ne to;

¹⁷Oku gaohi i ai e he faga manu buna ho nau bunuga: bea koe sitoaki, ko hono fale koe gaahi akau koe baini.

¹⁸Koe gaahi foi mouga maoluga koe nufaga ia oe faga koji hehegi; bea moe gaahi maka ki he faga koni.

¹⁹Naa ne tuutuuni ae mahina ki he gaahi faahita‘u: oku ilo‘i e he laa hono toaga.

²⁰Oku ke gaohi ae bouli, bea koe bo ia: bea oku totolo atu i ai ae faga manu kotoabe oe vao.

²¹Oku gugulu ae faga laione mui ke ma‘u e nau mea, bea nau kumi e nau mea kai mei he Otua.

²²Oku hobo hake ae laa, bea oku nau fakataha ai, o nau tokoto i ho nau gaahi ana.

²³Oku alu atu ae tagata ki he ene gaue mo ene goue o a‘u ki he efiafi.

²⁴E Jihova, hono ikai lahi a hoo gaahi gaue! kuo ke gaohi kotoabe ia i he boto: oku fonu a mamani i hoo koloa.

²⁵Bea oku behe ae tahi lahi ni mo laulahi, aia oku ai ae gaahi mea totolo taefaalaua, ae faga ika iki moe lalahi.

²⁶Oku alu i ai ae gaahi vaka: oku i ai ae levaiatani koia, aia kuo ke gaohi ke ne fakava ai.

²⁷Oku tatali akinautolu ni kotoabe kiate koe: koeuhi ke ke foaki kiate kinautolu e nau mea kai i he feituulaa totonu.

²⁸Koia oku ke foaki kiate kinautolu oku nau tanaki: oku ke mafola ho nima, bea oku bito akinautolu i he lelei.

²⁹Oku ke fufu ho fofoga, bea nau mamahi ai: oku ke too atu e nau mānava, bea nau mate, bea foki ki ho nau efu.

³⁰Oku ke fekau atu ho Laumalie, bea oku fakatubu ai akinautolu: bea oku ke fakafoou ae fuga o mamani.

³¹E tologa o taegata ae nāunāu o Jihova: e fiefia a Jihova i he ene gaahi gaue.

³²Oku afio ia ki mamani, bea tetetete ia: oku ala ia ki he gaahi foi mouga, bea oku nau kohu ai.

³³Teu hiva kia Jihova i he eku kei moui: teu hiva fakamalo ki hoku Otua i he lolotoga o eku moui.

³⁴E melie a eku fakakaukau kiate ia: teu fiefia ia Jihova.

³⁵Tuku ke ojiojigamalie ae kakai agahala mei mamani, bea oua naa kei toe ae kau agakovi. Fakafetai kia Jihova, a hoku laumalie. Mou fakamalo kia Jihova.