KOE GAAHI SAME 105:1-45 TON1884 - Bible AI

¹1 Koe eginaki ke fakamalo ki he Otua, bea kumi ke ilo a ene gaue. 7 Koe fakamatala ki he bule ae Otua kia Ebalahame, 16 mo Josefa, 23 mo Jekobe i Ijibite, 26 mo Mosese i he ene fakamoui a Isileli, 37 bea ki he kakai Isileli kuo ne omi mei Ijibite, o fafaga i he toafa, bea nau ma‘u a Kenani. MOU atu ae fakafetai kia Jihova; ui ki hono huafa: fakaha ene gaahi gaue i he ao oe kakai.

²Hiva kiate ia, hiva aki ae gaahi same kiate ia: mou talanoa aki ene gaahi gaue fakaofo kotoabe.

³Mou vikiviki i hono huafa maonioni: tuku ke fiefia ae loto okinautolu oku nau kumi kia Jihova.

⁴Kumi kia Jihova, mo hono malohi: kumi mau ai be ki hono fofoga.

⁵Manatu ki he ene gaahi gaue fakaofo aia kuo ne fai; a ene gaahi mana, moe gaahi fakamāu a hono fofoga;

⁶Akimoutolu ae hako o Ebalahame ko ene tamaioeiki, akimoutolu ae fānau a Jekobe aia kuo ne fili.

⁷Koia, ko Jihova ko ho tau Otua: oku i mamani kotoabe a ene gaahi fakamāu.

⁸Kuo manatu eia ki he ene fuakava o lauikuoga, koe folofola aia naa ne fekau ki he toutagata e taha afe.

⁹Ae fuakava aia naa ne fai mo Ebalahame, bea mo ene fuakava kia Aisake;

¹⁰Bea ne fokotuu mau ia kia Jekobe koe fono, bea kia Isileli koe fuakava taegata:

¹¹O ne behe, Teu foaki kiate koe ae fonua ko Kenani, koe fuofua o ho mou tofia:

¹²I he lolotoga nae toko jii be ho nau kau tagata; io, koe toko jii aubito, moe kau muli i ai.

¹³Lolotoga ae nau alu mei he faahiga e taha ki ha faahiga kehe, bea mei he buleaga e taha ki he kakai kehe;

¹⁴Nae ikai tuku eia ke fai kovi e ha tagata e taha kiate kinautolu: io, naa ne valoki ae gaahi tu‘i koeuhi ko kinautolu;

¹⁵O ne behe, Oua naa ala kiate ia kuou bani, bea oua naa fai kovi ki he eku kau balofita.

¹⁶Bea naa ne ui foki ke hoko ae hoge ki he fonua: naa ne feji‘i ae tokotoko kotoabe oe ma.

¹⁷Naa ne fekau ae tagata ke muomua iate kinautolu, io, ko Josefa aia nae fakatau ke tamaioeiki:

¹⁸Bea naa nau fakamamahi‘i hono va‘e aki ae gaahi ha‘i: nae tuia ia e he ukamea:

¹⁹O a‘u ki he aho nae hoko ai ene lea: nae ahiahi‘i ia e he folofola a Jihova.

²⁰Nae fekau e he tu‘i ke vete ia; io, e he bule oe kakai, bea naa ne tukuage ia ke tauataina be.

²¹Naa ne fakanofo ia koe eiki o hono fale, moe bule o ene koloa kotoabe:

²²Ke ha‘ijia hono gaahi eiki ko ene faiteliha; mo akonaki‘i a ene kau mātua i he boto.

²³Nae ha‘u foki a Isileli ki Ijibite; bea nae aunofo a Jekobe i he fonua o Hami.

²⁴Bea naa ne fakatubu o toko lahi aubito a hono kakai; bea ne gaohi akinautolu ke nau malohi hake i ho nau gaahi fili.

²⁵Naa ne liliu ho nau loto ke nau fehia ki hono kakai, ke nau fai kākā ki he ene kau tamaioeiki.

²⁶Naa ne fekau atu a Mosese ko ene tamaioeiki; mo Elone aia naa ne fili.

²⁷Naa ne fakaha hono gaahi fakailoga iate kinautolu, moe gaahi mea mana i he fonua o Hami.

²⁸Nae fekau eia ki he fakabouli, bea gaohi ia koe bouli; bea nae ikai agatuu akinautolu ki he ene folofola.

²⁹Naa ne liliu ho nau gaahi vai koe toto, mo tamate‘i e nau ika.

³⁰Nae tubu i ho nau fonua ae faga boto o lahi aubito, i he gaahi loki o ho nau gaahi tu‘i.

³¹Nae folofola ia, bea nae ha‘u ae gaahi lago kehekehe, moe faga kutu i ho nau fonua.

³²Naa ne omi ae uha maka kiate kinautolu koe fetogi oe uha, moe afi oku ulo i ho nau fonua.

³³Naa ne ta‘i foki e nau gaahi vaine, moe nau gaahi akau koe fiki; bea feji‘i ae gaahi akau o ho nau fonua.

³⁴Naa ne folofola, bea nae ha‘u ai ae faga hee, moe gaahi unufe oku taefaalaua.

³⁵Bea naa nau kai ke oji ae gaahi aka‘i kotoabe i ho nau fonua, bea nau fakaauha ae fua oe nau goue.

³⁶Naa ne ta‘i foki ae uluaki fanau kotoabe i ho nau fonua, koe fugani oe nau malohi kotoabe.

³⁷Naa ne omi foki akinautolu moe siliva moe koula: bea nae ikai ai ha toko taha nae vaivai i ho nau gaahi faahiga.

³⁸Nae fiefia a Ijibite i he e nau alu: he nae to kiate kinautolu ae manavahe koeuhi ko kinautolu.

³⁹Naa ne fofola ae ao koe fakamalu; bea moe afi ke fakamāma i he bo.

⁴⁰Nae kole e he kakai, bea naa ne omi ae faga manu buna, mo ne fakamakona aki akinautolu ae ma oe lagi.

⁴¹Naa ne fakaava ae maka, bea oho mai ae gaahi vai; bea nae tafe ia i he gaahi botu momoa o hage koe vaitafe

⁴²He naa ne manatu ki he ene talaofa maonioni, mo Ebalahame ko ene tamaioeiki.

⁴³Bea ne omi hono kakai i he fiefia, mo kinautolu kuo ne fili i he nekeneka:

⁴⁴Bea ne foaki kiate kinautolu ae gaahi fonua oe hiteni: bea naa nau ma‘u ae gaue ae kakai;

⁴⁵Koeuhi ke nau tokaga ki he ene gaahi tuutuuni, mo tauhi ene gaahi fekau. Mou fakamalo kia Jihova.