KOE GAAHI SAME 109:1-31 TON1884 - Bible AI

¹1 Oku lāuga a Tevita ki he lauikovi a hono gaahi fili, oku ne fakatukutuku‘i akinautolu i he tagata ko Jutasi. 16 Oku ne fakaha e nau hia. 21 Oku fakaha ene mamahi, o kole ae tokoni. 29 Oku behe eia te ne fakafetai. E OTUA o eku fakamalo, oua naa ke fakalogobe;

²He kuo mafaa ae gutu oe agahala moe gutu oe kākā kiate au: kuo nau lea kovi kiate au aki ae elelo loi.

³Naa nau kabui foki au aki ae gaahi lea oe taufehia; mo nau tau‘i au tae hano uhiga.

⁴Koe mea i he eku ofa kuo hoko akinautolu ko hoku gaahi fili: ka teu hagahaga lotu be au.

⁵Bea kuo nau totogi aki kiate au ae kovi ki he lelei, moe fehia ki he eku ofa.

⁶Ke ke fakanofo ae tagata agakovi ke bule kiate ia: bea tuku ke tuu a Setani i hono nima toomatau.

⁷Oka fakamāu ia, tuku ke halaia ia: bea tuku ke hoko ene lotu koe agahala.

⁸Tuku ke jii be hono gaahi aho; bea ke ma‘u e ha taha kehe ene gaue.

⁹Tuku ke tamai mate ene fānau, bea hoko a hono unoho koe fefine kuo mate hono unoho.

¹⁰Tuku ke he mau ai be ene fānau, mo kole: bea tuku ke nau kumi foki e nau ma mei ho nau gaahi botu oku lala.

¹¹Tuku ke ma‘u e he fakamalohi ae mea kotoabe oku aana; bea maumau‘i e he kau muli ene gaue.

¹²Oua naa tuku ha taha ke manavaofa kiate ia: bea oua naa tuku ha taha ke ofa ki he ene fānau oku tamai mate.

¹³Tuku ke tuuji hono hako; bea i he toutagata e ha‘u tuku ke tamate‘i ho nau higoa.

¹⁴Ke manatu‘i e Jihova ae hia a ene gaahi tamai; bea oua naa tamate‘i ae agahala a ene fa‘e.

¹⁵Tuku mau ai be ia i he ao o Jihova, koeuhi ke ne tuuji ho nau fakamanatu‘i mei mamani.

¹⁶Koeuhi nae ikai manatu‘i eia ke fakaha ae ofa, ka naa ne fakataga ae tagata majiva mo baea, koeuhi ke ne tamate‘i aia oku mafeji hono loto.

¹⁷Koe mea i he ene ofa ki he kabekabe, koia ke hoko ia kiate ia: koe mea i he ene tae fiefia i he tabuaki, koia ke mamao ia iate ia.

¹⁸Koe mea i he ene fakakofu aki ia ae kabe o hage koe kofu, koia ke hoko ia ki hono kete o hage koe vai, bea hage koe lolo ki hono gaahi hui.

¹⁹Ke tatau ia kiate ia moe kofu aia oku ufiufi aki ia, bea moe noo aia oku nonoo aki mau ai be ia.

²⁰Tuku eni koe totogi ki hoku gaahi fili mei a Jihova, bea kiate kinautolu oku nau lea aki ae kovi ki hoku laumalie.

²¹Ka ke fai ekoe maaku, E Jihova koe Eiki, koeuhi ko ho huafa: koeuhi oku lelei hoo aloofa, ke ke fakamoui au.

²²He oku ou majiva mo baea, bea kuo lavea hoku loto iate au.

²³Kuou mole atu o hage koe ata oka fakaaau ke oji ia: kuo feaveaki au o hage koe faga hee.

²⁴Oku vaivai hoku tui i he aukai: bea kuo mole ae jino o hoku kakano.

²⁵Neu hoko foki koe manukiaga kiate kinautolu: i he e nau jio mai kiate au, naa nau kalokalo ho nau ulu.

²⁶Tokoni‘i au, E Jihova ko hoku Otua: ke ke fakamoui au o hage ko hoo aloofa:

²⁷Koeuhi ke nau ilo ko ho nima eni; bea ko koe, E Jihova, kuo ke fai ia.

²⁸Tuku ke nau kabe, ka ke fakamonuia ekoe: oka nau ka tuu hake, tuku ke nau ma; kae tuku ke fiefia a hoo tamaioeiki.

²⁹Tuku ke kofu a hoku gaahi fili aki ae ma, bea tuku ke nau ufiufi aki akinautolu ae nau bubutuu, o hage koe bulubulu.

³⁰Teu fakamalo lahi kia Jihova aki hoku gutu; io, teu fakamalo kiate ia i he lotolotoga oe toko lahi.

³¹Koeuhi e tuu ia i he nima toomatau oe majiva, ke fakamoui ia meiate kinautolu oku nau fakahalaia hono laumalie.