KOE GAAHI SAME 115:1-18 TON1884 - Bible AI

¹1 Oku ne eginaki ke loto tui ki he Otua, koeuhi oku ogoogolelei ae Otua, bea oku vaiga be ae tamabua. 12 Oku totonu ke fakafetai ki he Otua koeuhi ko ene gaahi tabuaki. OUA naa tuku kiate kimautolu, E Jihova, oua naa tuku kiate kimautolu, ka ki ho huafa ae ogoogolelei, koeuhi ko hoo aloofa, bea mo hoo mooni.

²Koeha e behe ai e he hiteni, Koefe ho nau Otua?

³Ka ko ho tau Otua oku i he gaahi lagi: kuo ne fai aia kuo ne finagalo ki ai.

⁴Ko ho nau gaahi tamabua koe siliva moe koula, koe gaue ae nima oe tagata.

⁵Oku ai ho nau gutu, ka oku ikai te nau lea: oku nau ma‘u ae mata, ka oku ikai te nau mamata:

⁶Oku nau teliga, ka oku ikai te nau ogo‘i: oku ai ho nau ihu, ka oku ikai te nau nanamu:

⁷Oku nau ma‘u ae nima, ka oku ikai te nau ala ki ha mea: oku ai ho nau va‘e, ka oku ikai te nau aeva: bea oku ikai te nau lea aki ho nau kia.

⁸Ko kinautolu oku gaohi akinautolu oku nau tatau mo kinautolu: bea oku behe be akinautolu kotoabe oku falala ki ai.

⁹E Isileli, ke ke falala kia Jihova; ko ho nau tokoni ia mo ho nau fakaū.

¹⁰E fale o Elone, ke ke falala kia Jihova: ko ho nau tokoni ia mo ho nau fakaū.

¹¹Akimoutolu oku manavahe kia Jihova, mou falala kia Jihova: ko ho nau tokoni ia mo ho nau fakaū.

¹²Kuo manatu‘i e Jihova akitautolu: te ne tabuaki akitautolu; te ne tabuaki ae fale o Isileli; te ne tabuaki ae fale o Elone.

¹³Te ne tabuaki akinautolu oku nau manavahe kia Jihova, ae iki moe lalahi.

¹⁴E fakatokolahi akimoutolu e Jihova, bea te mou tubu be, akimoutolu mo hoo mou fānau.

¹⁵Oku mou monuia ia Jihova, aia naa ne gaohi ae lagi mo mamani.

¹⁶Oku o Jihova ae lagi, io, koe gaahi lagi: bea kuo ne foaki a mamani ki he fānau ae tagata.

¹⁷Oku ikai fakamalo kia Jihova ae mate, be ha taha oku alu hifo ki he fakalogobe.

¹⁸Ka te tau fakafetai kia Jihova mei he aho ni o taegata. Mou fakamalo kia Jihova.