KOE GAAHI SAME 116:1-19 TON1884 - Bible AI

¹1 Oku fakaha e he tagata tohi same a ene ofa mo ene talagofua ki he Otua koeuhi ko ene fakamoui ia. 12 Oku ne tokaga ke ne fakafetai. OKU ou ofa kia Jihova, koeuhi kuo ne ogo‘i hoku le‘o mo eku lotu tāumau.

²Koeuhi kuo ne fakatokaga‘i hono fofoga kiate au, koia teu ui ai ki he ene afio i hoku gaahi aho.

³Nae kabui au e he gaahi mamahi oe mate, bea nae buke au e he gaahi mamahi o heli: naaku ilo ai ae tuutamaki moe mamahi.

⁴Bea naaku toki ui ki he huafa o Jihova; E Jihova, oku ou kole kiate koe, ke ke fakamoui hoku laumalie.

⁵Oku manavaofa a Jihova, mo maonioni; io, oku aloofa a ho tau Otua.

⁶Oku fakamoui e he Otua ae taekākā: naaku vaivai, bea naa ne tokoni‘i au.

⁷E hoku laumalie, ke ke foki ki ho mālōlōaga; he kuo lahi ae foaki a Jihova kiate koe.

⁸He kuo ke fakamoui hoku laumalie mei he mate, mo hoku mata mei he loimata, mo hoku va‘e ke oua naa higa.

⁹Teu eveeva i he ao o Jihova i he fonua oe moui.

¹⁰Naaku tui, koia kuou lea ai: naaku mahaki lahi:

¹¹Naaku behe i he eku tootoo, Oku loi ae kakai kotoabe.

¹²Koeha teu atu kia Jihova koeuhi ko ene gaahi mea ofa kotoabe kiate au?

¹³Teu too ae ibu oe fakamoui, bea teu ui ki he huafa o Jihova.

¹⁴Teu fai ni eku gaahi fuakava kia Jihova i he ao o hono kakai kotoabe.

¹⁵Oku mahuiga i he ao o Jihova ae bekia o ene kakai maonioni.

¹⁶E Jihova, koe mooni ko hoo tamaioeiki au; ko hoo tamaioeiki au, moe tama a hoo kaunaga: kuo ke vete hoku gaahi ha‘i.

¹⁷Teu atu kiate koe ae feilaulau oe fakafetai, bea ui ki he huafa o Jihova.

¹⁸Teu fai ni eku gaahi fuakava kia Jihova i he ao o hono kakai kotoabe,

¹⁹I he gaahi lotoa oe fale o Jihova, i he lotolotoga oou, E Jelusalema. Mou fakamalo kia Jihova.