KOE GAAHI SAME 118:1-29 TON1884 - Bible AI

¹1 Koe eginaki ke fakamalo ki he Otua koeuhi ko ene aloofa. 5 Oku fakaha e he tagata tohi same koe mea lelei ke falala ki he Otua. 19 Bea i he fakatātā kiate ia, oku ne fakaha ae kaele mai a Kalaisi, bea mo ene bule. MOU atu ae fakafetai kia Jihova; he oku agalelei ia: koeuhi oku tologa o taegata a ene aloofa.

²Ke lea ni e Isileli, oku tologa o taegata a ene aloofa.

³Ke lea ni ae fale o Elone, oku tologa o taegata a ene aloofa.

⁴Tuku ke lea ni akinautolu oku nau manavahe kia Jihova, oku tologa o taegata a ene aloofa.

⁵Naaku ui kia Jihova i he mamahi: bea nae talia au e Jihova, mo ne tuku au ki he botu ataatā.

⁶Oku kau maaku a Jihova; e ikai teu manavahe: koeha e faa fai e ha tagata kiate au?

⁷Oku fai maaku a Jihova mo kinautolu oku nau tokoni au: koia teu mamata ai kiate kinautolu oku nau fehia kiate au.

⁸Oku lelei lahi ae falala kia Jihova i he falala ki he tagata.

⁹Oku lelei lahi ae falala kia Jihova i he falala ki he gaahi eiki.

¹⁰Nae kabui au e he gaahi buleaga kotoabe: ka i he huafa o Jihova teu fakaauha akinautolu.

¹¹Naa nau takatakai au; io, naa nau kabui au: ka i he huafa o Jihova teu fakaauha akinautolu.

¹²Naa nau kabui au o hage koe faga bi; kuo tamate‘i akinautolu o hage koe afi i he akau talatala: he teu fakaauha akinautolu i he huafa o Jihova.

¹³Kuo ke teke‘i malohi au koeuhi keu higa ai: ka nae tokoni au e Jihova.

¹⁴Ko hoku malohi a Jihova mo eku hiva, bea kuo hoko ia ko hoku fakamoui.

¹⁵Koe lea oe fiefia moe fakamoui oku i he gaahi fale fehikitaki oe agatonu: oku fai malohi ae nima toomatau o Jihova.

¹⁶Kuo hiki hake ae nima toomatau o Jihova: oku fai malohi ae nima toomatau o Jihova.

¹⁷E ikai teu mate, kae moui, o fakaha ae gaahi gaue a Jihova.

¹⁸Kuo tautea fakamamahi‘i au e Jihova: ka oku teeki ai te ne tukuage au ki he mate.

¹⁹Too kiate au ae gaahi mataba oe maonioni: teu hu ai, beau fakamalo kia Jihova:

²⁰Koe mataba eni o Jihova, aia e hu ai ae agatonu.

²¹Teu fakamalo kiate koe: he kuo ke ogo‘i au, bea kuo ke hoko ko hoku fakamoui.

²²Koe maka nae liaki e he kau tufuga kuo hoko ia koe fugani maka oe tuliki.

²³Koe gaue eni a Jihova; bea koe mea fakaofo i ho tau ao.

²⁴Koe aho eni kuo gaohi e Jihova; te tau fiefia bea nekeneka ai.

²⁵E Jihova, oku ou kole kiate koe, ke ke fakamoui ni: E Jihova, oku ou kole kiate koe, ke ke tuku mai ni ae monuia.

²⁶Ke monuia ia oku ha‘u i he huafa o Jihova: kuo mau tabuekina akimoutolu mei he fale o Jihova.

²⁷Koe Otua ko Jihova ia, aia kuo ne fakaha ae māma kiate kitautolu: mou nonoo ae feilaulau aki ae gaahi afo ki he gaahi nifo oe feilaulauaga.

²⁸Ko koe ko hoku Otua, bea teu fakamalo kiate koe: ko koe ko hoku Otua, teu fakahikihiki‘i koe.

²⁹Mou atu ae fakafetai kia Jihova; he oku agalelei ia: koeuhi oku tologa o taegata a ene aloofa.