KOE GAAHI SAME 132:1-18 TON1884 - Bible AI

¹1 Oku fakaha e Tevita i he ene lotu ki he Otua a ene tokaga lahi ki he buha oe fuakava. 9 Ko ene lotu i he hiki ae buha oe fuakava, 11 mo ene lea aki ae gaahi talaofa ae Otua. E JIHOVA, ke ke manatu kia Tevita, mo ene mamahi kotoabe:

²A ene fuakava kia Jihova, mo ene lea fakababau ki he Otua malohi o Jekobe;

³Koe mooni e ikai teu alu ki hoku fale nofoaga, be alu hake ki hoku mohega;

⁴E ikai teu tuku ae mohe ki hoko mata, be koe tulemohe ki hoku laumata,

⁵Kae oua keu ilo ha botu moo Jihova, koe afioaga ki he Otua malohi o Jekobe.

⁶Vakai, naa tau fanogo ki ai i Efalata: bea naa tau ilo ia i he gaahi goue oe vao.

⁷Te tau hu ki hono gaahi fale fehikitaki: te tau lotu i hono tuuga va‘e.

⁸Tuu hake, E Jihova, ki ho mālōlōaga; akoe, moe buha oe fuakava o ho malohi.

⁹Ke kofu aki e hoo kau taulaeiki ae agatonu; bea ke kalaga i he fiefia a hoo kakai maonioni.

¹⁰Koeuhi ko hoo tamaioeiki ko Tevita, oua naa ke fakatafoki ae mata o hoo bani.

¹¹Kuo fuakava a Jihova i he mooni kia Tevita; e ikai te ne liliu mei ai; Teu fokotuu ki ho nofoa ae fua o ho jino.

¹²Kabau e fai e hoo fānau ki he eku fuakava mo eku fakamooni aia teu ako kiate kinautolu, e nofo foki e nau fānau i ho nofoa fakaeieiki o lauikuoga.

¹³He kuo fili e Jihova a Saione; kuo ne finagalo ki ai ko hono afioaga.

¹⁴Ko hoku mālōlōaga eni o taegata: teu nofo i heni; he naaku finagalo ki ai.

¹⁵Koe mooni teu tabuaki lahi hono mea kai: teu fakamakona a hono kau majiva aki ae ma.

¹⁶Teu fakakofu foki ene kau taulaeiki aki ae fakamoui: bea ko ene kau maonioni te nau kalaga o le‘o lahi i he fiefia.

¹⁷Teu gaohi ke moto ai ae nifo o Tevita: kuou tuutuuni ae māma ma a eku bani.

¹⁸Teu fakakofu aki hono gaahi fili ae ma: ka e mauiui a hono tatā iate ia.