KOE GAAHI SAME 135:1-21 TON1884 - Bible AI

¹1 Koe eginaki ke fakamalo ki he Otua koeuhi ko ene aloofa, 5 mo ene mafimafi, 8 bea mo ene gaahi fakamāu. 15 Koe mea vaiga be ae gaahi tamabua. 19 Koe mea eginaki ke fakafetai ki he Otua. MOU fakamalo kia Jihova. Mou fakamalo ki he huafa o Jihova; fakamalo kiate ia, akimoutolu koe kau tamaioeiki a Jihova.

²Akimoutolu oku tuu i he fale o Jihova, i he gaahi loto a oe fale o ho tau Otua,

³Fakamalo kia Jihova; he oku agalelei a Jihova: hiva fakamalo ki hono huafa; he oku malie ia.

⁴He kuo fili e Jihova a Jekobe maana, mo Isileli ko hono tofia oona.

⁵He oku ou ilo oku lahi a Jihova, bea oku maoluga hake ho tau Eiki i he gaahi otua kotoabe.

⁶Koe mea kotoabe nae finagalo ki ai a Jihova, koia naa ne fai i he lagi, mo mamani, i he gaahi tahi, moe gaahi botu loloto kotoabe.

⁷Oku bule eia ke alu hake ae kakabu mei he gaahi gataaga o mamani; oku ne gaohi ae gaahi uhila moe uha; oku omi eia ae matagi mei hono gaahi feleoko.

⁸Koia ia nae ta‘i ae uluaki fanau o Ijibite, ae tagata moe manu.

⁹Mo ne fekau atu ae gaahi fakailoga moe gaahi mea fakaofo i he lotolotoga oou, E Ijibite, kia Felo, bea mo ene kau tamaioeiki kotoabe.

¹⁰Koia nae ta‘i ae gaahi buleaga lahi, mo tamate‘i ae gaahi tu‘i malohi;

¹¹Ko Sihoni koe tui oe kau Amoli, mo Oki koe tu‘i o Besani, moe gaahi buleaga kotoabe o Kenani:

¹²Bea nae foaki ho nau fonua koe tofia, koe tofia ki Isileli ko hono kakai.

¹³E Jihova, oku tologa o taegata ho huafa; mo ho fakamanatu, E Jihova, ki he gaahi toutagata kotoabe.

¹⁴Koeuhi e fakamāu e Jihova hono kakai, bea e lolou ia koeuhi ko ene kau tamaioeiki.

¹⁵Koe gaahi tamabua oe hiteni koe siliva moe koula, koe gaue ae nima oe tagata.

¹⁶Oku ai ho nau gutu, ka oku ikai te nau lea; oku nau ma‘u ae mata, ka oku ikai te nau mamata;

¹⁷Oku nau ma‘u ae teliga, ka oku ikai te nau fanogo; bea oku ikai ha mānava i ho nau gutu.

¹⁸Ko kinautolu oku gaohi akinautolu oku nau tatau mo kinautolu: bea oku behe be akinautolu oku falala ki ai.

¹⁹E fale o Isileli, ke ke fakafetai kia Jihova: E fale o Elone, ke ke fakafetai kia Jihova:

²⁰E fale o Livai, ke ke fakafetai kia Jihova: akimoutolu oku manavahe kia Jihova, mou fakafetai kia Jihova.

²¹Mou fakafetai kia Jihova mei Saione, aia oku afio i Jelusalema. Mou fakamalo kia Jihova.