KOE GAAHI SAME 137:1-9 TON1884 - Bible AI

¹1 Koe loto mau ae kakai Jiu i he e nau bobula. 7 Koe fakamalaia o Itomi mo Babilone e he balofita. NAA mau nofo ki lalo i he vee vaitafe o Babilone, io, naa mau tagi i he e mau manatu ki Saione.

²Naa mau tautau e mau gaahi haabe i he gaahi uilou i he lotolotoga oia.

³He nae fekau‘i ai ekinautolu naa nau fakabobula‘i akimautolu ke mau hiva; bea ko kinautolu nae fakaojioji akimautolu naa nau fekau ke mau fiefia, o nau behe, Hiva mai kiate kimautolu i he gaahi hiva o Saione.

⁴E fefe e mau hiva aki ae hiva a Jihova i he fonua oe muli?

⁵Kabau teu fakagalogalo‘i koe, E Jelusalema, tuku ke galo i hoku nima toomatau hono faiva.

⁶Kabau e ikai teu manatu kiate koe, tuku ke bikitai a hoku elelo ki hoku oaoigutu; o kabau e ikai teu hiki maoluga hake a Jelusalema i hoku fugani fiefiaaga.

⁷Manatu, E Jihova, ki he fānau a Itomi i he aho o Jelusalema; naa nau behe, Fakaauha ia, fakaauha ia, o a‘u ki hono tuuga.

⁸E ofefine o Babilone, e fakaauha koe; e monuia ia, aia te ne totogi kiate koe o hage ko hoo fai kiate kimautolu.

⁹E monuia ia, aia te ne too o laiki hoo fānau iki ki he maka.