KOE GAAHI SAME 138:1-8 TON1884 - Bible AI

¹1 Oku fakafetai e Tevita ki he Otua koeuhi koe mooni o ene folofola. 4 Oku ne kikite e fakamalo ki he Otua ae gaahi tu‘i o mamani. 7 Oku fakaha ene tui ki he Otua. TEU fakamalo kiate koe aki hoku loto kotoabe: i he ao oe gaahi otua teu hiva fakamalo kiate koe.

²Teu lotu o haga atu ki ho fale tabu maonioni, mo fakamalo ki ho huafa koeuhi ko hoo aloofa mo hoo mooni: he kuo ke hiki ke maoluga hake hoo folofola i ho huafa kotoabe.

³I he aho neu tagi ai naa ke talia au, mo fakamalohi aki au ae malohi i hoku laumalie.

⁴E Jihova, e fakamalo kiate koe ae gaahi tu‘i kotoabe o mamani, oka nau ka fanogo ki he gaahi folofola o ho fofoga.

⁵Io, te nau hiva i he gaahi hala o Jihova: he oku lahi ae nāunāu o Jihova.

⁶Koe mooni oku maoluga a Jihova, ka oku ofa ia ki he agavaivai: ka oku ilo eia ae laukau ki he mamao.

⁷Ne ogo eku eveeva i he lotolotoga oe mamahi, te ke fakaakeake au: te ke mafao atu ho nima ke taofi ki he ita a hoku gaahi fili, bea ko ho nima toomatau te ne fakamoui au.

⁸E fakahaohaoa e Jihova aia oku kau kiate au: ko hoo aloofa, E Jihova, oku tologa o taegata: oua naa ke jiaki ae gaahi gaue a ho nima oou.